كل سنة و انتم طيبين و رمضان كريم
و رحت المصيف الأسبوع اللي فات , محافظة جنوب سينا مدينة راس سدر قرية جولدن بيتش 1 .....
و نبدأ من أول الطريق الصحراوي المتجه للسويس و قبل السويس بشوية هتلاقي مدخل يوديك المعدية ( كان نفسي أركبها بس قلقت على العيال و خفت أتعطل كتير على ما تطلع ) و بعدها هتلاقي مدخل لنفق الشهيد أحمد حمدي و عن الشهيد ممكن تزور الصفحة دي ( http://www.almoarekh.com/index.php?I...D5%E6%CA%DF%21 )
بعد النفق تاخد طريق العريش و تمشي حوالي 75 كيلو متر تلاقي مدينة راس سدر على ساحل خليج السويس ...
الميدان الرئيسي في راس سدر :::
مدينة ساحلية صغيرة نشأت في الستينات لما الجيش الاسرائيلي احتل سينا و بنى معسكر للعساكر و الضباط و مركز للقيادة هناك ....
و بعد تحرير سيناء اتحولت مساكن العساكر الى شاليهات تتبع شركة مصر سينا للسياحة و ليها شاطئ خاص ممكن تدخله بكرت خاص زي المعمورة كده و فلل الضباط خدتها شركة البترول بالشاطئ بتاعها لكنها مهملة و لا تستخدم ....
ما علينا هنرجع لده قدام شوية ........
البلد فيها سوق كبير و محلات كتير فيها كل حاجة بأسعار مصر العادية و المطاعم برضه زي مصر لكن مجربتهاش الصراحة بخاف آكل بره ..
الشوارع واسعة جدا و الأسفلت نظيف و البلد رايقة و هادية و دمها خفيف ... و موجود بنك مصر بس هناك و توجد ماكينتان لسحب الفلوس بتاعة البنك و التانية في قرية برادايس و الاتنين مش شغالين أغلب الوقت عشان الضغط عالي عليهم و دي كانت مشكلة كبيرة جدا معايا لأني كنت واخد فلوس قليلة و معتمد على الفيزا و اتزنقت زنقة جامدة لولا ان الفندق كان بالفطار و العشا .....
راس سدر فيها فلل جميلة جدا و شيك قوي
المواصلات متوفرة داخل البلد و تتنوع ما بين تاكسيات جديدة زي التاكسي الأبيض بتاع مصر و بين المايكروباص السوزوكي و السيارات الربع نقل ...
طول الطريق من بعد النفق كده هتلاقي قرى كتير لحد ما توصل راس سدر و بعدها كمان و من وسط البلد فيه طريق ساحلي كده برضه فيه قرى كتيرة ....
نسيت أقولك ان بعد النفق بحاجة بسيطة توجد نقطة حصينة للجيش الاسرائيلي معمولة مزار و لتفاصيل أكتر عنها ( هل زرت النقطة الحصينة في خط بارليف - مـنـتـدى الـعـرب الـمـسافـرون )
كمان تجد بالقرب من النقطة الحصينة عيون موسى التي يقال انها الصخرة التي ضربها الرسول و انفجرت منها 12 عين لليهود .... هل ده صحيح و لا لأ مش عارف ...........
و بعد راس سدر بمسافة 15 كيلو نكون وصلنا لقرية جولدن بيتش 1 الل كنا حاجزين في الفندق بتاعها 3 غرف ليا و لإخواتي .. و الغرفة المزدوجة لفردين ب 400 جنيه شامل الفطار و العشا بوفيه مفتوح ...و كان فيه عرض 3 ليالي تاخد عليهم ليلة كمان يعني بمتوسط 300 جنيه اليوم ...........
مدخل القرية :