يا جماعة أرجو النصيحة لوجه الله.. كروز؟

**Gabrial** · 13-08-2010 03:19 PM

خلاص يا باشا يبقى لو عاجباك الكروز إتكل على الله ،مع إن إلنترا الجديدة جامدة أوي بس ذي ماقلت لحضرتك فيها مخاطرة ،لو تستنى بس شوية لم تنزل هنا نشوف نظامها بس لو مستعجل و عاجباك الكروز إتكل على الله بس نصيحة إنت و بتستلم إكشف على العربية ذي ماتكون بتجيب مستعمل عشان اليومين دول مفيش حاجة مضمونة ،خد معك سمكري يشوفلك العربية ديه راشه أو مخبوطة قبل كدة ،أنا بتكلم جد يا باشا صدقني .و ربنا يوفقك .

**gebreel** · 13-08-2010 03:20 PM

المشاركة الأصلية كتبت بواسطة kamalsalem

طبعا كدة لانسر فاكس برضه، سيراتو واحد صاحبي قعد نص ساعه يسب في تعليقها وكبالنها، المشكلة انه دي اول عربية ليا، و انا متربي في الخليج ف عايز عربية كبيرة وببلاش زيهم، وف نفس الوقت عايز كوري عشان مخسرش فيها

السوزوكي صغيرة اوي عليا، القلوانس تحقة طبعا وضخمة السنين، بس اعادة البيع، انا عارف احساس انه يبقى معايا عربية مش بتتباع بعد كده غير بالخسارة الرهيبة، وبعدين مثلا علبة الشكمان بتاعتها ب 7000 جنيه، فا الاوروبي مخيف بالنسبالي

اختي معاها بونتو ايفو وعربية حلوة جدا ب 99 اوتو بس لرضه صغيرة وانا بحاول اكون اسرة لسة

كتير اوي يا باشا ونجربة الميجان مخيفة، اغلى ميجان في السوق ب 70 عند التوكيل نفسه (التوكيل بيشتغل ف المستعمل)

علبة شكمان ايه اللي ب7000 جنيه دي؟ انا اول مرة اسمع الكلام ده بالنسبة لاعادة البيع الرينو دلوقتي بقت مطلوبة من التجار قبل الافراد و لو عاوز تعرف ده انزل سوق العاشر و شوف كمية الميجان و الكليو المعروضين من تجار و التاجر مبيحبش يجيب حاجة تقعد معاه كثير لأنو بيبقى عاوز يحرك الفلوس اللي معاه و عن تجربة في الفورد اللي كان بيجي يشتري مني كان يبيقى معاه فورد و عاوز يغير ليها او عاوز يجيبها لابنو او بنتو و الميجان عربية ما شاء الله اللي مبوظ سعرها الاشعات اللي كانت بتطلع عليها زمان و كانت بتدبدا 115 الف و زي ما فيه ميجان بتتباع ب70 فيه ميجان بتتباع ب 90 و 85 الرك بيبقى على الحالة فلو حضرتك محافظ عليها و مواظب على صيانتها في التوكيل اللي مش غالي هتتباع بسعر كويس

السيراتو مشكلتها الوحيدة في التعليق الخلفي انو مش مريح لكن مش مأثر على العربية في حاجة و محدش اشتكى من كبالنها و ممكن تسأل في قسم الكيا عليها و هما يقولولك

