ما انا قصدى كدة لان دى حاجة ودى حاجة ودى فئة ودى فئة
عرض للطباعة
لا مقارنه بين يابانى و المانى
حتى لو ايه
لو عاوز تكييف قوى فعلا فى الصيف ومتبصش على عداد حرارة ومتشتريش قطع غيار كتير ووقت ماتحب تبيع تعرف تبيع بسعر كويس بدون خسائر وعربيات ناعمة ومالهاش مشاكل تقريبا....يبقى ابعد عن الاوبل كلها على بعضها لأنى كل اللى فات دة عيوبها....وخليك فى الكورى...ولو عاوز فى اليابانى يبقى عليك وعلى الهوندا سيفك او النيسان صنى....
حضرتك المشاكل اللى انت بتقول عليها دى مشاكل فردية ومشاكل بسبب اهمال الصيانة فى العربية
لو العربية مضبوطة يبفى انسا المشاكل دى كلها تكيف ممتاز و مفيش مشكلة الحرارة ولا اى حاجة من الى انت بتقول عليها كل دة بسبب ان بعض الناس بتعامل الاوبل على انها عربية 128 ودة مينفعش يعنى تلاقى ناس بنزين 80 وفحت وردم و ولا صيانة ولا اى بتنجان خالص كل دة بيجى على المشترى اللى بعد كدة وبيبقى حظة ويقع هو فى المشاكل دى
معلش انت حسستنى انى ركب سيات 133 ولا عجلة
ولو المشاكل اللى انت بتقول عليها دى موجودة لية الالمان بتركب الاوبل وعدهم الاوبل دى موجود كتير جدا
ولية اليابانين بيركبو اوبل وهما عندهم اليابانى
ولية الكورين بيركبوا برضة
والانجليز بركبوا اوبل لية وعندهم عربيات من احسن عربيات العالم
دة يخلى الواحد يفكر العيب فين واكيد العيب على الناس المهملة
ما هى دى مشكلتنا هنا فى مصر ان احنا بنطلع عين العربية هنا ومفيش صيانة
عارف يا حسين والله العظيم خالى شغال فى شركة جاسكو وعندهم اوبل كتير فى الشغل من موديل 96 لحد 99 المهم هو معاه واحد اللى هى موديل 96 بتاعت الشركة والله العظيم العربية عاملة 550 الف كم والله العظيم تشوفها تول اية بحالها متور حالة اكتر من ممتاز صوتة ناعم عافشة اية حكاية تكيف تحفة وخالى سئالة قبل ما انا اشترى الاوبل بتاعتى دى قولتة اية حكاية السخونة قالى مفيش الكلام دة نهائى وهو اللى طلع فى دماغى الاوبل دى وبجد عربيات محترمة
ده كلام جميل و منطقى و معقول
صباح الفل ياباشا ومعلش على التأخير...
هرد على كلامك بعد اذنك..
طيب وطالما انا قدامى اركب عربية ممكن تتصلح بسهولة عند اى حد...ليه اسيبها واروح لعربية عاوزة كتالوج عشان تتصلح؟؟؟ليه اسيبها واروح لعربية عشان اصلحها لازم ادوخ السبع دوخات عشان الاقى الشخص المناسب...ودليل كلامى هنا المنتدى كل شوية مواضيع عن كهربائى كويس وعن طلب ميكانيكى كويس او مركز صيانة كويس او او او....ده معناه ان العربية دى معقدة....طب وانا بالنسبة لى كراجل زى معظم المصريين بشتغل وكل وقتى محسوب...ليه اقرف نفسى بعربية تخلينى اضربلها مشوار مخصوص فى اخر الدنيا عشان اصلحها؟؟؟فى حين ان قدامى عربية تانى لو واحد تحت بيتنا هيصلحها زى الكورى واليابانى مثلا؟؟؟؟؟؟؟؟؟
بص ياباشا هنا فى المنتدى على قسم الاوبل هتلاقيه كله مشاكل وده بيشتكى من كذا وده من كذا وده من كذا....
اما بقى روح لقسم اى عربية من الكورى وليكن على سبيل المثال الهيونداى لأنى روحت القسم وشوفت بنفسى وشوف الناس بتتكلم عن ايه....
هتلاقيهم بيتكلموا عن طقم فوجات وزينون واسبويلر وكماليات وحاجات غريبة....مفيش فيهم حد اتكلم مثلا عن موتور قفش....او عن موتور سخن زى مامعظمنا كركاب اوبل بنتكلم.....كلنا هنا بنتكلم عن مشاكل فيزياء وهما هناك بيتكلموا ازاى يدلعوا العربية....مااعتقدش مثلا ان حضرتك قابلت واحد صاحب عربية كورى وقالك انها بتسخن...فى حين ان 90% من ركاب الاوبل بيشتكوا من مشاكل مالهاش اول من اخر ....
