محدش ياخد السيراتو بتاعتى ويدينى بدلها مروحه ...!!

**Deshahcoka** · 13-08-2010 06:38 AM

انا بصراحو بقيت مضايق من العربية و ينطبق عليا شعور خدها و اديني مروحة !

تصدق اني وصلت معايا لدرجة اني ابيعها و اخلص منها؟ بس مستحرم الفلوس الي دفعتها و عاوز اركب بيهم علشان مخبيش عليكم !

هيا مش وحشة بس ايه الحجات الرخمة الي بتقابلني ديه ! حاجة رخمة !

**msafa** · 13-08-2010 06:44 AM

انا فعلا قريت مواضيع كتيرة كلها ضد السيراتو بشكل عجيب
انا منكرش ان في شوية مواصفات (بالنسبة لية) مش مناسبة بس ده مينكرش انها عربية

ممتاااااااااااااااااااااا اااااااااازة

ربنا يباركلكم فيها ملاك السيراتو - وكل سنة وانت طيبين

**nouranwar** · 13-08-2010 07:43 AM

المشاركة الأصلية كتبت بواسطة Ahmed Samy

أنت وقعت قلبي

روح يا شيخ ههههههههههه

افتكرت التالت طلعلك تاني

ههههههههههههههههه
موضوع جامد جدا و يشد بجد

و الجميل برضه التعليق الجميل ده

**الغزالى** · 13-08-2010 08:35 AM

المشاركة الأصلية كتبت بواسطة A.Saad

مالها البيكانتو ؟؟؟؟؟

بتعض وساعات بتنط وهي ماشية وكمان الدارع بتاع المنفلة بيعلق وانت بترفع الازاز

uubaby2000
انا مش قصدى بالكلام دة عليكى بس على الناس الى لسانها مسحوب منها وكل عربية غير عربيتة فيهاا عبر الدنيا والاخره
---------
وعشان مبقاش كداب برضو انا مش حابب السيراتو عشان حاجة انا شوفتها بعينى كان على الدائرى والراجل كان ماشى عادى ولقيت مره واحدة النص الورانى كله لقيتة بيعوم
---------

**vampero** · 13-08-2010 10:55 AM

فكرتنى بفيلم النوم فى العسل "تاخد نفس عميق وتقول انا كويس انا بمب انا زى الحديد" هههههههههههههه

ايه يا عم المواضيع الجامده دى .

**Khaled_Nowaihy** · 13-08-2010 11:15 AM

المشاركة الأصلية كتبت بواسطة abouleila

وهو انا كنت شارى العربية علشان استمتع بيها ولا اعيش فى رعب ....؟
كل يوم سؤال بساله لنفسى كتير وارجع اقول للدرجه دى انا وصلت لكده للدرجه دى بقيت بفكر كده ...... كله ضرب ضرب مافيش شتيمة

لدرجه انى ابتديت اقول لنفسى محدش ياخد السيراتو بتاعتى ويدينى بدلها مروحه .

ده اسمه الايحاء النفسى انت عربيتك تمام وزى الفل ومتخليش حد يعكر عليك متعتك مع العربية وسيب كل حاجه على الله وتاكد تماما ان ربنا مش بيعمل حاجه وحشه فى حد .

ورمضان كريم

الله أكرم ... كل سنة وانت طيب يا أبو ليلى ....

خلاص انت اشتريت العربية والأحاسيس والوساوس اللى بتقول عليها كلنا بنحس بيها ... تصدق بالله ؟ انا امبارح حكيت فى مطب عالى وانا خارج بالكارينز ,,, طنشت وكبرت دماغى وقلت سليمة ان شاء الله ....

وانا ماشى فى الطريق سيطر على هاجس ان العربية صوتها على فجأة ... برضه كبرت دماغى ....

صحيت النهارده الصبح على حلم انى كنت (خير اللهم اجعله خير) رافع العربية عند بتاع الشكمان وبيقول لى الشكمان مخروم وعاوز لحام !!!!
وانا ازعق له واقول له لألألألأ سيبه اوعى تلحمه انا حروح التوكيل ... لو شافوا اللحام بتاعك الضمان حايضيع على
الراجل ما سمعش الكلام وضرب بنطة اللحام فى الشكمان وانا عمال ازععععععععععق له
وطبعاً صحيت مفزوع !!!!!!

**night_phoenix** · 13-08-2010 01:46 PM

ابو ليلي اعمل فيك ايه انا دلوقتي
انا اتخضيت خضه عمري
ماشي يا ابو ليلي لمل ارجع بس من الصلاه

**warDaya** · 13-08-2010 02:13 PM

والله عندك حق جدا
انا اصلا لسه ماشتريتش العربيه وعماله اتخيل اني اول ماجيبها واحط رجلي فيها...اسمع صوت تزييقه صغيره..واقول مش مشكله..اجي احط الرجل التانيه...تقوم العربيه كلها مفكوكه وواقعه!!!
الناس عندها تضارب كلام ماشوفتش بجد كده

يعني انا اشوف..الاقي الناس موهومه بحاجه اسمها إلانترا..كله كله بيحلف بيها..العربيه المثاليه فعلا!!.. اجي اسأل حد واثقه ف رأيه جدااااااااااااااااااااااا ااا يقولي لا طلع فيها عيوب كذا وكذا ومش مستاهله...اصدق كلامه ..وف عربيات تانيه مالاقيش حد اسأله ف بضطر اني اقرا كلام الناس..يجيلي حول في المخ على طول...

المشاركة الأصلية كتبت بواسطة uubaby2000

تمام والله احلى كلام بجد سمعته انا كان نفسى اجيب بروتون ساجا وفضلت ورا كلام الناس لحد ماركرهت العربية وحتى البيكانتو سمعت عنها كاام كرهنى فيها والاى تن واللوجان وخلاص مش لاقية حاجة اشتريها ومش طايقة العربيات من اللى سمعته

انا زيك بالظبط مع اختلاف انواع العربيات-معادا البيكانتو- البيكانتوا ماحدش اختلف عليها يابنتي...في شوية ناس مش معترفه بيها لمجرد ان الموتور 1100 سي سي وانها صغيره على تمنها غير كده الاعتراض مش مبني على عيوب بقى ومشاكل ...ودي حاجه تخليكي متطمنه انها على الاقل مش هاتقابلك مشاكل وحشه

عن نفسي استقريت على البيكانتو وتوكلت على الله...وربنا بقى يرزقنا الخير جميعا

الموضوع: محدش ياخد السيراتو بتاعتى ويدينى بدلها مروحه ...!!

LinkBack

أدوات الموضوع

عرض

-

-

-

-

-

المواضيع المتشابهه

محدش ياخد الفلوينس ويدينا مكانها مروحه

لا حول ولا قوه الا بالله محدش ياخد اسكندريه الزراعي اتجاه القاهره ياجدعان

تحذير محدش ياخد اسكندريه الصحراوى

عادى خالص - محدش يعرف مروحه التلاجه بكام

رشاشات الأوبل ينفع بدلها بى ام 40 و لا الدكاترة الصنايعية كل عربية لها حاجتها يا باشا

الكلمات الدلالية لهذا الموضوع

المفضلات

المفضلات

ضوابط المشاركة