ساعدوني في اختيار سيارة مستعملة في حدود 50 الف
السلام عليكم جميع الاعضاء المحترمين
معلش ...استحملوني ..ممكن يكون طلبي اتكرر مليون مرة قبل كده ...بس انا معتمد على ارائكم الخبيرة بعد ربنا سبحانه و تعالى
انا عايز اشتري عربية مستعملة في حدود تبدأ ب 45 الف الى 50 و ممكن في اقصى اقصى الحدود 55 الف ...لكن افضل انها لا تزيد عن 50 عشان اعرف اعمل اي حاجة ممكن تظهر في العربية بعد الشراء
انا هقول لكم احتياجاتي و انتو احكمو
1- ساكن في اكتوبر و شغلى في مدينة نصر يعني 100 كم في اليوم ده غير الماشوير العائلية ..يعني عايزها موفرة في البنزين اهم حاجة عندي اعتقد ان موتور 1300 هو الاختيار الامثل
2- متزوج و مشاوري العائلية كتيرة يعني عايزها واسعة من جوه ورا و قدام خاصة اني تخين شوية :)
3- قطع غيار معفولة لأني هعل صيانة و اغير كتير نظرا لماشوري الكتيرة و ضغطي الجامد على العربية
4 انا راكب دلوقتي شاهين يعني واخد على المتانة فا مش عايز حاجة بلاستيك
5- كتير بضطر امشي في شوارع مش ممهدة كويس ...الشاهين وحش جامد في الظروف دي
انا وجدت السيارات دي و ممكن ترشحو غيرها
بيجو 405 - لانسر كريستالة - نوبيرا مانيوال - رينو ميجان1 - كيا سيفيا
اخيرا اسف لطول كلامي ...وشاكر لكم وقتكم ...