اما بالنسبة لجزئية برة بيركبوا الاوبل فتعقيب بسيط جدا انهم فعلا كل الدول دى بيركبوا الاوبل ماعدا المانيا نفسها بيكرهوا العربية دى جدا هنا وانا ليا زوج خالتى شغال هناك من 20 سنة تقريبا كل مرة ينزل فيها يقولى ويأكد عليا ان العربية دى محدش فى المانيا بيحبها بسبب مشاكلها الكتير وكتر احتياجها للصيانة.....ويفضل يزن على دماغى انى ابيع وانا اكبر دماغى....بس فعلا لما عاشرت عربيات تانية بدون مشاكل عرفت الفرق.....
كمان برة ياباشا العقلية والامكانيات وطبيعة الطرق اريح بحيث ان اللى يحب يركب عربية زى دى هناك هيلاقى 1000 مركز صيانة يصلحها والطرق نفسها هناك جميلة وممتعة وتحسسك بقيمة العربية غير عندنا...
بكرر تانى ان الاوبل عربية ممتازة لكن محتاجة عناية خاصة وطرق خاصة والكلام ده مش عملى مع اغلبنا كمصرين...
تحياتى لك
هي الاوبل مشكلتها الوحيده من وجهه نظري لا تكييف ولا حراره ولا غيره ...اعطالها غامضه وحط تحتها الف خط ,انما الياباني والكوري اعطاله باينه وواضحه -الاوبل عربيه معقده ايوه انا موافق علي هذا الراي انما ليها متعه خاصه جدا في ركوبها ماكل شيء له تمن ..ابسط حاجه اني لما بجرب اي عربيه كوري او ياباني بعد ال100كم/ساعه بخاف حتي لو كانت موديل السنه انما وانا راكب الالماني مابحسش اصلا بالسرعه .ده رايي وللكل موفور الاحترام.
كلام سرور منطقى
و كلام فادى منطقى
و كلامى منطقى
مشكلة الفيكترا التشخيص و ليس التصليح
بص يا سرور باشا مين قالك ان اليابانى الجديد مش متاج ميكانيكى كويس ولا الكورى كل دول عايزين ميكانيكة كويسن مش ميكانيكى تحت بير السلم وعلى فكرة موضوع قفش المواتير الاوبل والكلام دة كل دى حاجات فردية لان الناس بتشترى وبتمشى وهى مش فاهمة فى اى حاجة او بتشترى عربية متهانة متهانة وزى ما انت قولتك عندى والله خالى عندىة اوبل فى الشغل فى شركة جاسكو اتفرج على العربية والله عاملة 550 الف ومعملتش عمرة واحدة ولا الماتور اتفك وعارف لاصيانة بتاعتها بتتعمل فين عند صابر بتاع ربعة يعنى ميكانيكى متخصص مش توكيل
ومشكلة مصر هنا انك هتلاقى عربيات اوبل كتير متهانة لان صحابها كانوا بيعملوها معملة 127 وبنزين 80 وميكانيكى تحت بير السلم فطبعا العربية خلاص بتيجى للمشترى اللى بعد كدة خلصانة
اما موضوع ان العربية الاوبل مش محبوبة فى المانيا الموضوع دة غلط خالص انا خالى عايش فى المانيا من اكتر من 50 سنة وقولتة اية رائيك فى الاوبل فى المانيا قالى عربية ممتاز والالمان بيحبوها وابنة اساسن معاه جنسية المانى ومولود فى المانى وبيركب والله اوبل وانت ادخل على اى موقع بيع فى المانيا وشوف كم العربيات الاوبل اللى موجودة هناك
للاسف الاوبل هنا الناس بتعملها زى 127 بل العن بكتير لو الناس اهتموا با الصيناة زى ما انت بتقول عند ناس متخصصة زى برة اتفرج على العربية بجد
وهقولك على حاجة مثلا عندك الفورد اية رائيك فيها دى عربية محترمة جدا جدا و واخدة المركز الاول فى الامان بتاعها
العربية دى مش موجود لية فى مصر عارف لية علشان الناس هنا بتهتم با الكمليات و عربية خفيفة
انا عن نفسى لا مقارنة بين الالمانى واليابانى و الكورى دة حاجة دة حاجة دة لية ناس بتركبة ودة لية ناس تانية خالص
وخد المقال دة يا سرور باشا واقراء كويس ودة مكتوب فية ان العربيات الاوبل حققت نجاح كبير جدا فى المانيا و عربيات عملية جدا موجود فى اول صفحة فى الموقع دة
Opel Vectra B - Opel Vectra B Pictures, Videos, Features And More
و لو على كلامك اللى انت بتقول علية ان الاوبل مش محبوب فى المانيا لية الحكومة الالمانية بتستخدم العربيات الاوبل بكل موديلاتها فى عربيات البوليس الالمانى وكمان انجلترا بتستخدم الاوبل فى عربيات الحكومة ودول كتير بتستخدم الاوبل واعتقد ان الدول دى بتستخدم العربيات العملية و القوية وقليلة الاعطال
ودى صور بتبين كلامى
http://www13.0zz0.com/thumbs/2010/08.../183798753.jpg
http://up6.up-images.com/up//uploads...fc9dcd1543.jpg..
