ملهاش دعوة برومانيا , العربية بتيجى اساسا منغير جمرك من المغرب فمعليهاش اى قرارات لانها 0% جمركاقتباس:
هل رومانيا من ضمن دول الاتحاد الاوروبي علشان يطبق على سياراتها قرار التخفيض ؟
ملهاش دعوة برومانيا , العربية بتيجى اساسا منغير جمرك من المغرب فمعليهاش اى قرارات لانها 0% جمركاقتباس:
هل رومانيا من ضمن دول الاتحاد الاوروبي علشان يطبق على سياراتها قرار التخفيض ؟
محدش يا جماعة يدفع مليم احمر زيادة عن السعر اللى هو حاجز بية ..
حتى لو الجمارك بقيت 100% على ثمن العربية ..صاحب الحجز مالوش دعوة ..لان اى زيادة حتى لو فرضنا ان الحكومة هى الى عملتها "و دة فى حلتنا دى محصلش" يبقى الغلط عليهم برضو ..
انا بحجز بالسعر اللى اعلنتة الشركة وقت الحجز ..و مش انا اللى محدد السعر دة دى الشركة اللى حددت و على اساسة انا حجزت ..جمارك بقى ضرايب ..يورو دولار ..اى حجة اخرى هما يتحملو الفرق ...
لو مش قدرين يحددو سعر لمنتاجاتهم يبقى يقولو كدة من البداية و اللى يحجز يقولولة احنا اسفين احنا شركة غير قادرة على تسعير منتجتنا و انت احجز بس السعر مش هو اللى حتستلم بية ...لان اللى بيحصل دة تهريج و مافيش شركة محترمة فى العالم بتعمل دة ..و لو رينو فرنسا عملت كدة فى فرنسا حتقفل تانى يوم ...
علي ما اظن القرار ماشي علي كل المستورد
مافيش في رينو مغربي دخلت مصر الا اللوجان
+1000000000000000
وهو ده اللي بقول عليه ايه الحل للناس دي يدفعوا و لا لأ
ما موقف الفلاوانس الناس اللي حجزت 2010 واستلمت 2011 بدون تخفيض قيمه الجمارك فرق الموديل
للي جرب الكلام ده ينصح اخواته ويقولهم يتصرفوا ازاي
يا جماعة موضوع للمشاركة فقط و ليس دفاع عن أحد...أنا أولا و أخير مستهلك زى زيكم......
الوكلاء فكروا فى فكرة ألمعية لوذعية تحميهم من التخبط الرهيب فى قرارات الحكومة المتغيرة كل يوم و أيضا تذبذب العملة...
الفكرة زى ما حضراتكم عارفين هى إستيراد السيارات منطقة حرة....و بذلك يقوا نفسهم من التخبط الرهيب العشوائى فى القرارات واللوائح.....و عند وصول السيارة حضرتك بتكمل سعرها و ده معناه إن حضرتك اللى بتدفع الجمرك بفلوسك يوم الإستلام مش التوكيل بيدفع عنك و بعدين ياخد منك...يعنى الجمارك دى مسؤلية الشارى أولا و أخيرا طبعا ضمنيا...زادت إنهارده قلت بكره رجعت زادت تانى بعده ....ملوش فيها...يوم التسليم الجمارك كذا ...حضرتك هتدفعها....
بصراحة لو فى حد بيتعامل فى الإستيراد مع أى شركة أجنبية محترمة...مفيش حاجة إسمها بكرة تلاقى إيميل إن السعر زاد كذا فى الميه....بتلاقى فى حاجة إسمها أول السنة أو أول السنة المالية و بيخاطبك قبلها بمدة و يقولك أسباب الرفع إيه زى مثلا إرتفاع خام النحاس أو كذا....و بعدين يديك وقتك علشان تظبط السوق بتاعك أو تعمل طلبية كبيرة بالسعر القديم قبل الزيادة و الأمور بتبقى إلى حد ما مدروسة.....
لكن هنا فى مصر....اليورو نازل و الجات مطبقة و المبيعات ضعيفة....يعنى كل الأمور بتقول إن إتجاه السعر لازم يكون للهبوط لتشجيع البيع...و إذ فجاءة يصحى مسؤل من النوم على قرار زيادة الجمارك على شريحة الضمان و الصيانة و تطبيق مواصفات قياسية و كلام غريب من اللى بنسمعه....
طبعا متنسوش إن التوكيل عنده فترة إنتظار ما بين الحجز و التسليم فى حدود 2-3 شهور على أقل تقدير إلا لو البضاعة حاضرة....فى بلدنا من 2-3 شهور فترة ممكن يطلع فيها من 20 ل 30 قرار عشوائى متخبط يطيح بسعر السيارة و مبيعاتها إلى الهاوية....