**Gabrial** · 13-08-2010 03:31 PM

المشاركة الأصلية كتبت بواسطة gebreel

علبة شكمان ايه اللي ب7000 جنيه دي؟ انا اول مرة اسمع الكلام ده بالنسبة لاعادة البيع الرينو دلوقتي بقت مطلوبة من التجار قبل الافراد و لو عاوز تعرف ده انزل سوق العاشر و شوف كمية الميجان و الكليو المعروضين من تجار و التاجر مبيحبش يجيب حاجة تقعد معاه كثير لأنو بيبقى عاوز يحرك الفلوس اللي معاه و عن تجربة في الفورد اللي كان بيجي يشتري مني كان يبيقى معاه فورد و عاوز يغير ليها او عاوز يجيبها لابنو او بنتو و الميجان عربية ما شاء الله اللي مبوظ سعرها الاشعات اللي كانت بتطلع عليها زمان و كانت بتدبدا 115 الف و زي ما فيه ميجان بتتباع ب70 فيه ميجان بتتباع ب 90 و 85 الرك بيبقى على الحالة فلو حضرتك محافظ عليها و مواظب على صيانتها في التوكيل اللي مش غالي هتتباع بسعر كويس
السيراتو مشكلتها الوحيدة في التعليق الخلفي انو مش مريح لكن مش مأثر على العربية في حاجة و محدش اشتكى من كبالنها و ممكن تسأل في قسم الكيا عليها و هما يقولولك

التعليق إلخلفي في السيراتو نفس التعليق بتاع الفلونس torsion beam تعليق غير مستقل ،مشكلة السيراتو سببها قصر المساعدين الكلام دة مش من عندي دة عضو معنا في المنتدى معه العربية هو اللي قالي الموضوع دة .
دة موضوع فيه أسعار قطع غيار و صيانة الفلونس لو حبيت تاخد فكرة .

http://www.nilemotors.net/Nile/132624-a.html

**kamalsalem** · 13-08-2010 03:47 PM

المشاركة الأصلية كتبت بواسطة gebreel

علبة شكمان ايه اللي ب7000 جنيه دي؟ انا اول مرة اسمع الكلام ده بالنسبة لاعادة البيع الرينو دلوقتي بقت مطلوبة من التجار قبل الافراد و لو عاوز تعرف ده انزل سوق العاشر و شوف كمية الميجان و الكليو المعروضين من تجار و التاجر مبيحبش يجيب حاجة تقعد معاه كثير لأنو بيبقى عاوز يحرك الفلوس اللي معاه و عن تجربة في الفورد اللي كان بيجي يشتري مني كان يبيقى معاه فورد و عاوز يغير ليها او عاوز يجيبها لابنو او بنتو و الميجان عربية ما شاء الله اللي مبوظ سعرها الاشعات اللي كانت بتطلع عليها زمان و كانت بتدبدا 115 الف و زي ما فيه ميجان بتتباع ب70 فيه ميجان بتتباع ب 90 و 85 الرك بيبقى على الحالة فلو حضرتك محافظ عليها و مواظب على صيانتها في التوكيل اللي مش غالي هتتباع بسعر كويس

السيراتو مشكلتها الوحيدة في التعليق الخلفي انو مش مريح لكن مش مأثر على العربية في حاجة و محدش اشتكى من كبالنها و ممكن تسأل في قسم الكيا عليها و هما يقولولك

موضوع علبة الشكمان ده من بق مدير المبيعات ف مركز البيع اللي فتح جديد عند محكمة مصر الجديدة... ما علينا انا بس زي ما بقول لحضرتك بخاف من تكاليف تشغيل وصيانة عربية اوروبي

المشاركة الأصلية كتبت بواسطة gabrial

خلاص يا باشا يبقى لو عاجباك الكروز إتكل على الله ،مع إن إلنترا الجديدة جامدة أوي بس ذي ماقلت لحضرتك فيها مخاطرة ،لو تستنى بس شوية لم تنزل هنا نشوف نظامها بس لو مستعجل و عاجباك الكروز إتكل على الله بس نصيحة إنت و بتستلم إكشف على العربية ذي ماتكون بتجيب مستعمل عشان اليومين دول مفيش حاجة مضمونة ،خد معك سمكري يشوفلك العربية ديه راشه أو مخبوطة قبل كدة ،أنا بتكلم جد يا باشا صدقني .و ربنا يوفقك .