http://up6.up-images.com/up//uploads...7b07781049.jpg..
http://up6.up-images.com/up//uploads...2ab3f97bd6.jpg..
http://up6.up-images.com/up//uploads...d054859420.jpg..
http://up6.up-images.com/up//uploads...6acceb75ff.jpg..
http://up6.up-images.com/up//uploads...cd46531d34.jpg..
http://up6.up-images.com/up//uploads...31964b915e.jpg..
http://up6.up-images.com/up//uploads...644e0d6bb1.jpg..
http://up6.up-images.com/up//uploads...4df94307cd.jpg..
ياباشا عاوز اقول لحضرتك حاجة....اولا مينفعش تقارن مصر بألمانيا نهائى..لأن المانيا بلد الاوبل اساسا يعنى اكتر ناس يفهموا فيها ومع ذلك بكرر ان معظم الناس هناك العاديين مش مؤسسات حكومية مش بتفضل العربية دى....لأن مشاكلها كتير....ودى حقيقة محدش يختلف عليها....نيجى بقى بالنسبة لهنا فى مصر والكلام بتاع حضرتك فهرد عليك بحاجة بسيطة جدا انت نسيت ترد عليا فيها لما قولتها....قولتلك اشمعنى الاوبل بالذات اللى كلها مشاكل عند اغلب اللى راكبينها مع ان فيه عربيات تانى كتير فى نفس سنين انتاج الاوبل كورى ويابانى محدش اشتكى منهم بالطريقة دى؟؟؟؟؟؟ هتقولى عشان محتاجة عناية خاصة...هرد عليك واقولك طب وانا ايه يجبرنى انى اجيب عربية تحتاج كتالوج عشان تتصلح فى حين قدامى عربية تانى ميكانيكى تحت السلم زى ماحضرتك بتقول يقدر يصلحهالى؟؟؟؟؟ يعنى باختصار وجهة نظرى ان قدامى عربية بسيطة ومش معقدة وكماليات كتير ومش بتطلب صيانة كتير ومش كل شوية تصليح ليه اسيبها واسيب كل ده واروح لعربية عاوزة دكتور عشان يصلحها؟؟؟؟؟ ياباشا معلش مع كامل الاحترام لمة لمبة فى التابلوه بتبوظ بتنور بتروح مركز صيانة متخصص عشان تعرف العيب فين وياعرفته يامعرفتوش.....لما العربية بتسخن بتبتدى تحط خطة حرب عشان تعرف سبب السخونة ايه وتبتدى تدور وتمشى ورا كل حاجة وتفكر وتخطط عشان تعرف ايه السبب اللى خلى العربية تسخن..ياترى رادياتير ولا مراوح ولامراواح سرعتها مش مظبوطة ولا شكمان ولا وش سلندر ولا ايه ولا ايه ولا ايه؟؟؟..فى حين ان باقى العربيات مفيهاش المشاكل دى كلها والتعقيد ده كله......كل حاجة بتكون معروفة وسهلة....
حضرتك برده بتقول ان اغلب المشاكل دى بتكون فردية...طلب ليه اكتر عدد مشاكل فردية فى مصر موجود ف العربية الاوبل ومش موجود فى غيرها؟؟؟؟؟؟؟ بص حضرتك فى القسم هنا على كم المشاكل وبص فى باقى اقسام الكورى واليابانى على عدد المشاكل ونوعها وقارن وانت تعرف بنفسك.....
انزل السوق وقول ان معاك اوبل وعاوز تبيعها وابقى قابلنى لو بعتها بسهولة.وهتخسر كمان فى السعر...وانزل وانت معاك كورى او يابانى وقول هبيع ومش هترجع من غيرها وانت كسبان...
ياباشا انا بكلمك بشكل عملى على الواقع اللى احنا فيه مش مجرد بندافع عن حاجة وخلاص ومتنساش ان راكب العربية دى وعارفها مش لسة بفكر اشتريها...الاوبل عربية ممتازة جدا لكن مش لمصر ولا تنفع لظروف مصر...
