-
تسعير هوندا سيتي 2008
السلام عليكم
انا لقيت هوندا سيتي 2008 بالمواصفات التالية وكنت عاوزكو تساعدوني في تسعيريها
- 1300 cc
- عددها 20 الف
- اوتوماتيك
- جميع الكامليات ( 2 اير باج + abs + مرايات كهربا .....الخ)
- الباب اليمين متغير في التوكيل نتيجة حادثة في الباب بس
- فابريكة برة وجوة
- الحالة العامة ممتازة
- مرفوعة اغلب الوقت
ياريت تساعدوني في تسعيريها باسرع وقت لأني لازم ارد على صاحبها النهاردة ان شاء الله
وجزاكم الله خير
-
-
هو عاوز فيها 75 الف
بس انا حاسس انها كتير شوية
ياريت يا جماعة تردو عليا بسرعة
-
العربية تستاهل بس حاول تنقصهم وارفعها فى بنزينة واكشف عليها فى التوكيل لو تعرف وكمان خد بتااع سمكرة يكشف عليها اصل العداد 20 الف بس ربنا يستتر وميكونش فيها حاجة
-
السلام عليكم الأهم من كل ده فى آثار للحادثة فى المكان ألى بيتقفل علية الباب يعنى مثلا راشش أو فيه أنعواج أو فيه أثار لزرجينة ده المهم لو مافيش الحاجات ديه تبقى العربية إن شاء الله كويسة
وعشان افيدك فى السعر ممكن تقولى ال2008 هى الشكل الجديد و لا ألى أقبله و عموما لو الى أقبلة 70:72 كده تمام و طبعا لو أخر شكل ما فيهاش كلام و أحب أقولك أنها عربية الأتوماتيك بتعها حكااااااااايه احلى أتوماتيك ركبته وهى عربيه معمرة جدا اشترتها لواحد صاحبى فى 2007 كانت عاملة 35000 كم موديل 2004 كانت ب73000 جنيه عدى بيها ال100000 كم و مازال لم يغير سوى بوجيهات (8)بوجيهات و تيل أمامى.
-
لو لسة ما اشتريتش انامعايا موديل 2005 كاملة اوتوماتيك بس رشة برة وحتة فى الشنب والشنطة من جوة ومش مأثر على اى حاجة فى العربية غير سعرها عاملة 150000كيلو معظمهم سفر وحالتهل فوق فوق الممتازة مش محتاجة اى مصاريف الفرش بحالته والموتور والفتيس ماشاء الله ولسة مغير زيت الفتيس من التوكيل طالب فيها 55000 وانت عارف تستاهل كام
Content Relevant URLs by
vBSEO 3.6.0 PL2