راشيش لون عايز عنايه !! طب اجيبها منين العنايه ديه ؟؟؟

**HotRide** · 12-08-2010 02:30 AM

السلام عليكم

انا لسه راشيش العربيه لون اسمو (بيررال كاندي) او بالبلدي رقبت حمامه...لون احمر نبيتي بيدي في شمس الاوان كيتر جميع درجات النبيتي وصدفات مووف و اصفر و نحاسي و لكريه فيه مكون من 14 لون
و الحمد لله و بسم الله ماشاء الله الاون طلع توحفه جامد جدا...بس البوهيجي الأمور و هو بسلمني العربيه قال لي "ممنوع فوطه زفره, ممنوع غطا, غسيل مياه خرطوم فقط!!!"

طب دلوقتس ايه الحل ؟؟؟ من غير غطا بنزل اليقاها كوووم تراب !!!
و فعلا البواب مسح العربيه بفوطه زفره بس لحأته كان مسح الكابوت وفعلا زهرت خرابيش كتير اوي مطرح التنضيف و دوريات كده في لون !!!
طبعا منتضفتهاش و مشيت بيها كده و روحتلو قال لي هو لون ده كده عايز عنايه !!! ولمعها ببوليش و الحمد لله معظم الخرابيش شبه اختفت و الباقي مش بينين اوي لازم تدقق جامد
وطبعا غسيل يومي بالخرطوم مينفعش !!!

مفيش اي حل يعني انا سمعت ان فيه زي ريشه بتباع ديه كويسه ولا ايه ؟؟؟
ارجو المساعده و الف شكر مقدما

**windofchange** · 12-08-2010 04:29 AM

يا جامدد ياجامدددد مبروك اللون الجديد ماشاء الله من كلامك بتخيل هو عامل ازاي......طيب مفكرتش تجيب بلاور ومكنسة من النوع المحمول اللي فيه بطارية وبيتشحن هينفعك في شغل البيت والعربية برده هو بيتشحن وشفط التراب في كيس وممكن ينفخ هوا علي مااعتقد زي البلاور شوف واحد ممكن يتشحن من ولاعة العربية لو ملقتش خلاص هات واحد واشحنوا فالبيت وخده معاك الصبح...ممكن برده تغسل العربية وبنوع شمع واكس محترم تشمعها سمعت ان الموضوع ده بيقلل التراب شوف مواضيع الواكس وطريقة استعماله فالمنتدي

**HotRide** · 12-08-2010 04:50 AM

المشاركة الأصلية كتبت بواسطة windsofchange

يا جامدد ياجامدددد مبروك اللون الجديد ماشاء الله من كلامك بتخيل هو عامل ازاي......طيب مفكرتش تجيب بلاور ومكنسة من النوع المحمول اللي فيه بطارية وبيتشحن هينفعك في شغل البيت والعربية برده هو بيتشحن وشفط التراب في كيس وممكن ينفخ هوا علي مااعتقد زي البلاور شوف واحد ممكن يتشحن من ولاعة العربية لو ملقتش خلاص هات واحد واشحنوا فالبيت وخده معاك الصبح...ممكن برده تغسل العربية وبنوع شمع واكس محترم تشمعها سمعت ان الموضوع ده بيقلل التراب شوف مواضيع الواكس وطريقة استعماله فالمنتدي

اولا شكرا علي ردك و اهتمامك
بس لو افتردنا استخدمت البلوور ما كده تراب هيتير ماشي بس هكون عايزه تنضيف بقي هل استخدم الريشه ديه ولا هتبقي خشنه ؟؟؟ طب هل ممكن الي انا فيه ده عيب بويه و خامات ؟؟ انا مخنوء اوي من الحوار ده

وبص كده شوف اللون الي في صوره ده, الي عندي هو هو نفس اللون بس افتح سنه

**misoalex** · 12-08-2010 07:23 PM

باشا انا كنت حعمل نفس الحوار عندى الى هو البرال ده الى بيتحط فوق البويه

بس ان اول مره اسمع الكلام ده انه ميتمسحش ويتقشر الا اذا هو مثبتهوش كويس على البويه وده الى اعرفه انه بيرش العربيه بويه الاول وهى لسه طريه بيرش البيرال ده وبعدين يديها ورنيش عشان البرال ده لما بينشف بيقشر فالورنيش يثبته

حاول تسأل عن موضوع الورنيش الى بيتحط عليه عشان ميقشرش ده
ده الى فهمته من بتاع البويه بس انا وقفت الحوار ده بسبب المرور

انت عملت ايه مع المرور لانى سمعت انه ممنوع

**Adham** · 13-08-2010 03:21 PM

المشاركة الأصلية كتبت بواسطة misoalex

باشا انا كنت حعمل نفس الحوار عندى الى هو البرال ده الى بيتحط فوق البويه

بس ان اول مره اسمع الكلام ده انه ميتمسحش ويتقشر الا اذا هو مثبتهوش كويس على البويه وده الى اعرفه انه بيرش العربيه بويه الاول وهى لسه طريه بيرش البيرال ده وبعدين يديها ورنيش عشان البرال ده لما بينشف بيقشر فالورنيش يثبته

حاول تسأل عن موضوع الورنيش الى بيتحط عليه عشان ميقشرش ده
ده الى فهمته من بتاع البويه بس انا وقفت الحوار ده بسبب المرور

انت عملت ايه مع المرور لانى سمعت انه ممنوع

هو مش حاجة اسمها برال بتترش عالبوية ( Pearl اللؤلؤي هو لون ميتاليك متعدد الصدفات)

الموضوع ان:

اللون السادة مافيهوش صدف

الميتاليك فية صدف

البيرل Pearl اللؤلؤي هو لون متعدد الصدفات يعني فية صدفات ناعمه و صدفات خشنة من الوان متعددة و بالتالي بتدي لمعات مختلفة بألوان مختلفة

**misoalex** · 13-08-2010 07:40 PM

المشاركة الأصلية كتبت بواسطة adham

هو مش حاجة اسمها برال بتترش عالبوية ( pearl اللؤلؤي هو لون ميتاليك متعدد الصدفات)

الموضوع ان:

اللون السادة مافيهوش صدف

الميتاليك فية صدف

البيرل pearl اللؤلؤي هو لون متعدد الصدفات يعني فية صدفات ناعمه و صدفات خشنة من الوان متعددة و بالتالي بتدي لمعات مختلفة بألوان مختلفة

باشا انا فاهم بس ده بيترش فوق البويه اظن بيتخلط مع شويه منها لاكن برضه بيترش فوق البويه وانا شفته عباره عن سائل ابيض بيلمع وفى الضوء تلاقيه بيدى الوان الطيف

انا شفته وحطيت منه شويه على حتته بويه وشفت النتيجه عامله ازاى