انا عايز حقى

**mohamedbook** · 13-08-2010 12:28 AM

بصراحة لازم تتعلم من اخطائك وتاخد خبرة الخبرة مش ببلاش كلنا حصلنا مواقف انيل من الي حصلتك يعني متزعلش اوي كده بس عشان اول تجربه ليك وياريت تكون اخدت منها خبرة عشان ميتكررش الموقف تاني يعني تعمل حسابك ان البلد ديه كل واحد فيها بيعمل الي هو عيزة بدون عمل حساب لاي قانون وخلافة
وبعدين سيبك من موضوع المحامي والكلام ده مش هيحصل حاجة وكمان المحامي هياخد منك فلوس رايح جي علي حس الموضوع
اشتكية لمن لا يغفل ولا ينام لله ولو حصل وقدرت تروقة في مره من المرات مفيش مانع بس يكون لوحدة عشان هو شكلة من النوع الغدار
روق ياباشا ولي متعرفش تعملة انهردة هتعمله بكرة ولا يهمك
وكلنا اترزعن علق ساخنة كتير وكله بيعددي

**nabaster** · 13-08-2010 12:31 AM

المشاركة الأصلية كتبت بواسطة human12

الحكومه مش هاتجيبلك حقك
شوف واحد صايع يجيبلك اتنين تلاته يربوه و ياخدوا عرقهم

صح كده

وانتا كده مش هتبقي بلطجي ولا حاجه

انتا بترد الي عمله معاك

انتا من بدري اسيب الموضوع وبعيد

لاكن البادي اظلم

تلاته اربعه بلطجيه عرقهم 100 جنيه وعلبتين سجاير

هيظبطوه هوا والي جابوه

الي من العينه دي لازم يخاف منك علشان يعملك حساب

A.Yakout

**mobitic** · 13-08-2010 12:41 AM

مش عارف أقولك ايه
الإحساس بالظلم صعب جداااااااا
بس أنت عندك حل من اتنين
الحل الأول: تحتسب حقك عند الحى الذى لا يموت وهو القادر على كل شئ . ( أنا برجح الحل ده ).
الحل الثاني : العين بالعين والسن بالسن والبادئ أظلم . وده موال لوحده ... خد عندك يا سيدى :-
- ممكن تظبط بتوع تنفيذ الأحكام قبل ما يطلعوله يعنى تفهمهم انهم لو جابوه هياخدوا عرقهم بزيادة واكتر من اللى هيدفعه لهم كمان .
- تستأجر بلطجية زى ما بعض الأخوة اقترحوا.
- محامى يكون من المحامين الرايقين ( مشيها رايقين علشان رمضان ) كل يوم محضر شكل وفى مكان جديد يظبته يعنى . وزى ما بيقولوا باب الأذى واسع .
آسف على التطويل
وربنا معاك

**AmAhmed** · 13-08-2010 12:46 AM

ربنا اللي ياخد لك حقك
المهم هو اختك و اولادها يكونوا في امان

لو عندك مشكلة مع الشرطة بلغ ادارة التفتيش بالمعلومات اللي عندك

انما لا تدخل دائرة الانتقام الا مضطر لان الانتقام و الضرر ممكن يمسك او يمس حد عزيز عندك
و ده مش المقصود بيه انك تكون جبان او ضعيف ، دافع عن نفسك من غير ما تولع الامور و في وقت الحاجة بس لان من الواضح ان العائلة بتاعتك مش بتاعت شغل الاوباش اللي ينفع مع الحقير ده

**MoHaMed HaMeD** · 13-08-2010 12:47 AM

ادعو الله وخليك حسن الظن بالله انه هينصرك ولو بعد حين

**abokoko** · 13-08-2010 12:55 AM

رغم منطقيه البادى اظلم وانك تشوف كام بلطجى ياخدوا لك حقك = لكن = انا ضد ده
لانهم ممكن يقرفوك بطلباتهم فى المستقبل او يتحولوا ضدك لحسابه او هوه يرد بشئ اكبر
وكلها سكك مش حلوه

الاحسن والافضل ونحن فى شهر كريم ان تتجه الى الله لنصرتك انت واختك
وهو نعم المولى ونعم النصير

اخيرا احب اقول لك اننا = مؤخرا = كلنا تقريبا نردد
((( حسبنا الله ونعم الوكيل )))

**NoRmAl** · 13-08-2010 12:58 AM

المشاركة الأصلية كتبت بواسطة human12

الحكومه مش هاتجيبلك حقك
شوف واحد صايع يجيبلك اتنين تلاته يربوه و ياخدوا عرقهم

المشاركة الأصلية كتبت بواسطة nabaster

:s_thum1[1]:
صح كده

وانتا كده مش هتبقي بلطجي ولا حاجه

انتا بترد الي عمله معاك

انتا من بدري اسيب الموضوع وبعيد

لاكن البادي اظلم

تلاته اربعه بلطجيه عرقهم 100 جنيه وعلبتين سجاير

هيظبطوه هوا والي جابوه

الي من العينه دي لازم يخاف منك علشان يعملك حساب

a.yakout

يعنى نعيب على الناس غلطهم ونعمل زيهم؟

**kono** · 13-08-2010 01:07 AM

بجد حسبى الله ونعم الوكيل
لو حضرتك تعرف تظبط المخربين عشان يجيبوه يبقى احسن حاجة
هى البلد كده لازم تاخد حقك ومش تسيبه بس من غير بلطجية ولا كلام فارغ من ده

ربنا يجيبلك حقك ياررب