فيشة الاوكتين نوبيرا1 كوري موديل 98

**sasaid** · 12-08-2010 07:58 PM

السلام عليكم ،ورمضان كريم انا عندي نوبيرا1 كوري موديل 98 عاملة 140.000كيلو. امبارح فتشت جنب وحدة التحكم وظفيرة الاسلاك زي ما في صورة الاستاذ زاهر مشكورا وملقتش حاجة غير فيشة بلون اسود متجمعة في الظفيرة،هل ممكن عربيتي مفيهاش فيشة الاوكتين ده ؟ وياريت حد يوضح لي إيه هو بنزين 80 ؟ هل فيه رصاص ؟اصل احنا في المغرب عندنا بنزين sp95 .وعندنا نوع تاني لون احمر بيجيبوه من الحدود الجزائرية متهرب بس تمنو رخيص اوي .من شهر تقريبا غيرت طقم الدبرياج بس مشكل سحب العربية في الاعالي متحسنش لدرجة إني بكبس الاكسلريتر عل الارض احس الماتور زي ما بيجيبش بنزين وعربيات الديزل موديل82 بتعدي بسهولة،عربيتي مبتغيبش في الدوارة والصيانة 100%علي فكرة على طرق مستوية عربيتي بتبقى صارووووخ .ال إربم على4 اجيب140 بسهولة بس على طرق علوية النوبيرا بتبقى مخنوقة أويانا غيرت الطقم الدبرياج كله ( ديسك واسطوانه وبليه ماركة لوك الماني،وبوجيهاتngk :bkr6e-11)على فكرة انا شايل علبة البيئة وفاصل ال egr، الاسكانر بتاع النوبيرا يلزمها سفرية طويلة اصل انا ساكن في حتة بلدي ساعدونا يا جماعة أنا قربت اتجنن.

**sasaid** · 14-08-2010 04:34 AM

مساء النور ياجماعة النوبيرا:b4_048:،أنا لسا مستني ردود الله يخليكم.

**M.Zaher** · 14-08-2010 02:46 PM

ممكن تدور على الفيشه تحت الكرسي اليمين برده
ووكن تكون محشورة ورا الكونترول او في اي حته جنبه
بالنسبه للسحب مش هاقدر افيدك اوي لانك بتقول انك لسه مغير طقم الدبرياج

**محمد الشامي** · 14-08-2010 11:08 PM

ممكن مشكله السحب تكون بسبب فلتر بنزين مكتوم او مخنوق

**samirayad** · 14-08-2010 11:12 PM

المشاركة الأصلية كتبت بواسطة sasaid

مساء النور ياجماعة النوبيرا:b4_048:،أنا لسا مستني ردود الله يخليكم.

على فكره

مش كل طرازات عمليات التحكم فى الكورى ليها فيشة أوكتان

فحسب طراز وحدة التحكم بيتم ألحاق مفتاح أوكتان بوحدة التحكم من عدمه

فممكن يكون الطراز عندك ( ملوش فيشة أوكتان )

**sasaid** · 17-08-2010 01:54 AM

المشاركة الأصلية كتبت بواسطة محمد الشامي

ممكن مشكله السحب تكون بسبب فلتر بنزين مكتوم او مخنوق

والله يا أستاذنا محمد فلتر البنزين جديد

وكمان حساس الشكمان بس السحب وحش على طرق علوية فقط

،أستاذنا سمير إنت دايما منور المنتدى هل ممكن أجيب كنترول نوبيرا أخر بفيشة أوكتين ؟

**samirayad** · 17-08-2010 02:07 AM

لا أستطيع نصيحتك بهذا

فلكل وحدة تحكم

عناصر التحكم التى تعمل معها على نفس النظم

كأفراد الفرقه الموسيقيه التى تعزف مقطوعه تم تأليفها من قبل

مايسترو الفرقه ............هو وحدة التحكم

أفراد الفرقه ..........هى عناصر التحكم مثل الحساسات كمثال

فمش عاوزين نعمل

زى ماجورج وسوف بيغنى أغانى أم كلثوم

بتلاقى الأغانى عديمة الطعم والرائحه

**alynubira** · 17-08-2010 03:04 AM

المفروض ان النوبيرا مفيهاش فيشه اوكتان

**sasaid** · 17-08-2010 03:58 AM

يا أستاذنا سمير ألف ألف شكر ع التوضيح،ونا عشمان في كرمك بخصوص مشكل سحب العربية على طرق عالية للعلم أنا عندي رشاشات الدايو التخينة بس أنا منظفهم بالالتراسونيك ومفيش غياب للدوارة والبوجيهات مش مهببة والاستهلاك معقول انا بحط بنزينsp95 المشكل لما بوصل لطرق عالية الماتور بيتخنق زي ما يجبش بنزين ده ممكن يكون طبيعي في النوبيرا بس أنا إلي مجنني إني عربيات ديزيل زيvw golf2 model82 بتتفوق بسهولة بس على طرق مستوية عربيتي بتبقى صارووووخ :ال إربم على4 اجيب140 بسهولة.ساعدونا يا جماعة أنا حبيت النوبيرا ولو بعتها أجيب نوبيرا تاني.