ياريت يا جماعه اللى يعرف حاجه عن ال samsung s8500 wave زى مميزاته و عيوبه و سعره كام ياريت يفيدنى ؟ و ايه الحاجات الكويسه و فى نفس سعره ؟؟
عرض للطباعة
ياريت يا جماعه اللى يعرف حاجه عن ال samsung s8500 wave زى مميزاته و عيوبه و سعره كام ياريت يفيدنى ؟ و ايه الحاجات الكويسه و فى نفس سعره ؟؟
انا شايف ان الموبايل دا احسن صفقة في فئته السعرية
كفابا كامريته HD وانضف من سامسونج HD نفسه
والمعالج ا جيجا تقريبا
عيبنه انه مش شغال بظام ويندوز موبايل لو عايز حاجة شغالة بالتظام دا لكن اغلي سنة يبقي هات omnia2
دة ميزتة انة مش شغال ويندوز موبيل يا باشا على فكرة
الموبيل دة اندريود ومن الاخر موبيل تحفة بس هوة سعرة كام لانى مش متابع سعرة ؟
الموبايل كويس فى كل حاجة ماعادا
*ان الموبايل مش موجود فى مصر رسمى معنى كده مش هايكون غير حد بيجيبه من برة وبيبيعه
*الموبايل سعره مش هايكون رخيص
*الموبايل شغال بنظام اسمه بادا ودة نظام عملت عليه شركه سامسونج وطورته بس اعرف ان دعمهم للانظمه ضعيف جدا وصعب تلاقى العاب او برامج تكون عايزها
*الموبايل هاى ديفينيشن 5 ميجا بيكسل فى حين ان الموبايلات التانيه نزلت 8 و 12 ميجا بيكس اتش دى
*الموبايل مافيهوش اف ام ترانسفورمر ودى ميزة جميله جدا وموجوده فى اغلب الموابيلات الحديثه
دى بس العيوب اللى شايفها فيه بس علشان ما اظلمهوش مميزاته اللى بيتفوق فيها عن التليفونات التانيه:
*بطاريه قويه جدا جدا عن اى تليفون تانى بتقعد 15 ساعه لو بتتكلم متواصل
*البروسيسور قوى مش ضعيف
*الذاكره الداخليه جيده
*والشاشه من نوعيه سوبر اموليد ودى من انقى وافضل الشاشات فى العالم
*حمايه للشاشه من الخدش
--ممكن يكون فيه ميزه ما اخدتش بالى منها
ونصيحتى ابعد عن اى تليفون شغال بنظام ويندوز موبايل او نظام مجهول
ربنا يوفقك وتشترى حاجة كويسه
مواصفاته بالتفصيل
http://img815.imageshack.us/img815/8261/s8500.png
Uploaded with ImageShack.us
طبعا تحفه كفايه الشاشه السوبر املويد بتاعته .. لو شفتها على الطبيعه هترمي الموبايلات اللي ف ايدك
سعره بالامارات من غير ضمان ب حوالي 1400 درهم
وبضمان اكسيوم 2000 درهم
الموبايل دة انا جبته من حوالي اسبوع
ثانيا هو ولا ويندوز ولا اندرويد هو نظام جديد اسمه bada سامسونج اللي عملاه ودة اول موبايل ينزل بيه
البروسيسور 1ghz
الجهاز استخدامه شبه الاي فون جدا
فيه كمان مالتي تاتش والشاشة فعلا تحفة
الكاميرا كويسة نوعا ما بس الصور ساعات بتطلع مهزوزة
في كمان سامسونج ستور دة بتحمل منه apps. زي الاي فون كدة
عيبه الوحيد لحد دلوقتي انه بيسخن شوية مش عارف دة عشان البروسيسور عالي شوية ولا ايه
بس الجهاز اجمالا جامد جدا
نسيت اقول سعره في الشناوي 2300 جنيه مع ضمان سنة
الجهاز كمان صناعة صيني
الجهاز ده انا شايفه تحفه شاشته ملهاش حل كان فى موبايل شوب عارضينه وتقدر تشوف كل حاجه فيه وسعره 2650 جنيه فى موبايل شوب ويونيون جروب اللى هو الوكيل بتاعه
طب مهو موجود فى مصر يا جماعه اهو .. طيب دى حاجه كويسه .. انا كنت معتقد برده انه مش موجود هنا
طيب بالنسبه للأخ Galaxy S مفيش اخبار عن نزوله هنا ؟ و سعره بره عامل ايه ؟؟
انا معرفتش انه نزل فى مصر
عموما , لو نويت تشتريه شوف اراء الناس على النت بتقول عليه ايه
وبرده الدعم بتاع السامسونج للنظام دة هايكون ضعيف حتى لو عملوا ستور ليهم
الجهاز موجود فى مصر من حوالى شهر و بتبيعه راية كمان بسعر 2650.....
و فعلا هو افضل امكانيات بالسعر ده
بالنسبة للسخونة ده طبيعى لسببين الاول ان جسمه معظمه معدن مش بلاستك و التانى ان البروسيسور بيستهلك لما بيشتغل جامد (بالزات على ال 3g) بيستهلك بطارية جامد..... ممكن يتم تحويله 2g مش هيسخن بنفس الدرجة
الف شكر يارجاله ....انا كنت بفكر اجيبه من السعوديه او الامارات ..انا كنت بقارن بينه و بين sony ericsson experia
الموبيل معايا من شهر
رائع
سعره الان 2300
شاشه خطيره
بروسيسر قوى
استجابه ممتازه
بيسخن فعلا عشان البروسيسر
بس قيمه مقابل السعر فوق الممتازه لو اعتبرت الموبيلات الى بنفس امكانيته ب 3000 وطالع لغايه 4500
ارشحه بقوه
يا رجالة
الزملاء في موضوع تاني رشحولي الجهاز سامسونج إس 8500
رأيكم إيه لو كنت جربتوه
أنا شايف جهاز جديد بشريحتين سامسونج b7722 على موقع سامسوج وفيه 3g
موضوع محير
رأيكم إيه