الموضوع: الحماية من الرادار الجديد

المشاركة الأصلية كتبت بواسطة hegazio

و الله الكلام جميل بس من واقع واحد عاش في 4 بلاد منها دولة اوربية احب اقول
الرادار بيبقي اصلا فيه نسبة خطأ 2 % .. و حتي لو مظبوط بالظبط .. حرام تظبطه علي التسعين .. بره ممكن يسيبوك لحد 5 %
الرادار مخليني انا بس اللي ملتزم .. و المقطورة طايرة علي التسعين زي الباشا
وضع الرادار في حتت فاضية و بعد منزل و كده .. نية مبيتة لأن مش مهم الزحام و الحماية من الحادثة قد ماهو مهم المخالفة
انا بجد مش باطير و لا باخالف بس بصراحة بالبس مخالفات مش بتاعتي ف اماكن عمري ما رحتها فما بالك باللي انا باعملة غصب عني
لكن كلامكو صح طبعا .. انا لو كان دوريات ماشية علي الطريق .. عربيات أو موتوسيكلات .. بأتاري أو سرية حتي .. و يوقفك و يديك انت المخالفة اللي تستحقها و بدون رشاوي أو غيره .. كان ماشي

أتفق معك فى وجود مدى لدقة الردار بالأضافة لوجود مدى لدقة عداد سرعة سيارتك ، و هذا المدى يختلف من سيارة لأخرى، لكن لو فكرنا بشكل منطقى تجد أن ال 90 كم/س هى الحد الأقصى للسرعة و بالتالى لتفادى هذه النقطة ممكن القيادة على سرعة أقل من ال90 و لتكن 85، 86، 87 كم/س و لن تجد فرق كبير فى الزمن المستهلك.
بالنسبة لنقطة التزام النقل بالسرعة القانونية، فأتفق معك على رأيك إلا أنى قد فرأت فى أحد المشاركات عن الردارات الجديدة أن بإمكانها التفرقة بين النقل و الأتوبيس و الملاكى من خلال النمر و من التصوير بالكاميرا. هذه نقطة تحتاج للتأكيد.
لكن أولا و أخيراً، مخالفة الآخرين لقواعد المرور لا تعطيك الحق أنت أيضا فى مخالفتها، وإلا عدنا للسلوك العشوائى و استمرار الفهلوة. الموضوع محتاج تعود على الصح و لن أعدك بأنك ستجد التغيير و إلتزام من الجميع بشكل فورى فهذا يحتاج إلى تغيير جيل كامل أى حوالى 20 سنة، فلنبدأ نحن و ننصح غيرنا.
و بالنسبة لأماكن الردارات، فما الذى يفرق معك فى وضع الرادار ، المبدأ واحد، طالما أنك اقل من السرعة المقررة فأنت فى أمان.
و أتفق معك أن أحيانا نجد مخالفات علينا لم نرتكبها نتيجة خطأ متعمد أو غير متعمد من المرور و لكن المخالفات نسبتها أقل لو إلتزمت.

المشاركة الأصلية كتبت بواسطة Medo007

الرادرا بيبقى مصور العربية كلها
انا لما اتمسكت كنت سامع الراجل بيبلغه بالاسلكي عربية نوع كذه نمرة كذه لونها كذه مواصفاتها كذه


من وجهة نظري لو رادار على 90 وانت اتمسكت 120 تدفع

اما 90 وانا اتمسك على 105 يبقى هبل وفيه ناس تانية الرادار على 60 واتمسكوا على 62 كيلو ودفعوا

يبقى ده جباية ولم فلوس

الحد ده محطوط لعدم تخطيه

وتخطيه بفارق ولو كيلو متر/الساعة يجعلك تدفع الغرامة


اعتبرها زي الي مابيعرفشي يدخل كليه علشان نصف درجة

وزي مالاخوة قالو امشي على 85 لو احد الاقصى 90

ومعلومة سمعتها مش عارف مدى صحتها ان الرادار جواه Tolerance مش عارف قد ايه بس هو مش 90 بالظبط