حاجة كمان نسيت اقولها....ان حضرتك متنساش ان الاوبل اللى بتنزل مصر هنا حاجة تانى خالص غير الى بتنزل برة...
دى مواصفات ودى مواصفات تانى خالص وطبعا انت عارف اننا هنا بتنزلنا ارداء واسوأ مواصفات فى العالم مع البرازيل....
سواء مواتير او دايرة تكييف متركبة بطريقة سيئة او تقفيل سىء...
وكمان وكيل حرامى فى الاسعار وقطع الغيار وتصليح زفت فى التوكيل...
كل دى عوامل بتخلى العربية هنا فى مصر مكروهة جدا ودى حقيقة اسأل عنها اى مواطن عادى راكب اى عربية عادية...
ويارب متكونش زعلان منى وانا مبسوط جدا بالكلام معاك
والله كلامك منطقى و عقلانى
بس ده مش على الأوبل بس
على الأودى و البى ام و المرسيدس و الأوكتافيا و الفولكس
الناس بتدور على الأسهل و الأرخص و اللى يتباع بسرعه
اللى غاوى ركوب استحاله يركب كورى او يا بانى بعد ما ينزل من المانى
انا معايا الألنترا و معايا الفيكترا و قبلها النيسان الصنى
الوحيده اللى بحس براحه فيها الأوبل
ده رأى شخصى و مع اقتناعى التام برأى حضرتك فى عقلية الشعب المصرى
الناس اعداء ما يجهلون
انا بحب الفيكترا cdx موديل 2002 و2003
ياباشا ازعل من اية بس والله انا سعيد انى بتكلم معاك وعادى ياباشا كل واد لية رئ
بس انا عيز اقولك ان الاوبل مش سوء اللى انت كنت بتقول علية المهم
و الالمانى ركوبة و لايبانى و الكورى ركوبه تانية خالص انا اخويا معاه تويوتا كرولا 94 وسقت الكرولا دى اكتر من عربيتى الاوبل وعارف بقولك اية والله مش بستمتع غير من ركوبة الاوبل دى لها ناس ودى ليها ناس
انا بس كنت برد عليك فى جزئية اللى انت بتقول مفيش حد فى المانيا بيحب الاوبل او بيركبها
والله انا سعيد انى بتكلم معاك وكل واحد يقول وجهة نظرة
وزى ما طنانى بيقول الكلام اللى انت بتقول علية دة على كل الاروبى الالمانى و فرنساوى ايطالى كلة
مش الاوبل بس بتدور على سهولة تصليح يبقى اليابانى و الكورى بدور على ركوبة يبقى المانى
انا ركبت عربيات يابانى كتير قديم وجديد بس عمرى والله ماستريت غير فى الاوبل وانت راكب الاوبل تحس انك مستمتع بالسواقة
على فكرة اللى بينزل فى المانية زى الى هنا الفرق فى التقفيل و حاجات بسيطة جدا لان فى رقابة بتبقى موجود من المانى على العربية بعد التقفيل يعنى مينفعش احط مثلا ريدايتير بتاع عربية تانية كل حاجة بتيجى من برة و المصانع هنا بتقفل زى المرسيدس و البى ام وبتبقى هى هى نفس الموصفات بتختلف بس فى الكمليات فقط لغير و الماتور بس بعد كدة فى b2 بقيت الماتور هو هو زى المانية
لالا يازيزو باشا مين قال ان اللى بينزل هنا زى اللى بينزل برة؟؟
بص على العربيات المتقطعة هنا اللى نازلة من برة او بص على عربيات المعوقين وارد الخارج وشوف الفرق وقارن مابين هنا وهناك...هتلاقى الفرق كبير جدا...
هتلاقى ان هنا فى مصر بينزل موتور من اضعف المواتير على الاطلاق فى فئته مقارنة بوزن العربية اللى هو 1600 الموتور الاسود...
هتلاقى العربيات هنا بتنزل بادنى مواصفات الامان حتى الارباج مش موجود فيها...
هتلاقى نظام الكهرباء مختلف كتير عن اللى برة...
هتلاقى المشاكل هنا فيها كتير عشان التقفيل سىء وطبعا قصة الرقابة دى حضرتك عارف بقى شغل السبوبة والمصالح اللى على كبير اللى بتحصل عشان تعدى الحاجات دى....
ياباشا صدقنى ونصيحة عن تجربة جامدة جدا...
لاتثق فى 90% من المنتجات التقفيل المصرى...خصوصا الحاجات المعقدة منها زى العربيات الالمانى....