مولد كهربائي لمصعد

**yaserbasha2000** · 10-08-2010 03:53 PM

يا ريت ياجماعه تساعدوني بأي معلومات عن المولدات الكهربائيه الكبيره

الحكايه ان الاسانسير في العماره اللي انا ساكن فيها محتاجين نعمله مولد احتياطي علشان لو الكهرباء فصلت يشتغل علي المولد هو و اضائه السلم

المعلومات المتاحه

الاسانسير 4 افراد 3 فاز (مش عارف الحمل بالظبط كام كيلو وات )
العماره 12 دور
اناره السلم حوالي 1200 وات

المطلوب سعر تقديري لنوع محترم يكفي للحمل ده + تكاليف الصيانه الدوريه سنويا

و ياريت نصيحه من اي حد مجرب الموضوع ده هل بيبقي عملي في العماره و له لازمه ولا هتبقي تكلفه علي الفاضي و هيبوظ من قله التشغيل خصوصا واني متوقع مبلغ كبير ممكن يفيد اتحاد الملاك في اشياء اخري اهم

**mostafabakry** · 10-08-2010 03:58 PM

حضرتك انا من رايي انه افضل انك تستشير الشركة اللي عملت الأنسانسير و هي تقولك علي قدرة المولد المطلوب

**yaserbasha2000** · 10-08-2010 04:16 PM

المشاركة الأصلية كتبت بواسطة mostafabakry

حضرتك انا من رايي انه افضل انك تستشير الشركة اللي عملت الأنسانسير و هي تقولك علي قدرة المولد المطلوب

شكرا لرد حضرتك
طبعا وقت الشراء لازم حساب الاحمال مضبوط واضافه 30% امان لكن انا عايز تقدير مبدئي من حد له خبره في الموضوع ده لان تقريبا قدرات المصاعد ممكن تتعرف من حجم الكابينه وهي كام فرد

**MaZaGAngeE** · 10-08-2010 04:33 PM

لو الكهربا بتقطع قليل قوي دي هتكون تكلفة عالية جدا مقابل الفايده منها
و خلي بالك انت عايز تطلع من المولد 380 مش 220 و ده طبعا اغلى ..
شوفوا العماره محتاجة ايه و هاتوه أو حسنوا قدره موتور المياه أو وضبوا غرفة البواب افضل من تكلفة مش مجديه اقصاديا و هتفتح عليكم باب تانك جاز و مين هيملاه و ميم هيتابعه و صيانة للمولد و نظافة للتانك

**yaserbasha2000** · 10-08-2010 04:42 PM

المشاركة الأصلية كتبت بواسطة mazagangee

لو الكهربا بتقطع قليل قوي دي هتكون تكلفة عالية جدا مقابل الفايده منها
و خلي بالك انت عايز تطلع من المولد 380 مش 220 و ده طبعا اغلى ..
شوفوا العماره محتاجة ايه و هاتوه أو حسنوا قدره موتور المياه أو وضبوا غرفة البواب افضل من تكلفة مش مجديه اقصاديا و هتفتح عليكم باب تانك جاز و مين هيملاه و ميم هيتابعه و صيانة للمولد و نظافة للتانك

انا والله ده رأي برده
لكن السكان مش متخيلين المشاكل والمصاريف اللي هنحتاجها غير تمن المولد اللي ممكن يوصل 50 الف ده غير المكان اللي هيحتاجه و ممكن نستفيد بيه لحاجه تانيه
لكن سكان الادوار العليا طبعا عايزين لو الكهرباء قطعت ميتحبسوش في شققهم - انا ساكن في التاسع برده - او يفضلوا تحت العماره مش قادرين يطلعوا السلم خصوصا لو ناس كبيره

لكن مع اني شايف ان فيه حاجات اهم لكن انا باجمع معلومات علشان نعرضها في اجتماع اتحاد الملاك وناخد قرار في الموضوع ده

**yaserbasha2000** · 12-08-2010 02:01 PM

المشاركة الأصلية كتبت بواسطة mikho83

أنا أخويا شغال في المولدات لو حد عايز ممكن يجيبله

اولا احب اشكر العضو mikho83 لانه اعطاني تليفون اخوه و كلمتوا و فعلا كانت الاسعار زي ما انا توقعت
و دي هتكون كتير جدا علي ميزانيه العماره و قدرت اقنع السكان بان فيه حاجات تانيه ممكن تكون اهم واتفقنا نشتري جهاز بيوصل الاسنسير لاقرب دور في حاله انقطاع الكهرباء علشان ميعلقش بين دورين

**SeiffoZ** · 12-08-2010 02:22 PM

المشاركة الأصلية كتبت بواسطة yaserbasha2000

اولا احب اشكر العضو mikho83 لانه اعطاني تليفون اخوه و كلمتوا و فعلا كانت الاسعار زي ما انا توقعت
و دي هتكون كتير جدا علي ميزانيه العماره و قدرت اقنع السكان بان فيه حاجات تانيه ممكن تكون اهم واتفقنا نشتري جهاز بيوصل الاسنسير لاقرب دور في حاله انقطاع الكهرباء علشان ميعلقش بين دورين

ممكن معلومات عن الجهاز ده؟

الموضوع: مولد كهربائي لمصعد

LinkBack

أدوات الموضوع

عرض

مولد كهربائي لمصعد - انشر الموضوع فى :

-

-

-

-

-

-

المواضيع المتشابهه

مولد نيتروجين رقمى

مولد كهرباء للبيع

مولد سيمبولة جديدة

مولد كهرباء محترم

مولد وحش جديد !

الكلمات الدلالية لهذا الموضوع

المفضلات

المفضلات

ضوابط المشاركة