مركز أوتوماستر طلع أحسن من اكيلو 4.5 !!!!!!!!!!!!!!!!!!!!!!!!!!!!!!!!!!!!!!!!!!!!!!!!

**khattab_1989** · 12-08-2010 05:55 PM

السلام عليكم يا رجالتنا و كل سنة و أنتو طيبين و وحوي يا وحوي
واحد صاحبي كان اشترى عربية اوبل استرا من أسبوع و كلمني علشان عايز يعمل عليها check up كامل و لو فيها حاجة يعملها
و قالي انه عايز مركز قريب و يكون كويس
أنا مكنتش جربت غير منصور الطيران و الكيلو 4.5 اللي ها الرئيسي ... بس الطيران سيئ جدا جدااااااااا و الكيلو 4.5 بعيد
المهم أفتكرت إن كان فيه أخ عضو هنا كان راح أوتوماستر و شكر فية جدا فأتصلت بالمركز من كتيب الضمان و روحنالهم الساعة 8 صباحا و أستقبلنا المهندس مصطفى و عرف إحنا عايزين إيه و قالنا إتفضلو في الإستراحة و كانت ملاحظاتي هي :
-مركز في منتهى النظافة و شكله محترم جدا
-المهندسين اللي هناك فاهمين جدا شغلهم و عارفين حل أي مشكلة عكس الطيران و الرئيسي اللي لا يفقهو شئ ازيد من الصيانة و عمرهم ما حلولي مشكلة ابدا في العربية(وأنا كنت سألته عن حل للأنذار عندي في الأوبترا و قالى الحل موجود و بسيط جدا )
-المهندس بياخد رقمك و بيبقى على أتصال دائم معاك لو فية حاجة في العربية و بتنزلة بيدخلك الورشة و تشوف بنفسك العربية
-تحس إنهم بيهتموا بعربيتك أنت بس
-لو فيه أي حاجة في العربية بيكتبهالك في الملاحظات بحيث تعرف عربيتك فيها إية

بصراحة أنا هروحلهم الصيانات الجاية لأنهم أحسن من الطيران و الرئيسي بمراااااااااااااحل

**Gabrial** · 12-08-2010 06:02 PM

شكراً على نقل التجربة يا باشا ،كلام حضرتك سليم أنا واحد صاحبي معه استرا 2007 بيتعامل معهم من فترة و مبسوط منهم .

**zeznia** · 12-08-2010 06:30 PM

شكرا ياباشا
هو فين اوتو ماستر ده واسعاره ايه

**Gabrial** · 12-08-2010 06:44 PM

المشاركة الأصلية كتبت بواسطة zeznia

شكرا ياباشا
هو فين اوتو ماستر ده واسعاره ايه

اتفضل يا باشا .
شركة اوتوماستر ( اوبل - شيفورلية )
ش المخيم الدائم - المنطقة الصناعية
مدينة نصر, القاهرة
التليفون:02-22629733, 012-7333040, 02-22627131

**fawzyyyy** · 12-08-2010 08:04 PM

الف شكر ليك و علي تقييمك للمركز الخدمة ده....و ان شاء لازم نجربه

**khattab_1989** · 16-08-2010 06:58 PM

أه والله يا رجالة الخدمة هناك فوق الجيدة و أنا ليا صاحبي دفعتي مهندس في الهرم و قولتهالوا بالفم المليان : أنا مش جاااااااااي تااااني
مشوار علقة و إنتظار طويل و خدمة مفيش أسوأ من كده