الموضوع: تنظيف كويل التكييف - مع خالص الشكر لطنانى

صباح الخير و كل سنة و رجالة الاوبل بخير و عربياتهم بخير .. الاول انا اسف يا محمد على التأخير في كتابة الموضوع لانى كنت مشغول جدا .. المهم انا من 15 يوم كنت عند عاطف بتاع التكيفات - طبقا لنصيحة محمد طنانى - و بالفعل قابلتة و كان عندى مشكلة ان التكييف مبيشتغلش خالص مع انة مشحون و كلة تمام بس كا عندى مشكلة قبل كدة في حساس الضغط و كان في كهربائي عاملى وصلة علية لحد مغيرة .. المهم قلت لعاطف جميع الاعراض و موضوع الحساس قالى استنى هجرب حاجة المهم جرب حاجة في الكمبروسر و بعدين قالى ان الداير بتاع الكومبروسر مش لاقط علشان كدة مش شغال و قالى الحل انة هيحاول يظبطة و لو منفعش هيحتاج تغير قولتلة ماشى و جرب يظبطة و بالفعل اشتغل و كلة تمام المهم بقى لما جينا نجرب التكييف كان الهوا ضعيف جوة الكابينة و بالتالى التبريد ضعيف مع ان المروحة كويسة فقالى ان الكويل عايز يتنضف قولتلة كام قالى 600 جنية ... قولتلو لية قالى فك و تركيب التابلوة لوحدة 400 جنية قولتلو شكرا -- بعدها بكام يوم كلمت محمد طنانى و حكيتة الحكاية قالى لو معنكش مشكلة ممكن تعملو انت قولتلو ازاى انا بحب اوى العب في العربة بنفسى انت بس قولى اعمل اية قالى ببساطة انت تجيب خرطوم مياة و من جنب المروحة ( البلاور ) بتاعت التكيف و تحاول تدخلة علشان تغسل الكويل -- و لو قدرت يبقي احسن لو رحت لكهربائى يفكلك المروحة ( البلاور ) علشان تشتغل براحتك و يا سلام لو شوية صابون كمان تبقى 100 100 قولتلة ماشى الكلام هجرب و اشوف قالى حاول تخلى العربة مايلة لقدام علشان ميدخلش مياة جوة الكابينة قولتلة اوك و قفلت معاة و مقدرتش استنى قلت اروح ابص على العربية و اشوف اية النظام و بالفعل بصيت على المروحة لاقيتها مربوطة ب 2 مصمار الانكية ( نجمة ) و المكان ضيق قلت و بعدين و افتكرت ان عندى طقم مفكات من بتاع الكمبيوتر و الموبايل المهم لقيت فية وش الانكية نجمة قلت اجربة و طلع نفس المقاس و لله الحمد و رحت ناطط في الحوض و شايل طبعا غطا البلاور و بعدين فكيتة و شيلت المقاومة بتاعت السرعات و فضيت المكان تماما و قلت امد ايدي اشوف اية الى جوة الاول قبل مشتغل ... و حدثت الفاجعة .... لاقيت جوة كمية مهولة من ورق الشجر و طبعا مع التراب و الرطوبة عاملين احلى شغل و لا خط بارليف المنيع قدام الكويل .. و قعدت اشيل بايدى بقدر الامكان علشان المكان ضيق جدا لحد ماتخلصت من اغلب ورق الشجر دة و و بعدين جبت خرطوم المياة و مش قادر اقولكم علة الى نزل من فايص التكيف -- مياة سودا من كتر الطين و التراب -- و بعدين جبت صابون ( بيريل متخفف ب مياة ) و رشيتة على الكويل على قد مقدرت و سيبتة 5 دقايق و بعيدم مياة تانى لحد ما اليماة ابتدت تنزل لونها طبيعى و بعدين قفلت تانى و سبت الكبوت مفتوح في الشمس 10 دقائق لحد ما كل المياة نشفت الى جت في الحوض و بعدين دورتا العربية و قلت ااجرب التكيف بقى و النتيجة كالتالى

1 - مع السرعة التانى للهواء كمية الهواء الى داخلة قد الكمية الى كانت بتدخل على السرعة الرابعة قبل الغسيل
2 - التبريد بقى افضل ب 50 % على الاقل بوجة عام

و دة بعد التجربة لمدة اسبوع - بس انا لسة عندى مشكلة ان التكيف لما بيعد فترة شغال و يسقع الاقى الهوا الى جاى من الهوايات بيقل - بقفل التكيف لمدة دقيقة و انا سايب الهوايات شغالة الاقى الهوا رجع طبيعى بعد دقيقتين و بعدين اشغل التكييف تانى ؟؟؟؟ انا قلت اكتب الموضوع اولا لشكر محمد طنانى على الدعم و الافكار الجامدة و الموفرة و ثانيا علشان المنفعة العامة للعصابة كلها و اتمنى ان الموضوع ينفعكم كلكم و كل سنة و انت طيبين