الموضوع: محتاجة نصيحتكو ضروري و بسرعة ....بيطفشوني من الشغل اعمل ايه ؟؟

معلش خدى الامور براحه
وخليكى معايا شوية شوية
هو انت مش معاكى صورة العقد بتاعك
طيب مكتوب فيه ايه
طبيعة الوظيفه ومكان الوظيفه صح ولا لا
وبعدين ماتحولى تشوفيلك صرفة ان يبقى فيه عربيه من الشركة توديكى وتجيبك
وبعدين انا شغال فى مصتع فى السخنة معانا زميلاتنا ومحدش عضها يعنى"بهزر معاكى"
المهم اللى انا اقصده من الكلام ده نحاولى تطلع باقل الخساير وحاولى تتفوضى لو الموضوع عقد معاكى ربنا ييسرلك امورك
ومستنين تطمنينا عليكى عملت ايه معاها

انا للأسف مش هعرف أفيدك قانونيا
انما لو حكومة أعتقد ميقدروش أبدا
لو خاص بيبقي عقد العمل ليه مدة ميقدروش يمشوكي
الحاجة اللي عارفها وعايز أقولهالك
أوعي تروحي المنطقة الصناعية أبدااااااا
مفيهاش مواصلات أساسا
ولو وجد بتبقي غير أدمية للرجالة أساسا
عربية نص نقل مقفولة زي البوكس ومش بتبقي فاضية
عربية نص نقل ( أسمها مخصوص ) بتشتغل زي التاكسي كدة
ولكن برده في حتة زي المنطقة الصناعية وانت بنت فخطر عليكي
المنطقة الصناعية منطقة معزولة عن المواصلات وكل حاجة وهتمشي من المصنع شوية كتير عشان تستني عربية ان وجد
انا رحتها مرة من غير عربية عشان مكنتش عارف أدخل للمصنع اللي عايزه ومكنتش عارف هو فين بالظبط
ومن وانا راجع حفظت الطريق صمممممم عشان مركبش مواصلات تاني في الحتة ده بتيتاااا
من الأخر بلاش
حاولي بكل الطرق تبقي في نفس مكانك
ربنا معاكي

بصي يا دونزي اولا الف الف سلامة و حمدلله علي سلامتك
ثانيا سايسيهم و هاتيهم بالراحة و الشغل علي فكرة كتير في مصر متسمعيش كلام الناس اللي بيقولوا مفيش شغل و كلام من ده
شوفي اخرهم ايه و لو حاسة انهم خلاص جابوا اخرهم اطلبي حقك و خليكي معاهم للاخر و بردوا تبقي قليلتي خسائرك