علشان كده الوكيل ضامن فقط سعر السيارة الأصلى من الشركة الأم و لو على الأقل لموديل السنة الواحدة و بيحط نسبة ربح ثابتة ليه على كل سيارة منطقة حرة و بعد كده أمور خارجة عن سيطرة أى حد فينا...اليورو متذبذب و الجمارك متغيره و القرارات متخبطة بشكل يومى ...فمن المستحيل إن التوكيل يحدد سعر إستلام سيارة بعد 3 شهور من الأن لأن ممكن كل شىء يتغير وقتها....
متنساش إنه محترم فى إن لو السعر مش مناسبك وقت الشراء من حقك تأخد فلوسك كاملة ...و لو فكرنا بالعقل مش من مصلحة التوكيل إنه يعلى السعر عشوائيا لأنه ببساطة هيخسر عملاء كثير بعد ما سعر السيارة القديم سمع فى السوق....ثانيا اللى مميز عربية زى الفلوانس مثلا بجانب جودتها و شكلها هو سعرها الرائع....لكن لو سعرها زاد مثلا أصبحت بتنافس فى شريحه سعرية أصعب بكتير لأن منافسينها أصبحوا أقوى بكتير زى الفانتازيا و الجيتا و الفورد ووو...إذا الزيادة مش فى مصلحة التوكيل أبدا إلا لو هى فعلا جاية من الدولة...و السؤال هل توكيل رينو فقط هو اللى زود...بالتأكيد لأ...
لو فكرنا بالعقل...حضراتكم حاجزين لما مكنش فيه جمارك زيادة...طيب ما الجمارك بتاعت عرابيتكم لسه ما إتدفعتش أصلا لأن العربية لم تصل بعد...و عند وصولها سوف يطبق عليها اللائحة الجديدة...إذا من يتحمل الزيادة..هل التوكيل يخسر من مكسبه علشان قرار غير مدروس...مش ممكن طبعا ده غير إنه على الجميع مش رينو فقط....
يعنى اية لو السعر مش مناسب وقت الشراء من حقك تاخد فلوسك ...يعنى الواحد يعد مستنى 3 و 4 اشهر و بعدين يلاقى السعر اتغير..يقوم ياخد فلوسة و يرجع يحجز سيارة جديدة و بعد كام شهر يلاقى السعر اتغير كمان ..
و بعدين مش صحيح ان التوكيل مش مسئول عن تكلفة الجمارك ..لان الحجز بيكون على سعر السيارة بالكامل مش على السيارة بدون جمارك ..
لو التوكيل مش عاوز يتحمل مسئولية الجمارك يبيع العربية بدون جمرك و بدون اى رسوم داخل مصر ..فى الوقت دة بس يكون فعلا مش مسؤال عن اى قرارات او تغيرات تحصل ..انما دة مش بيحصل ..التوكيل بيقولك السعر النهائى كذا و دة اللى على اساسة انت بتختار و بتقيم السيارة وقت الحجز ..
انما تبقى عشوائية وكل واحد يطلع بسعر كل يوم و يتحجج مرة باليورو و الدولار و مرة بقرار حكومية ...يبقى مالوش لازمة الحجز من اصلة و مالوش لازمة يحجز فلوس الناس و يشغلها 3 4- اشهر و بعدين يقولك سورى ان السعر اتغير ..
دة موقع وزارة المالية مافيش اى معلومات عن اى تغيرفى الجمارك او فى اى ضرائب جديدة او قديمة
http://www.mof.gov.eg/Arabic/_layout...m/MofNews.aspx
علشان كده هما بيدفعوا الجمرك وقت التسليم....لو الجمارك قلت على الجميع بقرار وزارى و حضرتك كنت حاجز على العالى....وقت الإستلام بتدفع أقل و أعتقد دى حصلت أول السنة بعد ما خفضوا 4% علشان الجات.....
خد بالك برده...أسوأ حاجة بالنسبة للتوكيل تذبذب سعر السلعة صعودا و هبوطا...مثل ما حدث للميجان من قبل....الموضوع ده بيضرب سعر العربية جامد و بيوحش صورتها...
فكر التوكيل...لو السعر زاد يزود تانى يوم علشان رأس ماله الداير فى السوق ميتأثرش....إنما لو السعر قل نتيجة إنخفاض العملة أو الجمارك أو السعر من بلد المنشأ...تلاقيه يتأخر جدا جدا على ما يخفض خوفا من الإرتفاع ثانية لأى سبب فيبقى هو عمال يغير فى السعر بتاع العربية و الزبون مش هيفهم ليه التغيير المتكرر صعودا و هبوطا...لو لاحظت حضرتك اليورو نزل جنيه كامل من قيمته و مفيش أى توكيل أوروبى خفض عربيته جنيه واحد خوفا من صعود اليورو مرة أخرى....
