الموضوع: عاوز معلومات عن تجارة خطوط و كروت الشحن

المشاركة الأصلية كتبت بواسطة mazagngi2010

انا عارف ان ردى صادم
متتخيلوش مدى شماتى وفرحتى فيكم وفى كل بياعين الخطوط والكروت -لو انتوا من النوع ده فشماتتى زادت ولو من النوع المحترم فربنا يعوض عليكم -علشان تعرفوا ان الايام بتلف ويوم ليك ويوم عليك المهم لو تفتكروا اللى كنتوا بتعملوه فى الناس زمان والتناكه اللى كنتم بتقابلوا بيها الزبون وتخزين الكروت واللعب فى الاسعار والجشع اللامحدود
ياسلااااااااااااااااااام انا فرحان جدا وحتى لو كل ده طبل على دماغى بعد كده فمش فارق معايا المهم انى شفت معاناة اللى شغالين فى المجال ده علشان انا شايل منهم شيل ميتوصفش

تناكه ايه يا باشا بقولك كنا بنبيع الخط ب 3 جنيه يعنى العيال الصغيره بقت تشترى خطوط

يعنى عمالين نحرق فى شغل ونعمل اى حاجه عشان نجيب الزبون يشترى يبقى ازاى حنتنك عليه
الى كانو بيتنكو عليك دول الناس الى عكسنا الى كانو ياخدو الخط ويبيعوه زى مهو ب 25 جنيه وتقوله طب مالمحل الفلانى بيبيعه ب 3 جنيه يقولك عاجبك عاجبك مش عاجبك روح اشترى منه وده كان بيحصل
لدرجه ان فيه محلات كانت عاوزه تقفل محلاتنا بأى طريقه

ولو حضرتك منفسن اوى كده من حد روح اشمت فيه دلوقتى براحتك بلاش صفه الجمع ولو انا غلطان فى حاجه من كلامى قول

وموضوع التجار الى بيخزنو الكروت دى الاكسات الى احنا بنتكلم عليهم ودول السوق كله فى كرشهم هما الى بيفتحو الحنفيه ويقفلوها

المشاركة الأصلية كتبت بواسطة maka

هههههههههههه

الله يكون في عونكم ده انتم بتاسوا يا جدعان

و الموضوع و ما فيه ان انا كان عندي ساعتين ٣ فاضيين يوميا فقولت بدل ما بقضيهم علي القهوة او النت استفيد بيهم في تجارة او مشروع خفيف خفيف

انا بصراحه كنت ناوي استغلال الموضوع ، بس قررت اسيبه ليكم تفضفضوا و تفكروا مع بعض بصوت عالي

و كل سنة و انتم طيبين

و رمضان كريم علي الجميع

هههههههههههه احنا بصراحه عاملين زى البالونه الى مستنيه شكه دبوس انت مشفتش حاجه اصله

حاسس انك اتعقدت من كلامنا ههههههههه بس لازم تعرف الى بيحصل

المشاركة الأصلية كتبت بواسطة hossam_elwani

على فكرة انا شغال فى نفس المجال


يا جماعة الى عايز يشتغل فى المجال ده لازم ينوع شغله كوكتيل يعنى ما يعتمدش على حاجه معينه يعنى يشتغل فى الكروت والخطوط واكسسوار المحمول الاصلى والعادى والاتصال والسوفت وير والهارد وير والاجهزة المستعملة والاجهزة الجديدة بمختلف انواعا والا مصيره الفشل الفادح

انت عارف ده عاوز سيوله اد ايه ده غير لو اشتغلت فى كل ده بند الصيانه لوحده ده محتاج ناس محترفه او على الاقل خبره و متفرغه للصيانه فقط

المشاركة الأصلية كتبت بواسطة ahmed-moga

ههههههههه فكرتني ياميزو بالذي مضي وكلمه كنت بقولها للأستاذ ايمن نعمة الله بتاع موبنيل ولوووووووووو اعملوا اللي انتوا عايزينه وباردوا هنلاقي حل هههههههههههه

لدرجه والله العظيم كل مايعملوا حاجه علشان يقفلوها علينا يعدي عليه ويقولي هتحلوها ازاي اقوله هنعمل كده يعني لما خلوا التحويل خمسه جنيه ولازم رصيدك مايقلش عن1.5في الخط وبالتالي مفيش تحويل 3.5 كنا بنعمل ايه كنا بنحول للخط 5 جنيه تاني فيبقي الرصيد 9.80جنيه نروح محولين 8 جنيه من الخط يبقي كده احنا اخدنا 3 جنيه وال1.80 جنيه الباقيه نستخدمها مكالمات علشان تخلص بسرعه ههههههههههه
والخط يتباع فاضي وبنقل العميل طبعا ان الخط فاضي ب5 جنيه وطبعا الزبون كان مابيصدق لحد ماقفلوها علينا بالضبه والمفتاح والخط بقي عليه نص او جنيه بس وبيتباع بجنيه او 2 بسبب الأكسات وبيدفعوا في غرامات هما والوكلاء اللي بينزلولهم الخطوط ومفيش فايده مابيحرموش مصنفات فنيه وباردوا مفيش فايده وبصراحه الشركات هي اللي بتشجعهم علي كده علشان المنافسه بين الشركات وبعضها المنافسه دية اثرت علي الشركات نفسها وبدأوا يعمل المكالمات ببلاش زي ماتتصل ببلاش من اتصالات لأتصالات او موبينيل بموبينل او فودافون بفودافون وده علشان مبيدفعوش رسوم للشركه المصريه للأتصالات او للشركه المستقبله للمكالمه
وموضوع توضيب المحلات للأكس لسه موجود فعلا لحد دلوقتي وده بيبقي زي هدية الأفتتاح من الشركه للأكس او السوبر ديلر وكده كده هي من فلوسه ودفعهم وهيدفعهم
عاجلا ام آجلا ههههههههههه وخطوط الديمو اعرف صديق ليه بيجيله كل شهر خط ديمو 32 ساعه مجانا علشان النور والأيجار وغيره وهو بيتصرف فيهم بمعرفته.
انا بقالي 6 شهوروالله ياميزو بدورعلي مشروع تاني وكل مشروع لازم ادرسه صح فالاقي مش هيجازي معايا وينطوي علي احتكاك مباشر مع خفافيش الحكومه وبصراحه مبحبش احتك بيهم خالص ربنا ييسر ان شاء الله في الخطوه الجايه

والله انا كمان كل لما افكر فى مشروع تانى الاقى فيه عفريت طالع ومشكله تكفى انك تبعد عنه

للاسف هى دى مصر تحيا مصر

المشاركة الأصلية كتبت بواسطة hossam_elwani

انا شغال فى كل ده ولوحدى معيش حد

ربنا يقويك

المشاركة الأصلية كتبت بواسطة misoalex

هههههههههههه احنا بصراحه عاملين زى البالونه الى مستنيه شكه دبوس انت مشفتش حاجه اصله

حاسس انك اتعقدت من كلامنا ههههههههه بس لازم تعرف الى بيحصل

ههههههههههه

كان الله في عونكم

وبصراحة اتعقدت ده انتم بتفكروا تغيروا المجال و مش عارفيين ، طاب انا اعمل ايه و انا مليش في كل ده وناوي ارشق فمجال جديد عليا

و كل سنة و انت طيب