طلب مساعدة: مطلوب سيدة تعمل على تاكسي .. او سيارة ملاكي .. لتوصيل أطفال للمدرسة

**أبو_يوسف** · 12-08-2010 09:57 AM

السلام عليكم ورحمة الله وبركاته..
وكل عام وانتم بخير..
عايز من حضراتكم خدمة .. تدلوني على سيدة تكون عندها تاكسي او سيارة ملاكي بتقوم بتوصيل الاطفال للمدارس.. للاتفاق معها على توصيل ابنتي من المدرسة للبيت .. مقابل مبلغ شهري حسب الاتفاق..
البيت في مدينة نصر والمدرسة في مصر الجديدة والمشوار حوالي 10 - 15 دقيقة
كنت بشوف اعلانات على حوائط المدارس بس حاليا مشفتش اي اعلانات..
فاياريت لو في سيدة هنا بتقوم بهذا العمل او احد يعرف سيدة بتقوم بهذا العمل يتفضل مشكورا بارسال البيانات لي على الخاص .. او على العام كما يشاء..

ولكم جزيل الشكر

**heshamzaky** · 12-08-2010 10:36 AM

بص حضرتك كان فية سيدتين او ثلاثة كمان انا اولادى فى مدرسة cis اللقاهرة الدولية و بشوف مدام معاها فيورا بيضاء و اخرى معاها ميكروباص ملاكى و اخرى معاها بيجو 504 بيوصلو الاولاد بس للأسف معيش أرقام تيليفوناتهم بس اول ما المدرسة بتبدأ حتلاقيهم و غيرهم كتير و كلهم مضمونين محصلش اى شكوى على حد علمى و المبلغ الشهرى فى حدود 100 جنية بالشهر

**heshamzaky** · 12-08-2010 10:38 AM

بص معلش معايا نمرة راجل كان بيوصل أولادى و أعتقد ان مراتة برضو بتوصل الاطفال زية كدة بس مش متأكد و على فكرة العربيات كلها ملاكى مش أجرة

**أبو_يوسف** · 15-08-2010 09:31 AM

جزاك الله خيرا أ/ هشام
لو تكرمت ترسل لي تليفونه بس ياريت يكون اكيد ان مراته بتوصل .. علشان ميبقاش في مشكلة :)

**heshamzaky** · 15-08-2010 11:12 AM

المشاركة الأصلية كتبت بواسطة timtim

جزاك الله خيرا أ/ هشام
لو تكرمت ترسل لي تليفونه بس ياريت يكون اكيد ان مراته بتوصل .. علشان ميبقاش في مشكلة :)

يا باشا ما تقلقش هما كتييييييييييير عند المدرسة و موبيلة حا ابعتة لك على الخاص و اعتد ان مراتة بتوصل بس هو كمان مضمون الاهم عندة المعلوم و بس هههههههههههههه

**heshamzaky** · 15-08-2010 04:29 PM

المشاركة الأصلية كتبت بواسطة timtim

جزاك الله خيرا أ/ هشام
لو تكرمت ترسل لي تليفونه بس ياريت يكون اكيد ان مراته بتوصل .. علشان ميبقاش في مشكلة :)

بص يا باشا هى مراتة بتوصل برضو بعربية هيونداى فيرنا ملاكى طبعا بس لما سألت عرفت انة كان باخد تقريب 120 بالشهر بس دة فى نطاق مدينة نصر بص انت كلمة و اتفق معاة و على فكرة هههههههه اجازة نص السنة خلى بالك علشان ممكن يطلب حساب لها هههههههههه يعنة زى الباص بتاع المدرسة كدة

**أبو_يوسف** · 23-08-2010 10:15 AM

بجدد طلب المساعدة..
كل سنة وانتم بخير

**ahmed4000** · 23-08-2010 02:20 PM

الموضوع ده مقلق فعلا
يعنى انا عايز اجيب سواق لمراتى بس حكاية انه راجل دى مش مريحانى \
وبرده الاطفال يروحوا معاه لوحدهم دى مش مرياحنى

الغريبة ان الناس بتشتكى من البطالة فى الوقت اللى ناس كتير بتدور على سواق محترم او جليسة اطفال متعلمة

**heshamzaky** · 23-08-2010 10:47 PM

المشاركة الأصلية كتبت بواسطة ahmed4000

الموضوع ده مقلق فعلا
يعنى انا عايز اجيب سواق لمراتى بس حكاية انه راجل دى مش مريحانى \
وبرده الاطفال يروحوا معاه لوحدهم دى مش مرياحنى

الغريبة ان الناس بتشتكى من البطالة فى الوقت اللى ناس كتير بتدور على سواق محترم او جليسة اطفال متعلمة

بص يا باشا انا عندى ولدين صغيرين و شوفت السواقين الى عند المدرسة هما من ناحية الاحترام محترمين متخفش من الافكار الوحشة دول يا باشا كل همهم لايمنى على الفلوس و بيعمل عدة دورات ماهوش فى السخرة و الكلام دة كل المهم عندهم لم الغلة هههههههههههههه و الخمد لله و ربنا يسترها معانا جميعا و يحفظ اولادنا و الاستاذ تم تم و الله ما بشوفة دلوقت بس ساعات بكون فى البلكونة و الاقية عامل دورة سريعة كدة انا مش ناسيك و الله