عربيتى لانسر الشكل الجديد ( القرش ) وكيل
واشتريتها زيرو بس مش فيها صب
وحاسس ان نظام الصوت فيها مش حلو ضعيف شوية
وعايز اعرف ينفع اركبها الصب الاصلى بتاعها وهل مكانه موجود فعلا
ولا هيحتاج تعديل
تانى حاجة اشتريه منين وسعره كام
عرض للطباعة
عربيتى لانسر الشكل الجديد ( القرش ) وكيل
واشتريتها زيرو بس مش فيها صب
وحاسس ان نظام الصوت فيها مش حلو ضعيف شوية
وعايز اعرف ينفع اركبها الصب الاصلى بتاعها وهل مكانه موجود فعلا
ولا هيحتاج تعديل
تانى حاجة اشتريه منين وسعره كام
انا معرفش ان الانسر بينزل فيها صبات
مافيش حاجة اسمها صب أصلي الصب ده اضافة انت بتضيفها للنظام الصوتي عندك ولو عاوز تضيف صب عند ك أكتر من نوع صب محترم زي البيونير والجي بي ال والكنوود راجع قسم الصوتيات بالمنتدي وان شاء الله هتجيب صب كويس وما تنساش ان الصب محتاج لأمبليفير (gm )
صب اصلي !!!!!!!!!!!! ازاي اصلي...؟؟؟؟اقتباس:
المشاركة الأصلية كتبت بواسطة c500
انا سمعت فعلا ان الشارك بتنزل بصب زي السوبارو كده تقريبا في الهاي لاين او الخليجي مش عارف بصراحه
العربية الوحيدة اللي شفتها بصب اصل (نازلة بية من الفابريكه) هي البي ام ال 740 فيها اتنين صب تحت الكراسي الامامية
انما بصراحه اول مرة اسمع ان لانسر فيها صبات اصلي بتنزل فيها او السوبارو حتى
حضرتك متأكد ؟؟ ان فية اية مواصفة خاصة في اللانسر او السوبارو تخللي الفابريكه بتنزلها بصب من المصنع ؟؟
بصراحه معتقدش
و غالبا اللي قال لحضرتك كدة بتاع اشتغالات او فتاي
ايه مالكم مسغربين ليه
الفيات جراند بونتو تربو اعلي فئة نازلة بصب ووفر اصلي في الشنطة و 6 سماعات و كاسيت و كل ده blaupunkt اصلي
Subaru Outback 3.6R - Accessories, Options | Subaru Vehicles
ده موقع سوبارو هتلاقوا في interior ان العربيه فيها صب ووفر و تويترات
وايه المانع انها تنزل بصب
نص الشارع المصرى دلوقتى معاه تليفونات تتش
السيراتو الكورى فيها start engin
نص عربيات البلد فيها حاساسات باركينج وكاميرات رجوع للخلف وشاشات dvd
صعبة قوى وكلام خيال علمى وكل الناس استغربت قوى ان لانسر بتنزل بصب اصلى ههههههههههههه
الختم فى الدرج وماللك مستغرب قوى ايوة الختم فى الدرج
وبعدين صب اصلى مش قصة صعبة يعنى على اليابان هما اسياد الالكترونيات
ومش هايتعبهم قوى ولا سعرة 50000 $ علشان يبقى مفيش غير bmw فقط فى العالم هى اللى بتنزل بصب اصلى
عموما متشكر جدا وخبرتكم بصراحة فى الصوتيات هائلة مجرد انى بسأل سؤال لاقيت الكل هايموتنى ازاى لانسر فيها صب
والله هم يضحك وهم يبكى
وعموما انا اسف جدا ومحدش يزعل منى بس انا مكنتش متخيل الردود الغريبة دى
بمناسبه السيراتو
اعتقد في منها بصب
لأني مره شفت سيراتو ماشيه من غير نمر حتي و صوت البيز بتاعها رهيب
مظنش لحق يشتري صب و يركبه
حساسات باركنج و دي في دي و كاميرات بتتباع صيني في السوق بملاليم و المستوردين بيركبوها او حتى العربيات الصيني بتنزل باوبشن ما بتنزلش في الياباني الفئات المتوسطهاقتباس:
المشاركة الأصلية كتبت بواسطة c500
انما نادر لما تلاقي مستورد هنا جايب عربية بصب, او بسيستم صوت قوي, و خبرة اعضاء المنتدى في اي موضوع سواء صوتيات او غيرة لن تقاس باوبشن شاذ لم يتوفر في 99.999 % من السيارات الموجودة بالسوق
و كوننا ماشفناهاش هنا فمش معناه اننا "شايلين الختم في الدرج " (بصمجية) رجاء ابداء الاحترام لاعضاء المنتدى و اذا اردت ان يحترمك الناس فاحترم غيرك اولاً
زى ما الاعضاء الكرام قالولك فى انواع كتير محترمه زى جى بى ال مثلا
وبخصوص العربيات الى بتنزل بصب عادى يا جماعه تويوتا اف جى كروزر بتنزل بطقم صوت كاااااااااامل ووهمى
و كوننا ماشفناهاش هنا فمش معناه اننا "شايلين الختم في الدرج " (بصمجية) رجاء ابداء الاحترام لاعضاء المنتدى و اذا اردت ان يحترمك الناس فاحترم غيرك اولاً[/quote]
على فكرة انا مقصدش خالص كلمة بصـــ:3_3_102[1]:ــــمجية دى نهائيا اولا انا قولت الختم فى الدرج زى فيلم اللمبى لما بيقولوا اختملى الورقة دى الختم فى الدرج واللمبى استغرب قوى ازاى الختم فى الدرج
بالظبط زى كل الناس لما استغربت ان لانسر فيها صب وكأنه كرسى مساج
وللعلم لانسر شارك خليجى كاملة بتنزل بالصب بس فى حراميا فى مصر بتسرقه من قبل ما العربيات توصل الصالات وبيتباع سوق سودا وفى عربيات مش بيتسرق منها
وبعدين ياريت انت بالذات بقى تحل الموضوع ده وماتسكتش غير لما تجبلى خبر الصب الاصلى وفين وكمان هاتيجى معايا وانا بركبة ايه رايك بقى