الحمد لله .. استلمت الأوبتر اليوم

الحمد لله اليوم استلمت الأوبترا
مكان الشراء : منصور المهندسين
الموديل : مانيوال
اللون : بيج ( أكاجوو )
عداد الكيلو متر 27 ( أعتقد من المخزن بالصحراوي الي المعرض )
المعاملة : زي الفل و رفضو ياخدو اي بقشيش حتي العمال اللي بيلمعو السيارة برضو مارضيوش يخلوني اديهم اي بقشيش هما بس اتأخرو في التسليم كام يوم لكن ده بسبب تأخر الاوراق الاوراق الخاصة بالافراج الجمركي وخلافه
التسليم استغرق 15 دقيقة فقط
طبعا العربية نظيفة ومتلمعه حتي الساعة ظابطينها علي التوقيت المحلي وسلمولي الورق بتاعها وفهموني اعمل ايه علشان الترخيص
الانطباع المبدأي ممتاز ..ومازال الوقت مبكر للحكم علي الاداء خصوصا اني كنت راكب شاهين يعني اكيد الفرق شاسع وسوف اخبركم بالانطباعات بالتفصيل ان شاء الله لما اسوقها فترة كافية
علي فكرة .. انتو اول ناس ابلغهم ... بعد الاسرة طبعا

الف مبروك يا باشا و ربنا يكفيك شرها

الف الف مبروك
ربنا يخفظهالك

الف مـــــبــــروك

الف مبروك وربنا يديك خيرها ويكفيك شرها ومتنساش انك لسه فى فترة التليين فبراحة شوية وربنا يمليهالك بركة

اقتباس:

---

المشاركة الأصلية كتبت بواسطة mohamed10

الف مبروك وربنا يديك خيرها ويكفيك شرها ومتنساش انك لسه فى فترة التليين فبراحة شوية وربنا يمليهالك بركة

---

الله يبارك فيكم جميعا
علي فكرة السرعة القصوي في فترة التليين كام ؟؟

الف الف مبروك وربنا يديك خيرها ويبعد عنك شرها
والسرعة القصوى ماتزيدش عن 80 كيلو

إلف مبروك ربنا يديك خيرها ويكفيك شرها

الف مبروك

ربنا يبارك لك فيها و يحفظها لك من كل سوء

اقتباس:

---

المشاركة الأصلية كتبت بواسطة aif

الله يبارك فيكم جميعا
علي فكرة السرعة القصوي في فترة التليين كام ؟؟

---

تقريبا 16.667 :D







م\ث

الف ميروك و 37 كيلو دول من مخزن ابو رواش للمهندسين :)

الف مبروك يا استاذ احمد
ربنا يديلك خيرها ويكفيك شرها
التليين مش محكوم بسرعة قصوى قد ماهو محكوم بعدد لفات موتور ما تزيدش عنه
اللي هو 3 الالاف لفة
لانك مثلا ممكن تكون ماشي على 70 بس على الغيار التاني ةالموتور عدي ال 4 الالاف لفة في الدقيقة
اهم حاجة ما تزدش عن 3 الالاف
وما تنساش صدقتها

الف مبروووووووووووووك يا باشا و كزيادة اظمأنان بلاش تعدى ال 90

الف مبروك و ربنا يديك خيرها و يكفيك شرها

اقتباس:

---

المشاركة الأصلية كتبت بواسطة ams

تقريبا 16.667 :D







م\ث

---

انا حضرت روح اينشتاين وسألته طلعت 60 كم / ساعة ... صح ؟ :)
الله يبارك فيكم جميعا

الف مبروك يا باشا
و ربنا يباركلك فيها :)

الف مروك يا باشا وربنا يديك خيرا يبعد عنك شرها وعقبال ام نجمه

الف مروك يا باشا وربنا يديك خيرا يبعد عنك شرها

قريبي جابها بس تقريبا في منها مواصفات خليجي؟ فيها اوبشنز حلو

الف مبرووووووووووووك

الف مبروك ياباشا وربنا يباركلك فيها ويكفيك شرها
وبالراحة عليها
وياريت صدقتها زى ما أخونا قال من قبلى علشان تضيع العين

ألف مبروك و ربنا يديك خيرها و يكفيك شرها
بس ياريت تقولنا سعرها كاش كام و فترة الحجز أد إيه بالظبط؟
وإيه المطلوب عند الحجز؟

اقتباس:

