الموضوع: ذكريات الطفولة

لا يا باشا كمل انت الاول وقول عملت ايه لما نزلت من القطر






انا فاكر حادثه من الحوادث الى كنت بعملها دائماااااااا بس فاكرها بمناسبه رمضان

كان فيه الفانوس بتاع زمان الى بلمبه صغيره و2 حجر ده اكيد فاكرينه

المهم انا كنت دايما بتغااااااااظ من ان الحجاره مش بتعيش اكتر من كام ساعه وتفضى فكرت فى حل

خلعت اللمبه وكان عندنا مكوه لحام قمت لاحم فيها سلكه من تحت كان فيها حته معموله بالقصدير لحمتها فيها ولفيت حوليها سلكه تانيه على الطرف السالب
وكان مفيش حد فى البيت غيرى وحطيت السلكتين فى البريزه بتاعه الكهربا ووووووووو

بووووم فرقعه كبيره والكهربا قطعت فى الشقه والعماره كلها (طبعا كان زمان مفيش المفاتيح الاوتوماتيك زى دلوقتى ) وانا الحمد لله سليم بس الخضه الى ختها اييييييييه لوز

طبعا عملت عم الغلبان وطلعت سألت الشقه الى جنبنا هو النور قطع قالو اه دلوقتى يجى ( اطمنت محدش عرف الحمد لله )

ودخلت نمت زى الملاك ولا اكن فيه حاجه حصلت وصحونى على الفطار لما رجعو من بره لاقيت النور منور والتلفزيون شغال
سألتهم عن موضوع النور قطع لوحده قالو اه ده كان فيه قفله وصلحوها ههههههههههههههههه

وكل سنه ورمضان كريم (بس لو كانت التجربه دى نجحت كان زمان الواحد دخل موسوعه جيمس والحياه اتغيرت والعيال بطلت تشترى حجاره للفانوس)

المشاركة الأصلية كتبت بواسطة misoalex

انا فاكر حادثه من الحوادث الى كنت بعملها دائماااااااا بس فاكرها بمناسبه رمضان

كان فيه الفانوس بتاع زمان الى بلمبه صغيره و2 حجر ده اكيد فاكرينه

المهم انا كنت دايما بتغااااااااظ من ان الحجاره مش بتعيش اكتر من كام ساعه وتفضى فكرت فى حل

خلعت اللمبه وكان عندنا مكوه لحام قمت لاحم فيها سلكه من تحت كان فيها حته معموله بالقصدير لحمتها فيها ولفيت حوليها سلكه تانيه على الطرف السالب
وكان مفيش حد فى البيت غيرى وحطيت السلكتين فى البريزه بتاعه الكهربا ووووووووو

بووووم فرقعه كبيره والكهربا قطعت فى الشقه والعماره كلها (طبعا كان زمان مفيش المفاتيح الاوتوماتيك زى دلوقتى ) وانا الحمد لله سليم بس الخضه الى ختها اييييييييه لوز

طبعا عملت عم الغلبان وطلعت سألت الشقه الى جنبنا هو النور قطع قالو اه دلوقتى يجى ( اطمنت محدش عرف الحمد لله )

ودخلت نمت زى الملاك ولا اكن فيه حاجه حصلت وصحونى على الفطار لما رجعو من بره لاقيت النور منور والتلفزيون شغال
سألتهم عن موضوع النور قطع لوحده قالو اه ده كان فيه قفله وصلحوها ههههههههههههههههه :ob_mak1[1]:

وكل سنه ورمضان كريم (بس لو كانت التجربه دى نجحت كان زمان الواحد دخل موسوعه جيمس والحياه اتغيرت والعيال بطلت تشترى حجاره للفانوس)

