دى ثقافة شعب ولايمكن تتغير الا على المدى البعيد وانا واثق لو حتى الحكومه عملتلهم كبارى وانفاق كل مترين وده عمره ما هيحصل الناس هتسيبهم وتعدى من الطريق برضه
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
بجد الموضوع بقى زيادة اوى عن اللزوم... فى ظرف 4 ايام صادفت اتنين ميتين على الدائرى فى حوادث
الاول يوم الثلاثاء اللى فات و انا مروح من الدائرى (هربا من زحام وسط البلد) كان فيه قتيل حوالى الساعة 5:45 قبل مطلع محور صفت اللبن... عربية جين 2 خبطت واحد و الراجل توفى... طيب اللى اتخبط دة كان بيهبب ايه على الدائرى؟... و اللى خبطة ذنبة ايه يقضى اول يوم فى رمضان فى اقسام و نيابة و تحقيقات؟؟؟... الراجل المتوفى كان فى تانى حارة من اليمين... يعتى فاضلة مترين و يبقى فى نص الدائرى تماما
الغريب فى الموضوع ان حوالين مكان الحادث ناس كتير واقفة و محتلة اول حارة على اليمين بالكامل و دول مش بيبصوا على الحادث... دول بيبصوا على الطريق كما لو كانوا منتظرين اوتوبيس او مكروباص... هنا ظهر السبب الحقيقى للحوادث دى و هو ان الناس بتستعمل الطريق الدائرى كما لو كان شارع الازهر... مكروباصات تنزل ناس و تركب ناس و ناس عدى من يمين الدائرى الى شمالة و العكس... و احنا اللى فى الاخر ندفع تمن تخلف الناس دى و اهمالها
انا كنت حكتب عن الموضوع فى يوميها بس كبرت دماغى و قلت ملهاش لزمة انكد على الناس... لحد ما كنت مروح من الرحاب ابارح و قابلت القتيل التانى
فى المنطقة اللى امام برج سما (كما لو كانت المنطقة دى موعودة بالمصايب) انا كنت ماشى فى اتجاة المعادى و الطريق وقف بشكل غريب مع ان الساعة 12:15 صباحا... بعد ما مشى الطريق بشوية لقيت الشرطة قافلة الحارتين الشمال بتوعنا و فيه قتيل ممدد على الارض... الغريب ان تقريبا الحادث حصل على الجانب التانى من الطريق لان الناحية التانية كان فيه هرج و مرج و شرطة و ناس ملمومة و الطريق واقف تماما... اعتقد دة واحد (او اكتر) كان بيعدى الناحية التانية وواحد شالة و من شدة الصدمة وقع على الاتجاة المعاكس
تشاء الصدف ان مكان الحادث على بعد امتار من كوبرى عبور مشاه بيتعمل فى الحتة دى كما لو كان اللى حدد موقع الكوبرى عارف ان المنطقة دى مشئومة... برضة بعد مكان الحادث كان فيه بهايم بتعدى الطريق الدائرى بالعرض الساعة 12:15 فى عز الضلمة... كما لو كان الناس اللى ماتت دى ماتت لسبب اخر غير انهم كانوا بيعدوا الطريق الدائرى
الحادثتين دول يعتبروا التالتة و الرابعة اللى كان فيها ناس ماتت قدام عينى خلال فترة استعمال الطريق الدائرى... الاولى كانت من 4 سنين تقريبا و كانت عربية نص نقل خبطت ولد شكلة 15 او 17 سنة فوق الكوبرى الكبير اللى بيقطع النيل على الطريق الدائرى... محدش يسال كان الواد بيعمل ايه على الكوبرى اللى فى نص النيل على الدائرى لانى من 4 سنوات بدور على اجابة السؤال دة و مش عارف الصراحة... الحادث كان فى اول حارة على الشمال يعنى الواد كان فى نص الكوربى تماما
الحادث التانى كان من حوالى سنة و كان فى اول حارة شمال برضة... بس المرة دى معقد لاصحاب السيارات اللى كان حظها سىء و شاركت فى الحادث... واحد بجلابية خبطتة سيراتو جديدة نوفى بدون لوحات و طيرتة فسقط اما عربية نص نقل و نزل تحت العجل... العربية مادستوش بس هو لازق فى العربية... هنا اعتقد العربية اللى من غير نمر حتخش فى مشاكل حتى لو موقفها سليم بالنسبة للحادث و بتاع النقل جت رجلة فى الحوار بدون ذنب
ربنا يكفينا شر الطريق و شر البهايم
MMamdouh
رقم العضوية : 64718
تاريخ التسجيل : 10Mar2010
المشاركات : 748
النوع : ذكر
الاقامة : Riyadh, KSA
السيارة: Renault Fluence 2011
السيارة[2]: Hyundai Elantra 2012
دراجة بخارية: no
الحالة :
دى ثقافة شعب ولايمكن تتغير الا على المدى البعيد وانا واثق لو حتى الحكومه عملتلهم كبارى وانفاق كل مترين وده عمره ما هيحصل الناس هتسيبهم وتعدى من الطريق برضه
[aldl]http://im12.gulfup.com/2011-10-16/1318748921822.jpg[/aldl]
Mekkawy
رقم العضوية : 63709
تاريخ التسجيل : 28Feb2010
المشاركات : 2,338
النوع : ذكر
الاقامة : Alexandria
السيارة: Daihatsu Terios 2007
السيارة[2]: Hyundai Grand I10 HB
دراجة بخارية: MAXSYM 400I
الحالة :
يا باشا طب ماهو عندنا في اسكندرية في بتاع 1000 نفق على البحر و برضو الناس بيعدو من فوق و يموتو و بمعدل كل يوم تقريبا و لو سألتو يقلك مكسل انزل النفق.
رقم العضوية : 13185
تاريخ التسجيل : 18Jun2008
المشاركات : 875
النوع : ذكر
الاقامة : Minia El-Kamh
السيارة: Cellphone: Samsung G810
السيارة[2]: Peugeot 504 GL 1977
دراجة بخارية: none
الحالة :
ربنا يستر
نفس الكلام على طريق القاهرة إسكندرية الزراعي اللي بامشي فيه 3-4 مرات أسبوعياً. في مرة كنت هاتعمل سندويتش بين عربيتين نقل بسبب واحدة بتعدي الشارع كده على الفطرة، بعد ما عدت العربة النقل اللي على يميني فوجئت بها أمام عربيتي بمسافة 20 متر تقريباً و ربنا ستر
مع أن في كباري عبور مشاة، و لو عربية شالت واحد من دول يقوم الناس بيمسكوا اللي كان سايق كأنه هو المجرم
مدونتي http://historyneverdies.blogspot.com
مدرس مساعد جراحة الأطفال و حديثي الولادة
رقم العضوية : 53413
تاريخ التسجيل : 19Nov2009
المشاركات : 1,993
النوع : ذكر
الاقامة : Nasr City-Cairo
السيارة: Sold
السيارة[2]: Carens 2010-M
دراجة بخارية: 000000000000000
الحالة :
العمران زحف لغاية الدائرى وأصبح عبور المشاة فيه كتير جداً
مثلاُ مدينة عباد الرحمن اللى عند برج سما ونادى الصيد ما فيهاش مواصلات .... السكان بيخرجوا يركبوا من أمامها على الدائرى فى اتجاه المعادى ووسط البلد
المشكلة لما بيرجعوا من اتجاه المعادى بالمواصلات العامة بينزلوا على الطريق ويعدوا الشارع على رجليهم !!! مخاطرة احتمال النجاة فيها لايزيد عن 20% .... وبرغم كده برضوا بيعملوها عشان مفيش بديل
يا ريت نستحمل شوية الناس دول ... بدل ما نرتكب ذنب فى حقهم ما نقدرش نستحمله
[img2]http://i1023.photobucket.com/albums/af355/khaled_now/Awards2012-2015.gif[/img2]
[marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq]
رقم العضوية : 44663
تاريخ التسجيل : 08Aug2009
المشاركات : 6,605
النوع : ذكر
الاقامة : مجرة درب التبانة
السيارة: Bira 2.0 :)
السيارة[2]: ɐɹʇdo ʎʌǝɥɔ
دراجة بخارية: .