---

المشاركة الأصلية كتبت بواسطة m_aash

ألف مبروك و ربنا يديك خيرها و يكفيك شرها
بس ياريت تقولنا سعرها كاش كام و فترة الحجز أد إيه بالظبط؟
وإيه المطلوب عند الحجز؟

---

والله يا باشا انا حالتي كان فيها معرفه ..
واحد ربنا سخرهولي في التوكيل وعمل معايا واجب..
السعر الاساسي في التوكيل 87000 مانيوال والاستلام المفروض بعد حوالي من 3 اسابيع الي شهر
اما في المعارض تسليم فوري ( بعد يومين او 3 ايام ) بسعر 88500 وانت وشطارتك ممكن تنزل الي 88000 او 87750
الراجل جابهالي من التوكيل ب 86000 واستلمت بعد اقل من اسبوع .. لكن ده طبعا استثناء علشان جاب تأشيره من مدير المبيعات و شويه توصيات كدة في التوكيل .. والحمد لله ربنا سهلها
علي فكرة انا سامع في التوكيل انهم ح يغلوها بس مش عروف كام بالظبط

الف مبروك وربنا يديك خيرها ويكفيك شرها

أولا شكرا للرد السريع
أنا فعلا سمعت إن سعرها وصل 90000 دلوقتى بس أنا مش متأكد
معلش ليا سؤالين كمان
ثانيا الكماليات اللى فى العربية إيه بالظبط و خصوصا فوانيس الشبورة هل موجودة و للا لأ؟
ثانيا المانوال متوافر فعلا ؟ , لأن زميل ليا فى الشغل إشترى من شهر و نص و ما كانش متوافر غير الأوتوماتيك بس
آسف للإطالة

اقتباس:

---

المشاركة الأصلية كتبت بواسطة m_aash

أولا شكرا للرد السريع
أنا فعلا سمعت إن سعرها وصل 90000 دلوقتى بس أنا مش متأكد
معلش ليا سؤالين كمان
ثانيا الكماليات اللى فى العربية إيه بالظبط و خصوصا فوانيس الشبورة هل موجودة و للا لأ؟
ثانيا المانوال متوافر فعلا ؟ , لأن زميل ليا فى الشغل إشترى من شهر و نص و ما كانش متوافر غير الأوتوماتيك بس
آسف للإطالة

---

المانيوال متوفر وكذلك الاتوماتك ومدة الحجز هما بيقولو خلال 3 اشهر لكن الواقع مش بتزيد عن شهر ونص في اسوأ الحالات
الكماليات هي :
تكييف
باور
زجاج كهرباء ( امامي وخلفي )
راديو وكاسيت و4 سماعات
مرايات كهرباء
فتح الشنطة والبنزين من الداخل
سنتر لوك
ريموت وانذار
فتح الشنطة من الريموت
الكنبة الخلفية ممكن طيها لتوسيع الشنطة علي درجتتين ( تلت وتلتين )
التابلوه الامامي به وصلة تكييف لتبريد التابلوة في حالة وجود بعض الاشياء المبرده
ايريال الراديو مدمج في الزجاج الخلفي واستقباله رائع
يتم الغاء الانذار تلقائيا عند فتح السيارة بالمفتاح الاصلي العادي
التحكم بشدة اضاءة التابلوه
مساند راس واحزمة امان للمقاعد الخلفية
يوجد جراب نظارة اعلي باب السائق
انوار الشبورة الامامية في الاتوماتيك فقط
الدركسيون قابل للحركة ( عالي وواطي )
كرسي السائق له تحكم متعدد في وضع القاعدة عن طريق بكرتين ( غير حركة الكرسي والظهر المعتادة )
التشطيب الكوري شيك جدا.... بصراحة التتشطيب المصري ولو انه مش سيء لكن به بعض الملاحظات وانتو عارفين بقه الايد العاملة المصرية
عزل الصوت ممتاز
المطبات والعفشة ممتازة
ارتفاع السيارة عن الارض ممتاز
واخيرا : ارجو ملاحظة انني كنت راكب شاهين قبلها يعني برضة انا لسة مبهور من فرق المستوي ولما اسوقها فتره كافية سوف اخبركم عن ملاحظاتي الخاصة بالموتور والثبات وخلافه
لو حد عنده اي استفسار انا تحت امركم
وشكرا لجميع الزملاء لتهنئتكم الرقيقة

مرة أخرى ربنا يباركلك فيها و يكفيك شرها