يانها أبيض :)
انا عملت زيها بس بصورة تانية
عندي ساعتها تقريبا 5 أو 6 سنين
كانت العربية اللي بريموت
سألت بابا مينفعش أوصل العربية بالكهربا علي طول ؟
قالي لأ ومشي ... كان مشغول
فطبعا الأفكار عمالة تدور في دماغي وأزاي أخلي الحجر يطول
قلت لما الريموت بيبقي واصل بالعربية والحجر فيه شحن فبيخرج الكهربا في الموتور
طاب انا عايز لما الحجر يفضي أحطله كهربا
قمت ماسك الكاوية ( بابا مهندس أتصالات ) وهوب فتحت العربية بالمفكات وفصلت سلك الريموت عن الموتور
ومسكت الطرفين بتوع السلك وفي الكوبس بتاع الكهربا وعينك ماتشوف الا النور
فرقعة كبييييييييييييييييييرة
وهباب حوالين الكوبس
والنور قطع :)
بابا لما جه يقول في ايه
قولتله بس قلتله انك مرضيتش تفهمني :)
كنت برئ :)
وفي مصايب تانية بس شوية كدة عشان الأمن العام :)

اية يا عم انت من اولها كدة بتراقبنا انت من المخابرات ولا اية :_alshmokh08[1]:

ههههههههه لا بس انا قريت المشاركه بتاعتك فى الموضوع بتاع فلذات الاكباد وطلعت من الموضوع لاقيتك عامل فى الاجتماعى موضوع ده طازه
وانا عاوز اعرف ايه الى حصلكم فى المحطه ههههههههههه

المشاركة الأصلية كتبت بواسطة shadymelad

اية يا عم انت من اولها كدة بتراقبنا انت من المخابرات ولا اية

بص يا عم حادثة القطر دة
كنا فى اسيوط انا واخويا واختى والوالدة ووالدى ماكنش معانا
وجينا مرحين
طبعا انا واخويا اصلا مافيش قطر بيعدى على بنى سويف او اسيوط الا ولينا حادثه فيه
فضلنا نلعب ونجرى فى القطر كله وامى مش عارفه تلمنا زى كل مرة
وكنا بقى صغيرين فى اولى ابتدائى او تانية مش فاكر اوى
وبصينا لقينا كام راجل كدا بينطه والقطر ماشى
قلنا هوبا احنا نعمل زيهم
جينا فى محطة ملوى محطة الحبايب نزلنا فى المحطة وفضلنا مستنين وهبا القطر اتحرك نعمل اية نعمل اية خوفنا ننط رحنا وقفنا مكنا
القطر مشى ووالدتى واختى فى القطر ما يعرفوش اننا نزلنا والقطر مشى بقى والحياة بقت كلها مهلبيه
رحت انا معيط كدا وكدا عشان ناس تجيلنا وتقولنا فى اية
الناس اتلمت وروحنا لناظر المحطة وقعنا عنده شوية لحد ما جه قطر وركبنا فيه
بس ركبنا كل انواع القطارات من ملوى لبنى سويف من بضائع للمميز ومش اقولك على المرمطة الى اتمرمطناها
وقطر البضائع كنا راكبين فى عربية السواق وانا الى ضربت الفرامل
ومش فاكر فى محطة اية بالظبط كدا الراجل نزلنا على اساس ناخد القطر الى بعده وكان عايز يسبنا يالهوى على الى عملته فضلت اعيط
ومش فاكر برضة فين قعدنا فى كشك تحويلات السكة الحديد تقريبا اليوم دة عملنا كل حاجة فى السكة الحديد
فضلت المغامرة وركبنا اخر قطر
وقعدنا انا واخويا وكل شوية يجى الكمسرى يطمن علينا
الى مجننى فى الموضوع كله لحد دلوقتى ولله ان اخويا فادى بكل براءه الاطفال نام وانا فضلت مش عارف انام من القلق
والمضحك فى الموضوع كله ان الراجل ساعتها جابلنا ساندوتشات بس انا ماكنتش جعان فقلتله عايز حاجة ساقعه يا عمو
قالى منين يا حبيبى مش معايا فلوسه
قلتله وكل الفلوس الى فى ايدك دى اية احنا هنكدب هاتلى حاجة ساقعه ( كان قصدى على الغرامات الى لمها من الناس طفل بقى يا جدعان )
الراجل ضحك وقالى دى فلوس الحكومة
المهم بقى نيجى للحظة الحاسمة فى الموضوع كله
بنى سويف كانت كلها فى محطة القطر عايزة تشوف الاتنين الى تاهه فى القطر ولله كان استقبال شعبى رهيب
انا واخويا بقى كنا خايفين اوى اوى اوى اوى من ابويا مع انه ماكنش من الموضوع الى بيضربنا كل ما نعمل حاجة بس كنا خايفين منه
ونيجى بقى للعيلة
العيلة عملت خطة للعثور علينا فى اسرع واقرب وقت كل واحد يقف قدام عربية قطر يشوف الى نازل
عمى بقى ابن اللئيمه اول ما شافنا طلع جرى علينا وعيط واخدنا فى حضنة وانا واخويا قمة فى البرود ولا كاننا عملنا حاجة
واول ما ابويا شافنا رزعنا حته قلم بوابين لن انساها مهما فضلت عايش
اليوم دة ابويا اول ما ضربنا مسى وسابنا وروح البيت وانا واخويا روحنا بيتنا عند عمى التانى وعمتى والمحطة القطر بقى كلها متجمعه حولينا ولله العظيم يا جدعان تجمع شعبى بسببى انا واخويا لو قلتلك اكتر من 500 مثلا فى محطة بنى سويف الى تشيل بالعافيه 200 او 300
واهى مغامرة من المغامرات واى خدمة يا رجالة