المشاركة الأصلية كتبت بواسطة hegazio

و الله الكلام جميل بس من واقع واحد عاش في 4 بلاد منها دولة اوربية احب اقول
الرادار بيبقي اصلا فيه نسبة خطأ 2 % .. و حتي لو مظبوط بالظبط .. حرام تظبطه علي التسعين .. بره ممكن يسيبوك لحد 5 %
الرادار مخليني انا بس اللي ملتزم .. و المقطورة طايرة علي التسعين زي الباشا
وضع الرادار في حتت فاضية و بعد منزل و كده .. نية مبيتة لأن مش مهم الزحام و الحماية من الحادثة قد ماهو مهم المخالفة
انا بجد مش باطير و لا باخالف بس بصراحة بالبس مخالفات مش بتاعتي ف اماكن عمري ما رحتها فما بالك باللي انا باعملة غصب عني
لكن كلامكو صح طبعا .. انا لو كان دوريات ماشية علي الطريق .. عربيات أو موتوسيكلات .. بأتاري أو سرية حتي .. و يوقفك و يديك انت المخالفة اللي تستحقها و بدون رشاوي أو غيره .. كان ماشي

+111111
متفق تماما معك

المشاركة الأصلية كتبت بواسطة hegazio

يا سلاااام .. ده الناس وصلت لإقتناعها بإنها تمشي علي 85 !!!!!!!!
اللهم كتر من امثالكم .. عموما حاحاول اقنع نفسي بكلامكم .. ( و اخبي اللوحة برضه )

أود أول أن أحكى لك على حكاية صغيرة ثم أسألك.
صديق لى كان يقول سوف ألتزم بالسرعة القانونية للطريق الصحراوى لو رفعوا السرعة ل 120 كم/س، و بعد التطوير الذى يشهده الطريق الآن و تجربة الأجزاء التى انتهى العمل عليها توقف عن التمنى و بدأ ينفذ و الحمد لله اصبح يقود على 180 كم/س.
و هناك صديق آخر لى كان يقود على طريق العين السخنة الجديد ب 220 كم/س بالرغم أن السرعة القانونية 120 كم/س.

أيه رأيك..... الموضوع موضوع نسبى يختلف من شخص لاخر و من إمكانيات سيارة لسيارة أخرى و لن تكون هناك حدود للسرعة مع التطور فى صناعة السيارات و قدرة السائق.
هل تعتقد أن سرعة 120 كم/س كافية أم أنها قليلة، و هل تعتقد أن غالبية السيارات التى تسير فى مصر تصلح للسرعات العالية، وهل حالة الطرق تسمح بذلك، و هل لو سمح كل المذكور بتلك السرعات هل تأمن على نفسك من عشوائية القيادة الحالية وجهل الشعب بقواعد القيادة الآمنة و آداب المرور؟

السرعة القانونية هي درع الحماية من الرادار
و اللي وراه معاد ينزل بدري
يوصل بدري
يخلص بدري
يروح بدري
حسام البدري

و الفرق عموما مش بيزيد عن 10 دقايق بالحرق و الجري ما عدا في طريق السفر

لما نقول ان الغرمات وصلت ل 5 مليون سيارة منهم 3 مليون من القاهرة الكبرى
يبقى
1 الرادار مش لمصلحة المواطن انما لمصلة قلة بتنفذ قوانين البلطجة
2 مازالت مصر الاولى عالمياً فى حوادث الطرق
3
4
5
ياريت الناس ده تراعى ربنا وتعمل طرق محترمة
والكلام ده من فم التوكيلات اللى حتط صوابعها فى الشق
من الشوارع الحرير بتاعتنا


لو طلعوا الف قانون عمر مافى حد هيطبقه
لعدم اقتناعه انه فى مصلحته وليس فى مصلحة الحرامية

المشاركة الأصلية كتبت بواسطة iunknown

عين العقل

انا مع ان الغرامة تبقى 1500 جنيه مش 150 بس
علشان يبقى فيه التزام بجد والعقوبة تخلي المخالف يفكر الف مرة قبل ما يخالف

وماله .. بس يبقى أماكن الرادار معروفة ، والسرعة تكون متناسبة مع الطريق

مش يمشيك 60 على طريق سريع