يا جماعه العربيه موجوده من سنة 2006 ولكن بالطلب
وكانت نازله في اول معرض للوكيل في مصر
وفعلا فعلا العربيه لما تشوفها هتبقى عاوز واحده منها والله بجد بدون مبالغة فعلا
العربيه في الواقع هتبهرك جامد علشان حجمها وصغر كل حاجه فيها
ده أكيد .. العربية شكلها مثير و مُغري .... و كانت فعلاً من 2006 و نزل منها كونسيبتات جديدة في 2007 ....
ثانيا العربيه اتباع منها في مصر فعلا وكان اتقالي في التوكيل ان فيه واحد في مصر شاري اكتر من واحده منها فعلا
طب ليه بالطلب برده ؟ ..... اي توكيل ممكن يجيب لك اي عربية بالطلب من برا دا عادي ...... لكن الأساس و الإسم انه ينوع في الموديلات ....
ثالثا الماتور 660 سي سي ده تيربو مش عادي
وده الماتور المشهور في اليابان لغالب عربيات دايهاتسو
السوق اليابانية بتستخدم للعربية دي موتور 660 سي سي و تربو علشان كدا هما 4 سلندر ...... السوق الأوروبية و الأفريقية و الأسترالية بتستخدم موتور 1300 سي سي ...
احب اضيف ان كتير مننا مش فاهم شركة دايهاتسو علشان كده بيدخلها في مقارنات مش بتاعتها
شركة تويوتا عملاق السيارات لما حبت تعمل عربيات فارهة تنافس بها مرسيدس وبي ام
علمت شركة لكزس وعلشان كده مش هتلاقي عربيه عاديه من لكزس ولكن هتلاقي كل العربيات فارهة جدا
نفس الموضوع شركة تويوتا لما حبت تعمل عربيات اقتصادية وكومباكت
جعلتها في شركة دايهاتسو فعلشان كده هتلاقي الرفاهية محدودة الموديلات محدودة
مفيش سي سي عالي لأن دي مش من وظيفة الشركة
عربيات كلها مدمجة كومباكت
فحتى لما بيعملوا كوبيه عملوها صغيرة وكومباكت برضه العربيه لو شوفتها في الواقع هتحس انها المفروض تتحط في باترينة زجاج بس للعرض
بص يا باشا ... دايهاتسو موديلاتها مش كتير .... لكن في موديلات غير التلاتة اللي احنا عارفينهم في مصر ( كعربيات جديدة ) .... طبعاً في الميرا و الشاريد بس دول مبيتباعوش جُداد .. رغم ان منهم موديلات جديدة ... و الوكيل المفروض انه يطلب الموديلات التانية ..... حتى لو رفاهيتها محدودة ...... الاسم انه نوّع و بيجيب موديلات جديدة .... اما مفيش سي سي عالي فدا انا اوافقك فيه .... لان آخرهم 1500 اما اعلى من كدا تويوتا بقى بتتحكم فيه .... و فعلاً عربياتها كلها كومباكت ...... لكن برده تميزت بالوسع الغير عادي و اللي مش موجود في عربيات كتييير غير دايهاتسو .... القصد بس ان الوكيل يهتم بالدايهاتسو ..... مش من نحية الصيانة و كدا .... من نحية الموديلات ...... لأن في توكيلات كتير بتنزل معظم موديلات عربياتها مش تلاتة و بس زي كيا و نيسان و سوبارو و جيب و فولكس و مرسيدس .... :)
ودي فيديوهات لها
بس خد بالك في اول الفيديو العربيه اد ايه بالنسبة للراجل وهو واقف جمبها هيا كده في الحقيقة فعلا هتحس انها حاجه صغيرة فعلا قوي على شكلها
[youtube]http://www.youtube.com/watch?v=oshp4amn1dk[/youtube]
================================================== ===========
http://robson.m3rlin.org/cars/wp-......su_ofc-1-1.jpg