ههههههههههههههههههههههههه ههههههه بصراحه مغامره جاااااااااامده انا عمرى معملت كده
بس حصلى مغامرات وانا كبير شبهه دى هههههههههه

بس انتم شكلكم كنتم تيم جامد مع بعض فى المشاكل والحوادث ههههههههههه

انا فيع موقف جامد حصلي وانا عندي 12 سنه ... اخويا كان مسافر العين السخنه مع اصحابه طبعا شبطت وعملت عمايل لحد مروحت معاه وكان فرق السن كبير بيني وبينهم المهم وصلنا للشاطئ وابتدينا نستعد ننزل المايه بس الشاطئ كان مفتوح فقالوا مين يحرس الهدوم فطبعا اختروني انا وزعلت جدا وقعدت اشتم في اخويا واقوله لاما نرو هقول لأمي هههههههه المهم كان فيه واحد صاحب اخويا عبقرينو قام قايل مع نفسه بدل ما الاكل يبوظ احطه في المايه على الشط وفعلا بعد الشط بحولي 3 خطوات حط الحله في المايه وعليهه طوبه كبيره وانا الوحيد اللي كنت شايفه المهم انا طبعا عيل ولقيت شويت عيال بيلعبوا قمت رايح لعبت معاهم بعد ساعه لقيت اخويا واصحابه بيدوروا عليه انتا فين من زمان وهدومنا فين كررررررررركرررر هههههههه اتاري الهدوم اتسرقت بالمحافظ والفلوس وواحد منهم قالي والاكل فين كرررركررررههه أتاري الموجه سحبته بس الواد اللي حاطه اتبلا عليه وقالهم ده اكيد كله بيني وبينكم لقيت الشر في عنيهم قمت قايل يا فكيك وجريت جري الوحوش خدت تاكسي ومنه للمحطه للبيت بعديهه بـست ساعات تقريبا الباب خبط لقيت اخويا واقف قدامي بالمايوه كرررركررر جيه من هناك للبيت من غير هدوم وحافي وفي عربيه نقل ههههههههههه

المشاركة الأصلية كتبت بواسطة cyborg_ift

بعديهه بـست ساعات تقريبا الباب خبط لقيت اخويا واقف قدامي بالمايوه كرررركررر جيه من هناك للبيت من غير هدوم وحافي وفي عربيه نقل ههههههههههه

ههههههههههههههههههههههههه ههههههههههههههههههههههههه هههههههه بجد مش متخيل المنظررر