الفكرة العامة لو السعر زاد على طول يزود و لو قل يبقى الفرق فى جيبهم....و يبقى يعمل تخفيض فى معرض أو فى أخر السنة.....
مع احترامي لكلام حضرتك
اي توكيل ما يكتبش ثمن السياره اجمالا في سند الحجز والموديل واللون يبقي نصاب
ايوه نصاب انت بتحجز علي شان البضاعه مش حاضره و اصلا ده حرام شرعا انما انت بتدفع عربون للعربيه علي اساس تسليم مكان ما حجزت و بالتمن اللي انت حجزت بيه علي اساس ان التعاقد تم في لحظه دفع المقدم اتاخرت العربيه ولعت لا قدر الله عليه هو غليت سعرها زاد عليه لاما تدفع وتستلم ايه المشكله هو مش عارف يجيب السياره لامؤخزه من خيبته ما يحجزش يستني هو لما تيجي تدفع و تستلم ليه ياخد فلوس الناس و يحجزها عنده
اللي سيادتك بتدفعه ده عربون يعني لاما يجيب اللي اتفقت عليه بتمنه وفي ميعاد تسليمه لاما يرجع ضعفه يعني اللي بتقولوا عليه محترم ده اكل عليك حقك في ضعف العربون وده حسب القانون المدني المصري
لو الجمارك زادت هو اللي غلطان كان حتي يبتدي حجز لما السياره توصل المينا مش بيبيع سمك في ماء
زي ما فيناس كانت حجزه عربيات وقالوا لهم خدوا حاجه تانيه
اللي دفع عمل اللي عليه اللي خد الفلوس متعهد باللون و السعر والموديل و كل اللي اتفق عليه امال الحجز لزمته ايه
حد يا جدعان يفهمني اللي حجز 2010 واستلم 2011 بنفس السعر اتنصب عليه ولا ايه الحكايه لو كلامي غلط حد يقول لي ليه و ازاي
لجنة السيارات بجهاز حماية المستهلك تصدر ميثاق شرف خاص بالسيارات المستوردة
القاهرة - محرر مصراوي - استطاع ميثاق الشرف الذي أصدرته لجنة السيارات بجهاز حماية المستهلك في مصر، أن يعطى للمستهلك الأمان في التعامل مع الوكلاء والتجار، وأن يحفظ - في الوقت ذاته - حقوق الأخرين.
ويتكون الميثاق من 5 بنود، يؤكد البند الأول منه على الالتزام بصيانة وإصلاح السيارات المستوردة خارج الضمان من الموديلات التي تتعامل معها الشركة، طالما أن الشركات وكيله لها بجمهورية مصر العربية، وبذات المقابل المادي للسيارات التي تضمنها الشركة، وتستثنى السيارات غير المصممة لأجواء وظروف التشغيل داخل البلاد.
ويؤكد البند الثاني التزام الشركة بأن يغطي الضمان كافة مكونات السيارة ضد عيوب الصناعة لمدة ثلاثة أشهر من تاريخ استلام العميل لسيارته، أو ثلاثة آلاف كيلو متر، أيهما أقرب.
أما البند الثالث فيشير إلى التزام الشركة بنموذج حجز تأمين حجز السيارات، وفي حاله حدوث أية اختلافات بشأن إيصال الحجز يتم إخطار العميل رسميًا بالتغيير، ويكون للعميل الحرية في استمرار التعاقد أو استرداد كامل مقدم الحجزو دون تحميله أية تكلفة إضافية.
والبند الرابع خاص بالتزام مركز الخدمة بتسليم العميل نموذج يتضمن البيانات التالية:
إثبات حاله السيارة عند الدخول، وإثبات شكوى العميل وتوقيعة عليها، وتشخيص الشكوى والتكلفة المبدئية للإصلاح، وميعاد التسليم.
ويتعلق آخر البنود بمدة الالتزام بهذا الميثاق، ويحدده بعام يبدأ من تاريخ قبول اللجنه للانضمام وقابله للتجديد.
أما البنود التي أعطت للمستهلك ضمانات عدم العبث بمقدراته وما جنت عليه، فهي كالتالي:
البند الأول:
حرصت اللجنه على إرضاء الوكلاء بشأن السيارات الخليجية وصيانتها، حيث قررت أن يدفع العميل من يحوز سيارة خليجية 1.5% من قيمتها لمركز الصيانه المعتمد، وهناك من يقول - بل يؤكد - إنه لا تجني على المستهلك من حق الوكيل الذى يستورد سيارات مناسبة للسوق المصرية ويقوم بإستيراد قطع غيار خاصة بسيارته أن يحصل على جزء من المال من عملاء السيارات الخليجية لإستيراد قطع غيار مناسبة لسيارتهم خاصة وإن هناك قطع غيار لايتم إستيرادها للسيارات المتوافرة فى مصر فى الوقت الذى يثور تساؤل أكثر منطقية وهو ما هو ذنب من وثق فى تصريحات وزير التجارة والصناعة المهندس رشيد وإستخدم حقة فى أن يشترى سيارات خليجية أو جاء بها من الخارج تنفيذا لقراره.
