الموضوع: تققيم اللوجان بعد 1000 كيلو و ارجو الافادة فى الملاحظات

المشاركة الأصلية كتبت بواسطة ahmed_2010

السلام عليكم
رمضان كريم و كل سنه وانتم طيبين
انا استلمت العربية يوم 3 / 8 / 2010
وماشى لحد دلوقتى 975 كيلو بالظبط
ألف مبروك
ربنا يديك خيرها و يكفيك شرها
الملاحظات : -
1 - صوت الماتور عالى
ده عند كل الناس
2 - الرعشة عالية جدا فى دواسة البنزين و الفتيس ( لا يوجد عضة المارشدير )
رعشة دواسة البنزين بتختفي بعد فترة بس رعشة الفتيس ممكن تتطول معاك بس هتتأقلم معاها (ماتركزش معاها قوي)
3 - السخونية الجامدة اللى ناحية دواسة البنزين
روح التوكيل و قولهم عليها و هما هيركبولك العازل مجانا
4 - السحب لسة مش اد كده
إبدأ فتح الموتور واحدة واحدة يعني ماتنقلش قبل 3 RPM او 3.5 و هتلاقي مردود كويس جدا مع الوقت
5 - التكييف جميل جدا بس بيعمل صوت غريب جدا فى الماتور لما اشغله
مش عارف ده عادى و لا ايه
ده صوت الكومبريسور لما يشتغل مافيهوش مشكلة
و هل فى صيانة فى ال 1000 كيلو و ال5000 فقط
أول صيانة عند ال 5000 كيلو بس ممكن تروحلهم دلوقتي يركبولك العازل و لو في ملاحظات تانية قولهم عليها بالمرة
و ياريت يا جماعة تطمنونى ضرورى لانى ابتديت اخاف و اتقفل من العربية

ملحوظة غير اللى انا قولته العربيه 100 * 100
الحمد لله