تقرير كامل لنيسان صني 2010 (الاختيار - الشراء – الترخيص – صيانة الالف )
تقرير كامل لنيسان صني 2010 (الاختيار - الشراء – الترخيص – صيانة الالف )
اولا- البدايه اختيار السيارة
بعد تفكير طويل (تبعا للحالة الماديه – ومتطلباتي الشخصية )اخترت الصني
لعدة اسباب:
1- عربة يباني تقفيل مصري تغاضيت عن حجات في التقفيل مقابل السعر يعني حجات الفنش بتعها مش كويس بس تعدي رغم انها رزله وتخنق
2- سعرها حلو جدا علي الامكانيات الي فيها بالنسبالي احسن من اي عربية كوري في الفئة السعرية مع ميزة وجود وسادة هوائية للسائق مع فرامل مانع للانغلاق الي هو abs الكوري مفيهوش العوامل دية غير في الفأت الاعلي فقط وسعر السيارة غالي
3- توكيل محترم
4- اتغضيت عن بعض العيوب الي فيها لان سعرها بجد كويس جدا زي –(ضيق الكنبة الخلفة الت مش مهم مش هقعد فيها المهم انا استريح – التابلوة مش حلو اوي خامات مش ولبد – التقفيل بتاع الكوتش بتاع الباب والشنطة زي الزفت – عزل السيارة مش حلو – صوت المتور عالي شوية مع السرعات العاليا – فيه عضة في الفتيس لما ترجع مارش وديه طبيعية – الكرسي مش مريح – العفشة بتدب في المطبات )
5- كمان انا مجرب الصني من سنين عربيه فعلا محترمة
كنت محتار اجبها فيها abs ولا لا وبتوفيق الله عز وجل ومساعدة الاعضاء خلوني اجبها فيها abs اختبار لم اندم عليه مطلقا وكل الاعضاء كان معاهم حق
ثانيا – شراء السيارة
كل الاعضاء في المنتدي وخاصة قسم نيسان ابدي مساعدتة ليا من غير مااطلب والله كانوا نعم العون ربنا يجازيهم خير عملوا اتصالتهم وخصوصا استاذ احمد مصطفي جزة الله خيرا قام بالواجب كلم معرض البيع وجبلي احسن سعر وكلم المهندس حاتم فوزي جزه الله خيرا وقام بالواجب وزيادة
رحنا التوكيل بتاع السبع جبولنا العربية بصراحة في سعتها كان في توفيق من ربنا سبحانة وتعالي كبير جدا دفعت الفلوس ورخصت تاني يوم
المهندس حاتم فوزي قام بتجربة السيارة ووجدنا فيها ان الطنابير فيها عيب صناعة قام خل توكيل السبع غيرهم علي الفور وقالي تمام
ثالثا -ترخيص السيارة (ثلاث سنوات)
اول حاجة اشتريت ورق ترخيص ثلاث سنوات وفحص تمنة 45 ج
ثانيا مهندس الفحص فحص السيارة وجبت طفاية حوالي ب 125ج
اخدة ورق الفحص ورحت الشباك طلب مني دوسية واصور البطاقة صورتين وجبت دوسية وصور والزي منة حوالي 10 ج
دفعت تامين اجباري ثلاث سنوات ب 215 ج اما تأمين اجبار لمدة سنة واحدة يعمل 80 ج وبيخفض لما تعملهم 3 سنين
ضريبة ثلاث سنوات + دمغات لوحات 807 ج
الراجل الي بيركب النمر كان هو والشكوش الي بيدق بيه ميفرقوش عن بعض كان عايز يركب النمر ويخرم الاكصدام من غير شنيور بمفك يعني المهم اديتة 10 ج وقلتله انا هركبهم حل عني
وديت النمر لسمكري ركبهم تمام التمام واخد 10 ج
المهم الاجمالي كان 1222 الف ومائتان واثنان واثنان وعشرون والسفاحين اخدوا 30ج والسمكري 10ج والواد بتاع المعرض الي جبلي الورق اخد 25 ج ومكنش عاجبه
يعني الاجمالي كان1267
رابعا – صيانة الالف كيلوا
حجزت الصيانة قبلها بيوم حددولي معاد الساعة 2.5 رحت علي الميعاد سلمت السيارة والتلهم علي المشاكل الي فيها
1- الدركسيون تقيل جدا
2- الدبرياش عالي جدا مش عارف اتحكم فيه
3- جبتلهم زيت فسكو ال 5000 بيقعد في السيارة 25 الف كيلوا تمنة 220ج من كار جاز
4- الاكرة الشمال للباب الامامي الداخيلة كانت مش بترجع في مكانها قلولي هيبعتوا يجيبوا وحدة من الوكيل ويغيروهالي لان هي في الضمان
اولا سلمت السيارة اخدتها بعدها بحوالي 3 ساعات جلست في الاستراحة من اعلي المشريب السخنة كلها علي حسابهم اما المشريب الساقعة علي حسابك فيه تلفيزون هناك والناس بتسلي وقتها فيه او مشاهدة السيارات وهي بيتعملها الصيانة
كلمت المهندس وليد هناك وهو بردوا قام معانا بالواجب واستعجلنا السيارة وكمان اكد علي الحاجة الي هتتغير
المهم دفعت ثمن الفلتر بتاع الزيت 50 جينة و 5 جنية ضريبة المجموع النهائي 55 ج وكنت جايب الزيت من خارج التوكيل من كار جاز وهو زيت اماراتي ومتعبي في الامارات ومتصنع من شركة عالمة المهم الت اجربة مش هيخصر بس ان شاء الله هخلية في السيارة 15000 فقط مش هزود عن كدة ان شاء الله
مبروووووووووووووووووووووو ووووووووووووووووووووك
مبروووووووووووووووووووووو وووك .....وربنا يكفيك شرها ويديك خيرها يارب وتستمتع بيها .....واختيار موفق
