محتاج مساعدة فى ال abs و air bag

اخوتى الاعزاء ارجو مساعدتى لانى مش لاقى حل و لا لاقى صنايعى يحل لى المشكلة بتاعتى
عندى العربية فيها لمبة ال abs منورة على طول و حاولت اطفيها مش عايزة تطفى و على فكرة السيستم مش شغال يعنى لما بادوس فرامل فجأة ال ا بى اس مش بيشتغل و دخلت العربية على الجهاز كانت مسجلة الاربع حساسات و البامب و اتمسح العطل و ما زالت المشكلة قائمة و رحت بيها لكذا واحد فى الحرفيين و اخرهم محمد عسكر و لم اصل لحل
اما بالنسبة الى ال air bag ف اللمبة بتعمل فلاش بتطفى و تنور
يا ريت اللى عندة فكرة عن حد ممكن يساعدنى فى حل المشكلة دى يقولى و يجعلة عامر
و اللة تعبت
منتظر ردودكم

طب العربية نوعها اية؟

ماشى انت كدة عندك حساس الabs بايظ وشوف بردة علبة الفيوزات بتاعتهم

بالنسبة للايرباج ففية حساس اللى بيكون متركب عند مقدمة السيارة دة بيتغير كل فترة لان الشركة بتعملة عمر الافتراضى قصير عشان تضمن عملة بكفاءة ومحدش يهملة

العربية مازدا فاميلى مو 1998

اقتباس:

---

المشاركة الأصلية كتبت بواسطة semsem kane

ماشى انت كدة عندك حساس الabs بايظ وشوف بردة علبة الفيوزات بتاعتهم

بالنسبة للايرباج ففية حساس اللى بيكون متركب عند مقدمة السيارة دة بيتغير كل فترة لان الشركة بتعملة عمر الافتراضى قصير عشان تضمن عملة بكفاءة ومحدش يهملة

---

+11111111111

اية المقصود بحساس ال abs هل تقصد ال pump الرئيسى و لا حساس من اللى على العجل
انا دخلت العربية على الجهاز و كان كل السيستم مسجل على الجهاز و عملت مسح بس برضة اللمبة ما زالت منورة و كمان النظام مش شغال
واحد قاللى عايزين نفك التابلوة بس انا خايف اسمع كلامة
محتاج نصيحة او لو حد يعرف مين ممكن يصلح المشكلة دى
اشكر كل من يساعدنى

اقتباس:

---

المشاركة الأصلية كتبت بواسطة mazdaprotege

اية المقصود بحساس ال abs هل تقصد ال pump الرئيسى و لا حساس من اللى على العجل
انا دخلت العربية على الجهاز و كان كل السيستم مسجل على الجهاز و عملت مسح بس برضة اللمبة ما زالت منورة و كمان النظام مش شغال
واحد قاللى عايزين نفك التابلوة بس انا خايف اسمع كلامة
محتاج نصيحة او لو حد يعرف مين ممكن يصلح المشكلة دى
اشكر كل من يساعدنى

---

المقصود بيه الحساس اللى راكب على العجل والمفروض ان اللى دخل بص بالجهاز دا مش يمسح وخلاص المفروض يقرا ويعرف انه حساس بالظبط اللى بايظ
لأن الجهاز بيحدد أذا كان قدام ولا ورى يمين ولاشمال وطبعا متفكش طابلوهات
الموضوع عايز حد بيفهم صح فى قراءأت الجهاز عشان زى ما قلتلك يحدد أنهو حساس اللى بايظ

الأيرباج ممكن تكون الفيشه بتاعته مهرزوزه أو الحساس بردو نفسه فى مشكله وبردو نفس اللى قلتهولك فوق عايزه تتحط على الجهاز عند حد بيفهم عشان يتحدد العطل مش يمسح وخلاص
عربيه حضرتك نوعها أيه

اقتباس:

---

المشاركة الأصلية كتبت بواسطة mazdaprotege

العربية مازدا فاميلى مو 1998

---

سورى مأخدتش بالى انك كتبت النوع زى ما قلت لحضرتك