يحدث الآن في جمهورية عصام الحضري (مصر سابقا)

**ecybrarian** · 04-03-2008 03:34 PM

أنا مش عارف ابتدي منين الحكاية وازي...بجد حاجة تكسف انما كل شيئ جايز في جمهورية تهتم بالحضري أكثر من مؤتمر القمة العربية وأحداث غزة وقانون الإرهاب والضرائب العقارية وفلوس المصريين لدى النصابين....إلخ
تفاصيل الخبر

أخيرا وبعد طول غياب ينظم الاتحاد المصري للألعاب الإلكترونية بطولة مصر المفتوحة للألعاب الإلكترونية وتقام البطولة يوم الجمعه الموافق 14 مارس 2008 بنظام خروج المغلوب، و تشمل نوعين من التصفيات ( فردى وفرق) وتجرى القرعة على أن تنتهى بأربع مجموعات تجرى بينهما المسابقة كل مجموعة تتكون من أربع أفراد.

أهداف البطولة

تهدف هذه البطولة الى زيادة الوعى التكنولوجى لدى الشباب والعمل على تشجيع استخدام برامج الحاسب وخلق جيل جديد من الشباب له القدرة على التنافس فى الألعاب الإلكترونية.
وتقام البطوله يوم الجمعه الموافق 14 مارس 2008.

الشروط
• يشارك فى هذه االبطولة طلاب المدارس والجامعات والمعاهد العليا والخريجين.
• البطولة مفتوحة لجميع الأعمار.
• الإشتراك فى البطولة مجاناً.
• يتم تسجيل المتسابقين على النموذج المعد لذلك والموجود على موقع الإتحاد "www.efeg.org".
• إجادة FIFA 2007, FIFA 2006 .

اجراءات تنفيذ البطولة
• تقام البطولة بالصالة المغطاة بنظام خروج المغلوب، و تشمل نوعين من التصفيات ( فردى وفرق) وتجرى القرعة على أن تنتهى بأربع مجموعات تجرى بينهما المسابقة كل مجموعة تتكون من أربع أفراد.
• يتم توفير عدد 100 جهاز حاسب بالصالة المغطاة محملة ببرنامج "FIFA 2007".

الجوائز
الجائزة الأولى مبلغ 8000 جنية لأربع أفراد بواقع 2000 جنية للفرد
الجائزة الثانية مبلغ 6000 جنية لأربع أفراد بواقع 1500 جنية للفرد
الجائزة الثالثة مبلغ 4000 جنية لأربع أفراد بواقع 1000 جنية للفرد
الجائزة الرابعة مبلغ 2000 جنية لأربع أفراد بواقع 500 جنية للفرد
المصدر:
http://www.efeg.org/
=========================
إلحق اشترك

**sab3aawy** · 04-03-2008 03:48 PM

بصراحة انا مش شايف مشكلة

مسابقة ترفيهية ومجموع قيمة جوائزها مجتمعة لا يزيد عن ثمن سيارة 128 مستعملة

تبقى فين المشكلة فى بعض الترفيه عن الأطفال والشباب؟

لا هى مسابقة رقص شرقى ولا مسابقة ملكة جمال البيكينى ولا فيها قمار

بعض الترفيه يا اخى لن يضر

**Powert** · 04-03-2008 04:01 PM

وفيها اية دول بره كتيير واولهم دبي بتعمل بطولات زي دي

ومش بس كورة لأ بتكون سبقات عربيات و الالعاب حرب ... والخ كتيير

ده غير المعارض ومؤتمرات اللي بتتعمل على الالعاب بتاعت الكمبيوتر

والموقع جيم سبوت يشهد على كده www.gamespot.com ده اقوى واول

موقع في العالم خاص بكل صغيرة وكبيرة في عالم الالعاب ومختص في كل انواع الجيم

جيم موبايل او بلاي ستيشن او اكس بوكس و اخبار اللعبه هتنزل امتى واية الجديد فيها

وانا بتبعه يومياً ومن زمان ونفسي نوع المسابقات ده يكون في مصر لانه موجود بس

على مستوى نت كافية والفريق اللي يكسب ياخد جوايزه بساعات مجانية على الكمبيوتر