السلام عليكم ورحمة الله وبركاته :shine[1]:
الموضوع ان فى شويه حاجات مضايقنى فى العربيه اليومين دول
حقولهم بالتفصيل وياريت اللى يقدر يفيدنى يتفضل ويقول اعمل ايه
ولو فى حد من طنطا ياريت يقولى افضل مراكز صيانه وكهرباء وسمكرى فى كفرالزيات
المشاكل كلاتى:
1-العربيه صوتها على فجأه وسحبها ضعف حاجه بسيطه كده ولما بعمل مشوار كبير بلاقى سخونيه تحت فرامل اليد وده تقريبا بعد مطب غبى قوى العربيه حكت فيه من تحت بس مش بعدها على طول روحت لميكانيكى جرب العربيه وكشفت سكانر وكله شغال تمام مفيش مشاكل وغيرت زيت وفلتر ونضفت كل الفلاتر وقاللى العربيه مفيهاش حاجه بس ده مشكله شكمان مش عارف هل ده فى علبة البيئه ولا ايه
2-تانى حاجه واحد محترم بموتوسيكل وانا طالع تقاطع براحه خالص وقلبت نور وكلاكس خبطلى العربيه بس الحمد لله جات فى الاكصدام الحمد لله تجريحه بسيطه كده ومحصلش حاجه بس للاسف فوانيس الشبوره الاتنين مش بيشتغلو بعد الموضوع ده مباشره الخبطه كانت ناحيه فانوس الشبوره اليمين مع العلم انى لما بشغلهم نور الشبوره اللى فى الطبلوه بيشتغل عادى ممكن اعرف المشكله تبقى فى ايه
3-وهى الاشاره اللى قدام يمين بتشتغل بمزاجها ساعات تبقى تمام وساعات تفصل هل ده عيب لمبه ولا ايه بالضبط
4-وهو الزجاج الكهرباء ووحدات الرفع بحس ان الزجاج تقيل قوى فى القفل وشويه فى الفتح ووحدات الرفع بتعلق خصوصا لما يبقى كل الزجاج مفتوح بلاقى مش كله بيقفل هل المكن الكهرباء محتاج يتشحم مثلا او يتعمل فيه صيانه ولا حاجه وفى زرار برضه بتاع زجاج بيعلق فى الفتح بس
معلش ياجماعه طولت عليكم بس اصلى عاوز اعمل الحاجات دى بكره فعاوز اكون عارف انا رايح اعمل ايه ومحدش يشتغلنى وشكرا مقدما لكل اللى حيشوف موضوعى ويرد عليا:36_3_10[1]: