الكاوتش اتقطع منى من الرفرف :(

الموضوع بما فية انى مجنط ومعرض الكاوتش 16 45 205 ..ولقيت الكاوتش بيحك فى الشفة ورا ونحتلى شوية من الكوتش حلوين فقلت اتنيها وعلى كدة المشكلة اتحلت ..ولكن للاسف اكتشفت انها مع الاوزان التقيلة لسة بتحك برضك ممكن يكون السسب انى كنت واخد تكحيتة فى الرفرف دة وداخل لجوة شوية بس الواقع انها لسة بتحك .....وانا تعبت نفسيا خصوصا انى لسة بشد العربية ودلوقتى فى المراحل الاخيرة والكاوتش جديد كمان:majd(4): ..

فمحتار من انى افك الرفرف وانفخ فية وسمكرة والعربية لسة فبريقة ... وفى ناس قالتلى على حاجة اسمها صدادة على السوست بتمنع العربية تنزل منى وتحك !!!!!؟؟

فعلا الكلام دة حقيقى وهينفع يكون الحل النهائى ليها !!!؟:36_1_31:واىة هيا الفكرة بتاعتها ومنين اجيبها واسعارها ....يا ريت يا جماعة اي حد يعرف حاجة عن موضوع الصدادات دة يساعدنى ....

كاوتش 16 كبير اوى على لانوس يا باشا

غير الي 15

اقتباس:

---

المشاركة الأصلية كتبت بواسطة احمد المصرى

كاوتش 16 كبير اوى على لانوس يا باشا

---

غير الي 15

يا باشا انا مغير العفشة ب 14 فالعفشة شايلة حلو معايا مفهاش مشاكل الحمدلله:36_1_1[1]: ....بس الفكرة ورا مدايقنى بشكل كبير التكحيتة مش اكتر

مما عملنا مش هنعمل حاجة احسن من الفابريقة

هو المقاس 16 ولا 14

عموما الكاوتش كبير جدا سواء جنط او حتى العرض و للاسف هيفضل يحك ولو عملت الصدادات (انا مش عارف في كده ولا لأ) هتحس احساس اسوأ من ال 128 والادا لأن العفشة هتكون ناشفة اوي خصوصا انها نشفت كده كده مع الجنط ال 16

الجنط 16 اوفر شويتين على اللنوس
بالكتير اوي 15 فل عليها

يا جماعة انا مغير عفشة ومعنديش اى ادنى مشكلة الحمدلله ...وانا ركبت ال16 خلاص وصعب انى افكر اركب 15 او اشيل الى عندى ....انا كنت عايز اعرف يعنى اية الصدادات وبتعمل اية علشان لو كدة اجيبها بدل ما انفخ فى الصاج

ومشكورين يا رجالة على مروركم :)

بلاش الصدادات

هى عباره عن كاوتش بيتحط على المساعد علشان يمنعه انه ينزل لمستوى نزوله الطبيعى ويحك

نتايجه نشوفيه فى العربيه مع المطبات وبدل الحكه اللى مضايقاك هتلاقى رزعه مع اى مطب هواء

انصحك انك تتنى شفة الرفارف شويه كمان وتخلى حد وزنه تقيل يقعد فى الشنطه وتبص العربيه لما بتهبط بتحك فين وغالباٌ هتلاقى الدلايه اللى وراء هى السبب فهتخفها شويه بالصاروخ

وعلى فكره مشكلتك مش من مقاس الجنط الكبير

لا

الموضوع ان فى رقم جوه الجنط اسمه et

الرقم ده هو اللى بيتحكم فى دخول وخروج الجنط بره العربيه

لو بصيت على الجنط عندك هتلاق الرقم ده 30 او 35 بالكتير

لو جبت نفس الجنط بنفس مقاسات الكاوتش ولاكن ال et بتاعه 40 او 45 هتتمنع الحكه من عندك نهائى

عن تجربه شخصيه

وجرب وادعيلى

اقتباس:

---

المشاركة الأصلية كتبت بواسطة عصام غنايم

الموضوع ان فى رقم جوه الجنط اسمه et

الرقم ده هو اللى بيتحكم فى دخول وخروج الجنط بره العربيه

لو بصيت على الجنط عندك هتلاق الرقم ده 30 او 35 بالكتير

لو جبت نفس الجنط بنفس مقاسات الكاوتش ولاكن ال et بتاعه 40 او 45 هتتمنع الحكه من عندك نهائى

---

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

اقتباس:

---

المشاركة الأصلية كتبت بواسطة محمد الشامي

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

---

الet مفيش فيه افضل و اسواء... دى قيمة ليها علاقة بتصميم عفشة و جسم السيارة و غالبا بيبقى عندك مدى او مساحة تقدر تتحرك فيها بامان... اكتر من كدة او اقل من كدة الكاوتش حيحك اما فى شفة الرفرف زى ما حصل مع احمد او فى المساعد

http://www.team-bhp.com/forum/iipcache/39000.jpg

MMamdouh

اقتباس:

---

المشاركة الأصلية كتبت بواسطة ahmedtefagad

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

---

انا عندى الرقم مكتوب على جسم الجنط من الداخل

MMamdouh

اقتباس:

---

المشاركة الأصلية كتبت بواسطة mmamdouh

الet مفيش فيه افضل و اسواء... دى قيمة ليها علاقة بتصميم عفشة و جسم السيارة و غالبا بيبقى عندك مدى او مساحة تقدر تتحرك فيها بامان... اكتر من كدة او اقل من كدة الكاوتش حيحك اما فى شفة الرفرف زى ما حصل مع احمد او فى المساعد

mmamdouh

---

متشكر على التوضيح يا استاذي :-)

اقتباس:

---

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

---

بص يا محمد زى ما ابو يوسف قال كل عربيه وليها مقاس مناسب ليها او مدى معين ممكن تتحرك جواه

( كل ما رقم ال et قل او صغر كل ما الفرده خرجت بره العربيه وده بيدى ثبات اعلى وحساسيه اكبر للطاره وتفسيخ اكبر للعفشه )

وعلى العكس

( كل ما رقم ال et كبر كل ما الفرده دخلت لجوه وحساسية الطاره قلت و العفشه استريحت )

بالنسبه لالانوس مدى التحرك الآمن من ( 35 الى 49 ).

اقتباس:

---

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

---

تحت امرك

وعلى البركه

اقتباس:

---

بس انا تقريبا فليت الجنط حتة حتة ومش عارف الاقى الرقم دة فين للاسف ....

---

بيبقى مكتوب من جوه الجنط

على الصره فى الجنط الحديد

http://i757.photobucket.com/albums/x...0091117612.jpg

على الريش فى الجنوط الاسبور

http://i757.photobucket.com/albums/x...0091114593.jpg

تمام كده

اقتباس:

---

المشاركة الأصلية كتبت بواسطة عصام غنايم

بص يا محمد زى ما ابو يوسف قال كل عربيه وليها مقاس مناسب ليها او مدى معين ممكن تتحرك جواه
( كل ما رقم ال et قل او صغر كل ما الفرده خرجت بره العربيه وده بيدى ثبات اعلى وحساسيه اكبر للطاره وتفسيخ اكبر للعفشه )
وعلى العكس
( كل ما رقم ال et كبر كل ما الفرده دخلت لجوه وحساسية الطاره قلت و العفشه استريحت )
بالنسبه لالانوس مدى التحرك الآمن من ( 35 الى 49 ).

---

تسلم ياريس عالمعلومات المفيده :-)

الله عليك يا ابو فارس

MMamdouh

والله انتو اساتذة وناس من الاخر :]:] ربنا يزدكم ويباركلم بكل خير يا رب

اقتباس:

---

المشاركة الأصلية كتبت بواسطة عصام غنايم

بص يا محمد زى ما ابو يوسف قال كل عربيه وليها مقاس مناسب ليها او مدى معين ممكن تتحرك جواه

( كل ما رقم ال et قل او صغر كل ما الفرده خرجت بره العربيه وده بيدى ثبات اعلى وحساسيه اكبر للطاره وتفسيخ اكبر للعفشه )

وعلى العكس

( كل ما رقم ال et كبر كل ما الفرده دخلت لجوه وحساسية الطاره قلت و العفشه استريحت )

بالنسبه لالانوس مدى التحرك الآمن من ( 35 الى 49 ).

---

تفسيخ اكتر ....
ممممم

طب لو مع جنط اكبر (15 بدل 13 ) و حاسس ان العجل اللي ورا فارش لبرة (مايل بزاوية لبرة) دا يكون اية ؟؟ (عربيتي فيرنا و مفيش حك خالص و معلومات اكتر عن اللي عدلته هنا :http://www.nilemotors.net/Nile/170917-15.html )

عربيات كتير اوى بيبقى فيها زاوية كامبر سالبة للعجلات الخلفية لتحسين الثبات فا اللى عندك دة طبيعى

MMamdouh

اقتباس:

---

المشاركة الأصلية كتبت بواسطة mmamdouh

عربيات كتير اوى بيبقى فيها زاوية كامبر سالبة للعجلات الخلفية لتحسين الثبات فا اللى عندك دة طبيعى

mmamdouh

---

بس المفروض ميبقاش كبير أو واضح بدرجة ملحوظة لان تصميم العفشة الخلفي و الأمامي في الفيرنا على نظام ماكفيرسون و التصميم ده درجات ميلان العجل فيه مش كبير ( زاوية الكامبر) حتى مع تغيير ارتفاع العربية على عكس الهوندا و المرسيدس لان تصميم المقصات مختلف تماما .... لو كبير يبقي الموضوع محتاج تبص عليه و تتأكد من الجلب و الرولمان بلي عشان لو العربية مش متغير ارتفاعها يبقى المفروض نفس الزاوية دون تغيير حتى لو غيرنا الجنط

لو العربيه فاتحه من تحت بطريقه ملحوظه فده اكبر غلط

كده الكاوتش هيتاكل من الاجناب بسرعه ومش هتلاقى ابداٌ الثبات اللى انت عايزه

لازم تروح لحد عنده ظبط زوايا كومبيوتر ويا ريت لو الجهاز جديد

انا بروح لواحد عنده جهاز هاوك امريكى بيصور الشاسيه باليزر وبيبين اى اماكن اجهاد مع التحميل يعنى بيقيس درجة فتح وقفل الشاسيه والعجل امامى خلفى مع التحميل وبيشوف هى فى المدى المسموح ولا لآ

لازم تراجع مركز صيانة علشان المشكلة دى متحصلش مرة ثانية بعون الله وقدر الله وماشاء فعل

دا فين الراجل ده يا استاذ عصام اللى عنده الجهاز ؟؟؟؟؟؟؟؟
لانى عايز اظبط زوايا فى اقرب و قت بس عايز اظبطها على الصح

اقتباس:

---

المشاركة الأصلية كتبت بواسطة MMamdouh

عربيات كتير اوى بيبقى فيها زاوية كامبر سالبة للعجلات الخلفية لتحسين الثبات فا اللى عندك دة طبيعى

MMamdouh

---

اقتباس:

---

المشاركة الأصلية كتبت بواسطة Viper911

بس المفروض ميبقاش كبير أو واضح بدرجة ملحوظة لان تصميم العفشة الخلفي و الأمامي في الفيرنا على نظام ماكفيرسون و التصميم ده درجات ميلان العجل فيه مش كبير ( زاوية الكامبر) حتى مع تغيير ارتفاع العربية على عكس الهوندا و المرسيدس لان تصميم المقصات مختلف تماما .... لو كبير يبقي الموضوع محتاج تبص عليه و تتأكد من الجلب و الرولمان بلي عشان لو العربية مش متغير ارتفاعها يبقى المفروض نفس الزاوية دون تغيير حتى لو غيرنا الجنط

---

اقتباس:

---

المشاركة الأصلية كتبت بواسطة عصام غنايم

لو العربيه فاتحه من تحت بطريقه ملحوظه فده اكبر غلط

كده الكاوتش هيتاكل من الاجناب بسرعه ومش هتلاقى ابداٌ الثبات اللى انت عايزه

لازم تروح لحد عنده ظبط زوايا كومبيوتر ويا ريت لو الجهاز جديد

انا بروح لواحد عنده جهاز هاوك امريكى بيصور الشاسيه باليزر وبيبين اى اماكن اجهاد مع التحميل يعنى بيقيس درجة فتح وقفل الشاسيه والعجل امامى خلفى مع التحميل وبيشوف هى فى المدى المسموح ولا لآ

---

شكراً على ردودكم ... انا كنت بالفعل في مركز ظبط زوايا بعد ما ركبت الجنوط الجديدة على طول عشان كنت حاسس بحدفة و قاللي ان موضوع ان الكاوتش مايل شوية دا عادي و اني لاحظته اكتر عشان عرض الكاوتش زاد ... دلوقتي راحت الحمد لله ...
دي صورة عايز اعرف منها رأيكم : آسف معرفتش اوضحها اكتر من كدا بالكاميرا
http://img185.imageshack.us/img185/8984/19082010210.jpg

اقتباس:

---

دي صورة عايز اعرف منها رأيكم : آسف معرفتش اوضحها اكتر من كدا بالكاميرا

---

اولاٌ الصوره مش مبينه حاجه
ثانياٌ متبنش كده الطريقه انا قولتلك عليها

يا ا / عصام غنايم فين الراجل اللى عنده الجهاز ده و هل فعلا بيصور الشاسية بالليزر و يعرف اماكن الاجهاد
سؤال اخير لو عايز اكشف على العربية و اظبط زوايا و اطلع من عنده تمام هلى حضرتك عندك فكرة التكلفة هتكون فى حدود كام ؟؟

و شكرا مقدما

اقتباس:

---

المشاركة الأصلية كتبت بواسطة عصام غنايم

لو العربيه فاتحه من تحت بطريقه ملحوظه فده اكبر غلط

كده الكاوتش هيتاكل من الاجناب بسرعه ومش هتلاقى ابداٌ الثبات اللى انت عايزه

لازم تروح لحد عنده ظبط زوايا كومبيوتر ويا ريت لو الجهاز جديد

انا بروح لواحد عنده جهاز هاوك امريكى بيصور الشاسيه باليزر وبيبين اى اماكن اجهاد مع التحميل يعنى بيقيس درجة فتح وقفل الشاسيه والعجل امامى خلفى مع التحميل وبيشوف هى فى المدى المسموح ولا لآ

---

يا سلام لو تقولنا مكان الراجل
عشان انا سمعت ان بردجستون مش بيظبطو اوي

يا رب يكون اللى مانعك من المشاركة خير ان شاء الله

اقتباس:

---

يا ا / عصام غنايم فين الراجل اللى عنده الجهاز ده و هل فعلا بيصور الشاسية بالليزر و يعرف اماكن الاجهاد
سؤال اخير لو عايز اكشف على العربية و اظبط زوايا و اطلع من عنده تمام هلى حضرتك عندك فكرة التكلفة هتكون فى حدود كام ؟؟

و شكرا مقدما

---

اقتباس:

---

يا سلام لو تقولنا مكان الراجل
عشان انا سمعت ان بردجستون مش بيظبطو اوي

---

اقتباس:

---

يا رب يكون اللى مانعك من المشاركة خير ان شاء الله

---

آسف على التأخير

دى صورة كارت للمركز فيها العنوان والتليفون

http://i757.photobucket.com/albums/x...rs/Picture.jpg

اى خدمه