حد جرب لمض عادية غير الزينون على الجين2
انا مقدم على صيانة ال 5000 باذن الله تعالى قريبا اسبوعين على الاكثر وكنت بفكر فى موضوع الاضاءة لان العيب فيا انا مبشوفش باليل كويس او بعمنى اصح بحب اشوف التفاصيل الصغيرة اوى فى الطريق زى النقر واشباهها لانى لما بلبسها ببقى حتجنن من الغيظ
المهم انا قريت كتير عن موضوع الزينون دة وبصراحة عيوبة اكتر من مميزاتة والعيوب اللى اخدتها من الناس اللى ركبوة الاتى
كل الانواع صينى تقريبا
سعرة مش رخيص
مفيش حد عدة علية سنة من غير ما يحصلة مشكلة فى الجهاز او اللمض
اللمض سعرها غالى جدا
كل الحجات دى خلتنى اصرف نظر لان انا كدة مش حجيب حاجة اركبها وانساها لاء غالبا حتدوخنى معاها شوية
نيجى باة للمهم حد جرب اللمض اللى اسمها فيليبس رالى دى او التنجسرام تقريبا على الجين 2 تحديدا والاضاءة اختلقت قد اية ؟؟؟
فى نقطة تانية مهمة مش فاهمها بصراحة عايز حد متخصص يفهمهانى
دلوقتى الناس بتشيد باللمض الفيليبس الرالى ولكنها بتحتاج كتاوت لان قدرتها عالية والغريب ان سعرها 50 جنية اللمبتين على النقيد تمام تلاقى لمض اخرى من فيليبس لا تحتاج كتاوت مثل النايت بريكر والاكستريم باور والدايموند والكلام دة كلة اسعارهم معدية ال 120 جنية ومبيحتاجوش كتاوت يعنى المفروض قدرتهم اقل من الرالى بصراحة مش فاهم النقطة دى
عايز لمض اقوى من اللى راكبة عندى فى الجين 2 للفوانيس والفوجات ياريت الناس تفيدنى باسعار وبانواع اللمض واسف على الازعاج وياريت الناس تشرحلى اللمض اللى زى بتاعتنا من فيليبس ال 55 وات لية اغلى من الرالى ال 100 باين ؟