استفسار بخصوص علاقة نقص الزيت بسخونة المحرك

**د.محمود صلاح** · 11-08-2010 02:36 AM

هل لنقص زيت المحرك ( ناقص لتر مكعب مثلاً ) علاقة بارتفاع حرارته ؟

بمعنى هل الموتور يسخن أكثر لو الزيت ناقص قليلاً ؟؟؟

**A.Saad** · 11-08-2010 05:21 PM

انا اعرف ان الزيت له دور فى التبريد
يعنى ممكن يسبب سخونة لو نقص
بس ايه الدور تحديدا مش عارف

**samirayad** · 11-08-2010 08:04 PM

طبيعى حدوث هذا

فوظيفة الزيت تشمل التزييت والتزليق

بالأضافه للتخلص من جزء من حرارة المحرك

أذا لو قل الزيت .................زادت الحراره عن المعدل الطبيعى

**د.محمود صلاح** · 12-08-2010 02:30 AM

شكراً للردود جزاكم الله خيراً .

**د.محمود صلاح** · 13-08-2010 02:07 AM

المشاركة الأصلية كتبت بواسطة mostafashokry

السلام عليكم يا دكتور , الزيت أكيد يحصلة بخر بس مع درجات الحرارة العاليه و من ضمن إضافات الى تضاف على الزيت من المعالجات الزيت أنه يحافظ على لزوجته فى درجات الحرارة العاليه نسبيا إلى المسموح بيها فى السيارات و تقاس كفاءة الزيت بمدى محافظتة على لزوجته مع درجات الحرارة العاليه , بس أحب ألفت نظر حضرتك أنه درجات الحرارة المسموح بيها فى السيارة لا يمكن أن تبخر الزيت بمقدار 1 ليتر ولكن إذا الحرارة أرتفعت لدرجة عاليه فأول شئ هيتأثر هو الجوان و بعد ذلك وش السلندر نفسه
و ارجوا من حضرتك تعمل تشك على دورة الزيت أنها ما فيش أى تسريب و لو حضرتك ما وجدتش أى تسريب زود الزيت و راقب مرة أخرى مستواه
و على قكرة الزيت ممكن لو ناقص عن الطبيعى يرفع درجة الحرارة عن معدلها الطبيعى بشكل غير ملحوظ يعنى مايرقعهاش لدرجة الكبيرة. وأن شاء الله تكون بسيطة

شكراً جزيلاً لحضرتك .. أنا زودت لتر بالفعل وجار التدقيق ..

سكودا فليشيا 1997