مشكلة فى الفتيس العادى وعمالة تزيد

**dramyd** · 11-08-2010 02:11 PM

مساء الفل على احلى منتدى....

كان عندى مشكلة فى تعشيق الفتيس فى الغيار الاول واعدو يقولولى دى طبيعى....
انا معايا لانوس 1 مانيوال
لما كنت اجى اجيب الاول وانا ماشى على 10 كم او اقل ويعتبر العربية واقفة تسمع صوت التروووس وهيا بتتعشق فى بعض اكنك مش دايس دبرياج....

ودلوقت.....
با الاول والتانى لما باجى اجيبو لما اهدى بالعربية على 20 او 10 كم اكنك بتعشك مقطورة ..

ياريت لو حد يعرف الحكاية دة حلها اية ولو حلها واحد متخصص فى الفتيس بس وتعرفو حد يقولى
انا خايف لحسن يبقا ( اول والتانى ) والتالت كمان...

**piezo** · 11-08-2010 02:21 PM

بص انا هاقولك حاجه و خليها حلقه في ودنك ومعلومه للناس كلها انا ليسه مغير الفتيس عندي امبارح والفتيس ده كنت صلحته قبل كده و كلفني 800 جنيه و اصلا الفتيس الاستيراد بتاع النوبيرا 700 و الانوس 600 فالاحسن تغيره و كمان الفتيس العاده مابيكونش فيه مشاكل خالص مش زي الاتوماتيك فاانت لو الفتيس عندك تعب ماتصلحش غيره علشان متصرفش عليه كتير وتجبليك طقم اسطوانه وبليه وديسك وركبهم و ادعيلي لان التصليح مقعدش سنتين وباظ تاني و غير طبعا لو مش متقفل كويس و تلاقي زيت بيرشح و حاجه اخر قرف
فا انت تجيب فتيس استيراد متقفل تقفيل بلاده ونضيف وركب
و المشكله الي كانت عندي الاولاني لما بحطه كاني مش دايس دبرياج كان بيعمل زي مابيعمل معاك و الخامس كان بيرود تاني

**M.Zaher** · 11-08-2010 02:35 PM

شوف زيت الفتيس عندك نقص ولا ايه؟
لو لقيته ناقص زوده

**dramyd** · 11-08-2010 02:56 PM

بص انا هاقولك حاجه و خليها حلقه في ودنك ومعلومه للناس كلها انا ليسه مغير الفتيس عندي امبارح والفتيس ده كنت صلحته قبل كده و كلفني 800 جنيه و اصلا الفتيس الاستيراد بتاع النوبيرا 700 و الانوس 600 فالاحسن تغيره و كمان الفتيس العاده مابيكونش فيه مشاكل خالص مش زي الاتوماتيك فاانت لو الفتيس عندك تعب ماتصلحش غيره علشان متصرفش عليه كتير وتجبليك طقم اسطوانه وبليه وديسك وركبهم و ادعيلي لان التصليح مقعدش سنتين وباظ تاني و غير طبعا لو مش متقفل كويس و تلاقي زيت بيرشح و حاجه اخر قرف
فا انت تجيب فتيس استيراد متقفل تقفيل بلاده ونضيف وركب
و المشكله الي كانت عندي الاولاني لما بحطه كاني مش دايس دبرياج كان بيعمل زي مابيعمل معاك و الخامس كان بيرود تاني

شكرا ليك وللمعلومة الجديدة دى الفتيس 600 او 700 جنية
دى جميل اوى

المشكلة انى مغير طقم دبرياج جديد ...
ولسة الزيت بحالتة....
وسعات اصلا مشاكل الفتيس دى بتكون لجلشة او ظبط العقربة ...
مش عارف انا لو رحت لحد بيصلح الفتيس وقلى اى المشكلة .....
ولو فعلا المشكلة طلعت من جوة الفتيس انا هغيرة على طول ان شاء الله

بس الاول اتاكد ان المشكلة دة فى التروس ومن قلب الفتيس عشان طبعا حرام اغير الفتيس والمشكلة تطلع من العقربة مش متظبطة او لجلاش فى الفتيس مثلا ......... مش كدة

**tarek_2005** · 11-08-2010 03:50 PM

اخبار الزيت الباكم عندك ايه وهل غيرت تيل فرامل قريباً لاني حاسس ان مشكلتك في مساتر الدبرياج او طقم الاصلاح الخاص بهم
وهل لو دوسلك حد علي الدبرياج وانتا فاتح كبوت العربية وواقف امامه الفرش بيذهب الي اخر مشواره ولا لاء

**faron525** · 11-08-2010 04:26 PM

انا نفس المشكلة عندي و الميكانيكي بيقولي عادي لكن فعلا المشكلة مضيقاني خصوصا لما بركب عربية اخري بحس بالفرق في الفتيس عموما لو عرفت الحل ابقي قولي من فضلك

**dramyd** · 11-08-2010 04:59 PM

ان شاء الله هنعرف الحل..
المنتدى دة كل ناس خبرة وممكن نلاقى حد حصلة المشكلة دى قبل كدة ووصل لحل.... ربنا يسهل

يلا يا جماعة العطل دة ذاد واحد اهوووووو