الموضوع: سلسلة <<<<<<< صلح سيارتك بنفسك >>>>>> الحلقة الثانية ـــــــــــ صيانة 120 الف كيلو

دي صورة البوجيهات الجديدة (دنسون 2 شمعة)

ودي بيانات العبوة

ودي البوجيهات القديمة بعد نزعها والحمد لله مفيش اثار زيت لكن واضح ان الشمعة اتاكلت خالص



دي صورة للشمعتين من قريب وباين التاكل




وده فلتر الهواء (الصورة من مصدر اخر لاني نسيت اصورة)


وده فلتر البنزين (صورة من مصدر اخر )


وبعد 20 دقيقة كانت الحاجة ركبت ورجعت علي العفشجي وابتدي يشتغل

دي صورة بيضتين الطرف

رغم ان واحدة بس اللي مبوشة الا انني فضلت اغير ال 2 بناء علي نصيحة كل الاطراف

دي صورة بيضة الطرف السليمة وواضح عليها علامة ديهاتسو - الجديدة فضي وعليها علامة (555) ومحفور عليها MAID IN JAPAN
وخلصت الحكاية الشاعة 11 ليلا

تاني يوم طلعت علي بنزينة موبيل اللي في سموحة وغسلت العربية ورجعت علي بريدجستون وعملت ظبط زوايا وبكده تكون صيانة 120 الف انتهت ويتبقالها جزء تاني في الحلقة الثالثة من السلسلة ان شاء الله

اخيرا كشف الحساب
طقم بوجيه دنسون 2 شمعة 60 جم
فلتر هواء كوري 45 جم
فلتر بنزين كوري 35 جم
كوتشة الاستبليزر مصري العمدة 5 جم
بيضتين الطرف ياباني 235 جم
مصنعية الميكانيكي 20 جم
مصنعية العفشجي 15 جم
اكراميات 20 جم
تدوير الاطارات في بريدجستون مجاناً لاني شاري الكوتش من عندهم
ضبط الزوايا في بريدجستون 20 جم بعد الخصم الخاص بنايل موتورز بدلا من 40 جم (شكرا كريم منير شكرا نيل موتورز)

المجموع تقريبا 500 جم
الصيانة دي في التوكيل من غير تغيير بيضة الطرف بحوالي 1000 جنيه

المشاركة الأصلية كتبت بواسطة gmakram

ماتبيع التيريوس وتجيب سيريون احسن علشان تظبطنا....بجد تسلم ايدك....انا قلتها مفضلش غير انك تدخل علينا المنتدى بالعربيه....بجد احييك على نشاطك ودقتك دى

تحياتى والى الامام دائما

انا ممكن اجيب السريون في حالة واحدة
لو في منها 4*4 بموتور 1300 تربو
وفي الحالة دي حيسموها تريوس بردو
ههههههههههه

وبعدين يا استاذ جورج انا لو اقدر ادخل العربية المنتدي مش حتاخر بجد

الشكر ليك علي التشجيع ومستنيين منك موضوع كده يليق بمقامك

تقبل تحياتي