الحالة :
هو الدايري وكورنيش أسكندرية ( البحر )
أكتر طرق شفت عليها حوادث بشعة
بتاع أسكندرية معروف أن اللي يعدي منه ويموت ملوش دية وبالرغم من كدة تلاقي واحد معدي
حاجة ذل
والدايري ده أكتر طريق بمشي عليه
ولو مشوفتش حادثة كل يوم طازة بيجيلي أحساس ان ده دوري
العيب من كله
من كله
[mtohg=#000000]http://img696.imageshack.us/img696/2999/warninggf.jpg[/mtohg]
رقم العضوية : 58905
تاريخ التسجيل : 14Jan2010
المشاركات : 1,081
النوع : ذكر
الاقامة : Earth:((
السيارة: لا يوجد
السيارة[2]: لا يوجد
دراجة بخارية: no
الحالة :
رقم العضوية : 41109
تاريخ التسجيل : 26May2009
المشاركات : 2,752
النوع : ذكر
الاقامة : EL-Qanater EL-khairya
السيارة: ربنا يبعت 127
السيارة[2]: kia sephia
الحالة :
والله كلام سليم وجميل
بس انت معاك عريبه وانا معايه عريه فى غيرنا معهمش عربيات طيب هيقعدوا فى البيت
لا الطبيعى انهم لازم يتصرفوا انا مثلا بروح شغلى اغبيه الوقت من غير عربيه طب ايه الموصله الى بركبها
بعد ممنعوا المحور لانى شغلى فى ميدان لبنان بسب البهايم الى بتعدى ويتوقفلهم الطريق
بركب لحد اول الدائرى ولازم اطلع اركب من على الدائرى لحد المحور
وللاسف مفيش مواصله تانيه غير ان الواحد يطلع على الدائرى فى اول حاره ويبص على العربيات الى جايه
وكل واحد بيبقى فى سباق انوا يركب الاول وبالتالى لازم يجرى الاول ولازم يطلع فى نص الطريق عشان يشوف الاول
اعتقد ان محدش منا حابب ان ديه تكون موصلته بس قولى انت حل تانى
مثل تانى عندنا فى القناطر عملوا كوبرى غير الى موجود عشان يخف الضغط والزحمه ومع ذلك نفس الموضوع
المشكله مبتكنش فى العربيات ولا كثافتها بالعكس المشكله فى الناس نفسهم الى بيركبوا من القناطر بيطلعوا فى وسط الطريق عشان يعرفوا يركبوا من الزحمه وبالتالى بيقفلوا الطريق بس قولى انت برضوا ايه حلهم
لو فى مواصلات متوفره وكباى علويه مكنش ده بقى الحال ومفتكرش ان ده برضوا حل
افتكر ان لو الثقافه بتاعت الشعب احسن من كدا مكنش ده بقى حلنا
Esam Mosaad
H A R D
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
ايه اللي اضطر الناس دي انها تعدي الدائري ؟ ابجث في السبب قبل القاء اللوم عليهم بالكامل .
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
المشكلة مش في أن الناس بتعدي الدائري أو غيره من الطرق السريعة
و لكن المشكلة في كيفية التعدية أو المرور .................... و اللهم أني صائم ...... مش عايز أوصف الناس بالأوصاف اللي تستحقها .
صفة الصبر .......... هي أخر ما نتصف به نحن المصريين
[img2]http://i59.tinypic.com/2vxpukz.jpg[/img2]
المفضلات