الموضوع: ماساتى مع الانوس كلفتى 7000 جنيه

فى شهر 6 /2009 اشتريت من السوق العاشر سيارة لانوس موديل 2002 عاملة 109000 تقريبا وفور شرائها اخذها واحد معرفة خبرة فى السيارات وقام بتغير طقم سيرفيز وبعدا قمت بعمل تجديد عند الترخيص لانها ماكنتش رشه بره ولا جوه المهم العربية كانت تمام تمام لمدة ستة شهور لدرجة انى ماكنتش ببص فى المياه او مقاس الزيت ادور الصبح واعمل مشاورى وفول بنزين وغير زيت فى الميعاد وخلاص
المشكلة منذ فترة بدات العربية تقل باصلها يعنى بدات تفصل منى فى وسط البلد واماكن حساسة رحت للميكانيكى والكهربائى مجدش عرف السبب ايه اللى قال موبينة واللى قام طلمبة بنزين . وكنت احيانا وهى مبطلة افك فلتر البنزين كان بيجيب وساخة المهم بعد فترة من العذاب (( على فكرة انا مكتنش فى الوقت ده عضو فى المتندى و لااعرف اى حاجة عن صيانة السيارة ولا حتى معلومات عامة )
فى يوم العربية بطلت منى وكان راكب معايا صديق ( كنت فاكر انه بيفهم فى السيارات ) هو عنده سيارة مرسيدس ) وباستمرار بيشترى عربيات عشان كده افتكرت انه عنده خبرة المهم لما العربية فصلت منى قالى زود بنزين دوسعلى الاكسربيرتير . انا قولته ده خطا . العربية تجيب وش سلندر . المهم قالى العربية مكتومة وفيه حاجة سده البنزين حاول تدوس بنزين ( العربية دايرة وممورة ) انا رفضت نزلنى واعقد مكانى وفضل يدوز ويذود بنزين ويوصل دواسة البنزين للارض بطريقة جنونية لدرجة ان واحد كان واقف امام السيارة قاله حرام عليك البساتم باظت المهم مشينا بالعربية وسمعنا صوت تخبيط فى الماتور ولمبة الزيت نورت واحنا مكاشن بالعربية ؟؟؟ لما شافها الميكانكى قاليه ده عمره اكيد عرضها على اكثر من واحد قال الموتور محتاج عمرة اختلفت الاراء بين عمرة او موتور استيراد اللى قالوا عليه ده زى البطيخة فى الاخر استقريت على عمرة وكانت على وجه التحديد عمود كامة وشميز وبستم واحد والعمرة التكلفت 2000 جنيه وبعد العمرة خذها واحد صاحبى وسافر بها الاسكندية للتلين .. وفى يوم الصبح اتصل بى قالى انا لينت وراجع بسرعة 120 /140 كم والعربية ما شاءء الله حلوة . المهم نزلت من البيت قلت جرب العربية واعمل كام مشوار داخل البلد رحت محكمة امبابة ثم محكمة السيدة ثم محكمة مصر الجديدة واللى لاحظته من اول ما ركبت العربية هو التاخير فى الدوارة المهم وصلت محكمة مصر الجديدة وركنت العربية قبل اشارة ميدان الحجاز وبعد ما خلصت شغل بالمحكمة . دورت العربية فى الاول تاخر فى الدوارة ثم رائحة بنزين ثم رعشه فى العربية ثم حريق حريق ايو العربية ولعت والنالر مسكت فى موتور السيارة ونهت تمكاما على السيارة من قدام وبعد ما وصلت المطافى كان اهل الخير جابوا الطفايات ( خمس طفايات + طفاية بنك كبيرة ) ونار فى السيارة لمدة 15 دقيقة المهم الحمد الله على كل شىء روحت صلحت العربية من جديد ومن قطع غيار استيراد وخلافه حتى عادت الى ما كانت عليه والموضوع ده اتكلف 5000 تقريبا وتم عمل الاتى
1- تغيير عدد 3 ضفيرة كهرباء
2- تغيير طقم رشاشات
3- جميع قرب مياه . زيت . باور وخلافه
باختصار كل شىء كان موجود فى كبوت العربية والتكيف والاسلاك كله
وباقول الحمد الله على كل شىء لكن اللى عاوز اقوله ان الاهمال هو السبب الحقيقى وراء ذلك كله وبصراحة لو كنت عرفت المنتدى قبل كده يمكن ماكانش ده حصل خالص والحمد الله على كل شىء ؟؟ الاطالة للافادة وشكرا
تغيسر تؤ بعد كده ج لها على