المياه الحمرا فى القربا نقصت أزودها مياه مقطره ولا مياه حمرا وايه افضل نوع وما هو التركييز المناسب ومتى يتم اضافه الماء ورمضان كرييم وشكرا وازودها من القربا ولا الرداياتير
عرض للطباعة
المياه الحمرا فى القربا نقصت أزودها مياه مقطره ولا مياه حمرا وايه افضل نوع وما هو التركييز المناسب ومتى يتم اضافه الماء ورمضان كرييم وشكرا وازودها من القربا ولا الرداياتير
انا حقولك المعلومات اللي عندي لحد ما الاعضاء اصحاب الاوبترا يساعدوك انت عارف رمضان بقي و الناس مشغولة في عزومات و تراويح......:B4_592:
لو طوارئ و معكش مياه حمرا ...ممكن تزود مياه عادية
بس الكلام ده مش علي طول لأن المياه العادية فيها املاح و بتاكل الريدياتير و بتأثر علي الماتور
تاني حاج المياة الحمراء حتلاقيها موجودة في بنزينة موبيل ... ومتهيألي حمرا من خضرا مش حتفرق
و اهم حاجة تجيب نوع نضيف يعني انا بجيب ميا خضرا موبيل ب 45 جنيه 5 لتر
او في مياة حتلاقيها اسمها IEDA ب 35 جنيه حلوة جدا بردو
اهم حاجة متجيبش مياة خضرا اللي الجركن ب 25 جنيه اللي بيقولوا عليها سعودي لأن املاحها عالية و بتاكل الريدياتير و الماتور و ممكن تجيب وش سلندر لا قدر الله (ده كلام الميكانيكي)
ديه المعلومات اللي عندي و يا رب اكون افادتك:shyy:
و ان شاء الله الاعضاء يفيدوك اكتر...و كل سنة و انت طيب
وانت طيب جداا
معلش يا د.احمد عايز اقول رأي
الاول كل عام والجميع بخير
حدث خلاف فى المنتدى على المياة الخضراء و الحمراء
و لكن بمراجعة منصور مدير فرع الطيران و التجمع
كان سؤالى هل ممكن انزل المياة و اغير من الاحمر الى الاخضر لان الاحمر مش متوافر كثير فكان الرد ماينفعش لان الالوان ترطبت بمكونات الماتور الداخلية و كل نوع ماتور لة نسبة مختلفة من التركيز و يفرق النسب باللون
اما اذا كنت عايز تزود مياة و معكش مياة حمراء تشترى زجاجة مياة طبيعية( معدنية) و دة حل لحظى و ليس دائم ولا تعملة اكثر من مرة
و افضل الانواع كما قلت حضرتك سابقا موبيل و المعتمد من منصور Acdelco
الافضل التزويد بمياة مقطرة
السلام عليكم
بالنسبه للألوان هى كل شركه ليها لون معين يعنى كلام الأخ الفاضل
و لكن بمراجعة منصور مدير فرع الطيران و التجمع
كان سؤالى هل ممكن انزل المياة و اغير من الاحمر الى الاخضر لان الاحمر مش متوافر كثير فكان الرد ماينفعش لان الالوان ترطبت بمكونات الماتور الداخلية و كل نوع ماتور لة نسبة مختلفة من التركيز و يفرق النسب باللون
ده معناه ان فيه مياه تويوتا حمرا وخضرا وبيضا وكذلك acdelco حمرا وخضرا لكن معلوماتى المتواضعه ان كل تويوتا لونها احمر ولون acdelco احمر ولون motorcraft ودى بتاعة فورد لونها اخضر وعلى فكره دى رقم واحد واحسن نوع وكمان كتيير من ميكانيكية التكييف هنا - السعوديه - بيستخدموا الميه المقطرة من التكييف بيدعوا إنها أحسن من كل المصنع ، لكن النصيحه فعلآً إستخدم مياه معدنيه مش من الحنفيه
وشكراً على سعة صدركم
وعليكم السلام ورحمة الله وبركاته
رمضان كريم
يا سيدى الفاضل انا ماقلتش ان نوع العربية بيفرق
انا قلت الماتور
يعنى مثلا فية ماتور حديد و ماتور الامونيا ( تكنولجيا تصنيع ليست حكر على شركة معينة )
على حسب الماتور بيكون لون المياة
واذا كانت المعلومة دى فيها شك طيب اية الفرق بين الالوان و لية تحط احمر و ماتحطش اخضر و لية الشركة المنتجة للسيارات بتنزل لون المياة واحد فى الموديل فمثلا الاوبترا كلها احمر لية مش بتلون الوان مختلفة
و بتلاقى اكثر من شركة مصنعة بتحط احمر فليس اللون حكر على شركة معينة
معلومة للامنة ان اغلب المياة فى مصر مضروبة وليس ليها دعوة بالكالام الى انا ناقلة
علشان كدة لما رشحت رشحت موبيل و Acdelco ودة لاننا فى قسم شيفورلية فرشحت المياة الخاصة بالتوكيل و مياة اخرى من شركة كبيرة و معتمدة من الوكيل
بس برجاء مراجعة موضوع لون المياة مع مهندس صيانة سيارات فى توكيل سيارات لتأكيد المعلومة او نفيها
و ارجو من باقى الاعضاء بحث هذا الموضوع لانة فعلا موضوع هام
و اسف للاطالة