اريد نصيحه الخبراء بالمنتدي

**teto201014** · 12-08-2010 07:20 AM

اولا : رمضان كريم علينا كلنا
انا كنت ناوي اركب اوبل لكن الناس مخوفاني عشان قطع الغيار غاليه وفيها حساسات كتيير لكن بعد كلامكو الجميل عليها قلت يلا خير اركب اوبل و ربنا يستر بس مش عارف اركب انهي وانا حدودي لحد 55 الف جنيه في وجهه نظركوا اركب ايه
فيكترا من 96 الي 2000 بس 1600 عشان البنزين
ولا استرا 2001

يا ريت اعرف راي الناس اللي راكبه اوبل واستفيد من رايكوا
وهل في حد بيصلح الاوبل بره كويس عشان اكيد التوكيل غالي اوي

**mexmarine** · 12-08-2010 08:37 AM

والله انا معايا الاسترا 2000 و معايا من سنتين و لك الحمد يا رب .. زى الفل و محترمه و اعطالها شبه معدومه .. فقط قمت بتغيير حساس اير ماس فلو بـ 1200 لما اشتريتها علشان كان ضارب (كانت ماشيه بس مش طبيعيه) غير كده الحمد لله .

**kar!m** · 12-08-2010 09:35 AM

الأسترا الالمانى دى من أكتر العربيات المحترمة .. و اداءها ممتاز بالنسبة لعربية 1200 سى سى .. و اعتمادية بشكل كبير جدا .. و أعطالها قليلة جدا.

الفيكترا ركوبة أحسن طبعا و أفخم و أتقل و أثبت .. بس ال 1600 منها تقيلة شوية فى طلعتها (شويتين بصراحة).

**hardman20060** · 12-08-2010 11:10 AM

فرق بنزين ال1600 من ال2000 مش كتير اوي بس فعلا هتحس الفرق ده في سحب العربيه والتكييف وفي كل حاجه خليك في ال2000 احسن بكتيييييير.ولو مش عايز حساسات ووجع دماغ هات فيكترا بي من 96 ل 99 وتكون 2000 سي سي .

**lancerevolution** · 12-08-2010 12:49 PM

المكنة السودة فعلا حمار شغل بس طلعة ال 1600 تعبانة موت لو يهمك الموضوع دا هات ال 2000 دا فى الفكترا
الأسترا بقى ما جربتش بس بيقولوا حلوة
ممكن تستنى عماد أو نبيل هما الى معاهم العربية دى