سؤال عن مراكز الخدمة المعتمدة ؟؟

**El.Hossieny** · 12-08-2010 01:30 PM

اولا: احب اهنئكم بمناسبة شهر رمضان اعادة الله علينا و علي الامة الاسلامية بالخير و ربنا يجعل وحوش اللوجان يا رب من المغفور ليهم .

ثانيا : انا كنت عايز احجز صيانة ال 5000 في العبور ....من ناحية عشان اعمل الصيانة و من ناحية تانية عشان اقولهم علي شوية ملاحظات .. اتصلت بيهم و قالولي علي ميعاد بعيد شوية .

انا بقي كنت عايز اسال الوحوش علي مراكز الخدمة المعتمدة من رينو لو عملت الصيانة هناك هل هتبقي كويسة .. و لا في التوكيل احسن .. انا كنت سمعت عن الميكانيكيون العرب اللي في طريق السندباد و كمان في فرنش موتورز اللي في الرحاب ... و الاتنين قريبين ليا عشان انا في مصر الجديدة ...

ثالثا : لو عملت الصيانة في مركز خدمة معتمد هل بيبقي في تكلفة زيادة عن التوكيل و اذاي كمان الصيانة دي بتتسجل عند التوكيل ؟؟

**mohamed1979** · 13-08-2010 02:07 AM

كل سنه و انت طيب يا باشا
تكلفه الصيانه فى مراكز الخدمه بتبقى واحده +الفاتوره بتكون فيها ضريبه مبيعات
بس بصراحه بعمل صيانات الميجان فى فرنش موتورز و مكنتش باخد فاتوره ضريبيه و كان ليا خصم مع المرحوم مصطفى الزينى فى المصنعيات (بس ضمانها كان خلصان) فتكون ارخص من المركز الرئيسى
و كان دائما يقولى ماتجيب اللوجان نعملها الصيانه عندنا و الضمان مفهوش مشكله واى حاجه عايزه تتغير فى الضمان عندنا برضو
بس نفسيا كنت عايز اعمل الصيانه فى المركز الرئيسى
و ان شاء الله بعد الضمان مايخلص حروح لفرنش موتورز
بالنسيه ان الصيانه تتسجل فاتوره الصياته هى الأثبات