وقتها بدأت المنافسة الحقيقية بين المستوردين والوكلاء سعريا وإن كانت الغلبة للوكلاء بعد أن منعوا دخول السيارات المستوردة لمراكز الخدمة الخاصة بهم فأصبح من يشترى سيارات مستوردة من قبل المستوردين بدون أب شرعى بالرغم من أنهم إستخدموا حقهم بقرار وزارى!!.
عموما كانت هذه هى نقطة الخلاف التى أخذت على لجنه السيارات بجهاز حماية المستهلك بأن أعادت للوكلاء فارق السعر إليهم من جيوب المستهلكين !!
البند الثانى:
كان خاص بضمان الوكلاء حيث كانت هناك بعض المكونات لايشملها الضمان مثل الكاوتشوك مثلا وهذه القضية قتلت بحثا من قبل اللجنة ومن يتحمل فساد أيه إطارات عند السير بالسيارة مئات المترات ولابد من الشركات التى تستخدم إطارات بعينها أن تضع فى إعتبارها الحصول على الضمان من قبل شركات الكاوتشوك وأن لجنه السيارات بجهاز حماية المستهلك لن تتورع فى تحويل أيه شكوى للجهات القضائية المسئوله لإتخاذ اللازم لمصلحة المستهلك وعلى ما يبدو أن الفترة الزمنية الخاصة بضمان الكاوتشوك كافية وبعدها يسقط الضمان عنها فسؤ التخزين لدى وكلاء الكاوتشوك أو عدم تحريك السيارات داخل معارض السيارات قبل بيعها تتسبب فى إصابة الكاوتشوك بالفساد ويكون المستهلك هو الضحية!!.
البند الثالث:
[gdwl] [/gdwl][gdwl][/gdwl][gdwl]
هناك عدة بنود وضعت فى إيصال حجز السيارة خاص بالشفافية بين العميل والوكلاء أو تجار السيارات وهى خاصة بالتاريخ وساعة الحجز وأسم صاحب السيارة ومبلغ الحجز سواء نقدا أو شيك ومواصفات السيارة من حيث النوع والموديل وسنه الصنع والمنشأ ومدة الضمان ولون السيارة ولون الفرش وكماليات السيارة ومواصفات السيارة وباقى الثمن المطلوب دفعة وأخر موعد لإستلام السيارة وهذا النموذج يتم ختمه من قبل الشركة والمسئول عنها.
هذا النموذج للحجز أغلق ملف زيادة أسعار السيارات عند الإستلام والتى كانت تتفنن فيها بعض الشركات والمستهلكين كانوا يلوذون الصمت تجاة هذه النقطة تحديدا وكان الوكلاء يتعللون بأن سعر الدولار فى إرتفاع أو اليورو أو الين ومن هنا كانوا يتعللون أمام العملاء بإرتفاع الأسعار أو كان العملاء يحصلون على سياراتهم ألوانها ليست المتفق عليها مع التجار فهذا النموذج وضع النقاط فوق الحروف لمصلحة المستهلكين.
[/gdwl]البند الرابع:
إلتزام مركز الخدمة بتسليم العميل نموذج يق فيه حاله السيارة وتشخيصها قبل إنصراف العميل من مركز الخدمة وأيضا التكلفة المبدئية للإصلاح وميعاد التسليم.
البند الخامس:
قرر الجهاز أن تكون مدة الإلتزام بهذا الميثاق عام من تاريخ التوقيع على الميثاق ومن حق اجهاز عدم قبول أى شركة تراها كان تخل بحقوق المستهلك أو صدرت ضدها أحكام قضائية نهائية وأنها تتعنت مع المستهلكين.
إن الميثاق فى مجمله جيد وأتى ثمارة بعد أن بلغت عدد الشكاوى من المستهلكين تجاة الشركات التى وقعت على الميثاق وعددها 19 شركة صفرا ولكن لابد من الحكم على الميثاق وجدواه بعد فترة طويله من الزمن وأن نقرأ ونسمع عن شركات يتم تحويلها لجهات القضائية عقابا لها على عدم إلتزامها ببنود الميثاق وعلى جانب أخر إصرار المستهلكين على حقهم ببنود الميثاق.