عرض للطباعة
أنا عندى سيارة أبيزا 1998 و عندى مشكلة متعبة أوى.
الموضوع بأختصار:
فى الصباح العربية بتدور تمام و من أول مرة , المشكلة انى لازم أسخن على السالنسيه لحد لما العربية تسخن و المروحة تدور . و ذلك لان قبل لما العربية تسخن بتكون مبرجلة خالص لو مشيت بيها باردة و طفت منى ...العربية مش بتدور تاااانى غير بعد مدة و محولات كثيرة .
شكـــــراً و أسف للأطالة.
حضرتك اول ما بتدور الصبح ايه اللي بيحصل و عداد لفات الموتور بيكون علي كام بالضبط ؟؟؟
عداد لفات الموتور بيكون قليل قوي واقل من 1000 وبتحتاج تفضل دايس علي دواسة البنزين لحد ما تسخن عشان ماتفصلش ...
لو ده اللي بيحصل .....
يبقي حضرتك توكل علي الله وتروح تشتري علبة منظف كربيراتير وتفك العمه بتاعت الهواء اللي جواها الفلتر بتاع الهواء هتلاقي تحتها البوابة زي اللي في المشاركة دي وهتلاقيها مشحمه ومش نضيفه خالص
http://www.nilemotors.net/Nile/16809...post3872899019
هتدور العربية وهي باردة وتزود بنزين قوي وترش جواها من المنظف في نفس الوقت وانت بتزود عشان العربية هتبطل منك لوما زودتش بنزين كويس وتفضل تنظف لحد ما تلاقيها بتلمع
بعدها المفروض المشكلة تتحل وهتلاقي عدد لفات الموتور في السلانسيه عالية شوية سيبها يومين ثلاثة الي اسبوع هتتظبط لوحدها
ايه أخبار الصيانات الدورية معاك (فلاتر وبوجيهات )؟
المفروض ان السيارة بها نظام السخان وده المسئول عن تسخين السيارة عند بداية الدوران عن طريق رفع عدد لفات الموتور وغالبا بيكون الار بي ام وقتها على 1 ونص .. وبما ان حضرتك بتقول ان العربية بتكون مبرجلة عند الدوران وبتبطل اذن المشكلة في السخان وده بيكون موجود في الكربراتير
حضرتك هو بيتكلم عن ابيزا 98 ودي حقن الكتروني كامل ولا يوجد بها كربراتير والمسئول عن التسخين ورفع عدد لفات الموتور هو وحدة الكنترول يونت باعطاء امر لبوابة الانجيكشن للفتح بنسبة قليلة للتسخيناقتباس:
المشاركة الأصلية كتبت بواسطة mohamed_ibiza
تنضيف البوابة ممكن و السيارة مبطلة و المهم تنضيف حول البوابة داير مايدور و الايدلاقتباس:
المشاركة الأصلية كتبت بواسطة ehab_mansour
و مفروض ينضف فلتر الهوا ((ينفخه بالهواء) او يغيرة و البوجيهات كمان تتغير
الكونترول يونيت لا يستطيع فتح و لا قفل بواباتاقتباس:
المشاركة الأصلية كتبت بواسطة ehab_mansour
كل اللي بيعملة هو انة بيزود نسبة البنزين في الخليط (عن طريق اعطاء كهرباء اكتر و اسرع للرشاشات فيزود زمن فتح الرشاش و يضبط مشوار الايدل بنسبة اقل) انما البوابة ما بتتحركش الا برجلك عالدواسة
حضرتك انا اللي قلته من حلول او اتكلمت بيه من معلومات عن فتح البوابة وعدد لفات الموتور فدي كلها عن تجارب ومراقبه وقياس وبحث في كاتالوجات الصيانة للموديل ده ومش من دماغي انا وانا رديت عليك فقط لنبين الصح من الخطأ فقط وتقبل تعليقي علي كلام حضرتك للافادة للجميع ولو حبيت تشوف حضرتك بعينك الدليل علي كلامي انا تحت أمركاقتباس:
المشاركة الأصلية كتبت بواسطة adham
وسبق اني ذكرت انه لا يوجد بلف أيدل في محركات فولكس فاجن كلها في موديلات من 96 الي 99 كما ذكرت في لينك المشاركة اللي وضعته قبل ذلك
فى الحقيقة أنا متشكر أوى لأهتمام حضرتكم ... بس المشكلة ديه ليها علاقة بالرشاشات ؟؟ يعنى ممكن تكون الرشاشات ضعيفة
كان عندى نفس المشكلة بالظبط وتم تغيير وش اسبراتير وشاكوش والعربية ابيزا 98 كان فيها نفس المشكلة وبعد التغيير اتحلت المشكلة الحمدلله