من لديه معلومات عن عن شقق بـ 6اكتوبر او الشيخ زايد ؟

**أبو عبدالله** · 04-03-2008 03:06 PM

أحب ان استعلم عن شقق تبع مشاريع لشركات متخصصة في العقارات
تبيع بالتقسيط شقق بــ 6 اكتوبر او الشيخ زايد
ومش مشكلة وقت الأستلام
ولكن يكون مكانها جميل ومميزة في تصميماتها والمنطقة عموما
واي عروض جديده لأي شركه ممكن تخبرنا عنها

اللى عنده اي معلومات ممكن يدلو بدلوه هنا

وشكرا لكم جميعا

**M_HaFeZ** · 04-03-2008 03:31 PM

انا كمان باتمنى اى حد عنده معلومات وياريت لو حد عنده معلومات فى التجمعات يقدر يفيدنا
وجزاكم الله كل خير

**أبو عبدالله** · 05-03-2008 12:10 AM

مفيش معلومات طيب اخبار طيب

**E_Farid** · 05-03-2008 02:49 PM

السلام عليكم،،

انا كنت ساكن فى 6 اكتوبر فى الحي الثامن لفترة وأعرف هناك واحد صاحبى شغال فى مجال العقارات ممكن أرتبلك معاه لأن مشكلة 6 اكتوبر فى ان اغلبها عرب وده مخلى الأسعار هناك نااار بجد..

لو تحب، انا ممكن أبعتلك رقم تليفونه فى رسلة خاصة.

**TaoTao** · 05-03-2008 05:48 PM

عفواً البلد هي اللي بتولع في الأسعار، فاكر من سنتين لما كنت بادور على شقة في الشيخ زايد، كانت الأسعر ماتزيدش عن 45 ألف لأتخن شقة في الحي الأول.
هيئة المجتمعات العمرانية قالت هاتعمل مزايدة ع الشقق، وانا بحسن نية قلت إن الهيئة هاتبيع بسعر أقل من الأهالي (عبط، عارف بس كنت قليل الخبرة وحَسَن النية) المهم الشقة اللي ب45 اتباعت ب 85 (سعر فتح المزاد)
والشقة اللي مش متشطبة في الحي 11 (الحي الاقتصادي) اللي كانت ب 18 - 20 ألف فتح المزاد كان 45 ألف !!!
اللي بيتعمل فينا حرام :(
أنا آسف عارف إن كلامي مالوش علاقة بسؤال الأخ أبي عبد الله، بس فكرتوني بذكريات أليمة :(
بالنسبة لطلبك، ممكن توضحه شوية يا أبا عبد الله؟ يعني عاوز شقة في كومباوند؟ ولا ايه؟ أنا دورت في بنك الإسكان والتعمير لقيت الوحدات كلها خلصت -للأسف- في أكتوبر وزايد.

**أبو عبدالله** · 06-03-2008 01:12 AM

المشاركة الأصلية كتبت بواسطة e_farid

السلام عليكم،،

انا كنت ساكن فى 6 اكتوبر فى الحي الثامن لفترة وأعرف هناك واحد صاحبى شغال فى مجال العقارات ممكن أرتبلك معاه لأن مشكلة 6 اكتوبر فى ان اغلبها عرب وده مخلى الأسعار هناك نااار بجد..

لو تحب، انا ممكن أبعتلك رقم تليفونه فى رسلة خاصة.

ماشي ممكن تبعتلي رقمه وانا اكلمه وان شاء الله يكون خير

وشكرا لك

انا محتاج اي شقة بس تكون تقسيط