طب هو ده عند منصور بس ولا كلهم كدة، وانا بستلم البونتو بصراحة دورت العربية ومشيت، وبعدين هي الكروز بتتجمع هنا ف مصر؟

**Gabrial** · 13-08-2010 04:08 PM

المشاركة الأصلية كتبت بواسطة kamalsalem

موضوع علبة الشكمان ده من بق مدير المبيعات ف مركز البيع اللي فتح جديد عند محكمة مصر الجديدة... ما علينا انا بس زي ما بقول لحضرتك بخاف من تكاليف تشغيل وصيانة عربية اوروبي

طب هو ده عند منصور بس ولا كلهم كدة، وانا بستلم البونتو بصراحة دورت العربية ومشيت، وبعدين هي الكروز بتتجمع هنا ف مصر؟

مفيش حاجة مضمونة سواء عند منصور أو غيره بس منصور أنا متأكد إنه بيعمل الحركة ديه عشان حصلت مع واحد صاحبي إكتشف إن عربيته مخبوطة و راشه و خليك في السليم و إكشف على العربية كويس ،الكروز كوري بالكامل يا باشا.

**gebreel** · 13-08-2010 04:11 PM

ربنا ان شاء الله يهديك للخير و الف مبروك مقدما =)

**Gabrial** · 13-08-2010 04:27 PM

المشاركة الأصلية كتبت بواسطة kamalsalem

يا باشا أكيد كحتاج نصيحتكم كلكوا انتوا اهل العلم، ودي أول مرة اشتري عربية لوحدي أو لية، عادة الموضوع اسهل لو لحد تاني، لما شفت البونتو ف ثانية خدت القرار لأختي، بس ليا، خايف الصراحة

ربنا يستر ان شاء الله، السيرلتو مش وحشة وانتشارها علامة كويسة بس الكروز أكبر ف مش عارف بقى، هي أول سيراتو اوتو بكام؟ وفيها اوبشنز زي أول كروز اوتو؟

أول فئة في السيراتو الاوتو سعرها 106 ألف و اسمها Lx بس فاضية شوية إلي بعدها سعرها 113 ألف و اسمها EX .

أوتوماتيك Lx : تكييف - ايرباج - كاوتش 15 ( 195/65 ) - باور - سنتر لوك - 4 زجاج كهربا - مرايات كهربا - راديو سى دى

اوتوماتيك Ex : تكييف - ايرباج - جنوط سبور 16 ( 205/55 ) - باور - سنتر لوك - 4 زجاج كهربا - مرايات كهربا - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - زجاج ملون - فوج لايت - نور قراءه - جراب نظاره

**kamalsalem** · 15-08-2010 05:18 AM

يا جماعة أنا رحت منصور مصر الجديدة امبارح وقعدت في العربية تاني وشفت كل حاجة فيها، ومشيت من عندهم وانا ناوي وصليت استخارة وكنت خلاص نفسيتي هديت من ناحيتها، بعدين بالصدفة النهاردة ببص بصة تانية لقيت الناس بتتكلم على مشاكل، وتوكيل غير متعاون، وعربيات واقفة مرصوصة جنب بعضها مستنية صيانة من عيوب قاتلة، ورجعت احترت.

العربية أجمل حاجة شفتها ف حياتي ف عربية بالسعر ده، والله النهاردة ركبت باسات 2006 حسيت ان الكروز انضف (مركبتش الباسات ال2010 طبعا عشان أحكم) بس انا مش حمل عربية فيها مشاكل. لما ركزت ف الشارع لقيت العربية انتشرت عن أول ما نزلت، والله كان نفسي أوقف حد راكبها واسئله الحلوة عاملة معاك ايه بس بخاف الناس تفتكرني بقر عليهم خصوصاً انه شكل عربيتي مش ولا بد.

انا حيرتي حيرة والله، الــ 116 ألف مش لاقيهم ف الشارع وربنا العالم هيدفعوا ازاي ف مش طالبة عربيات فيها مشاكل، ف أنا سؤلي، هل المواضيع اللي بتتكلم على مشاكل الكروز مواضيع قديمة وأفلام ولت من زمان والعربية ماشية بما يرضي الله؟ ولا المشاكل لسة ظاهرة؟ أخلى صاحبي بتاع الالانترا الجديدة يجيبهالي من دبي بعد العيد؟ ولا المشاكل ظهرت ف الخليجي كمان؟ وهو مش نفس المصنع بيجمع لمصر والخليج؟ ولا العربيات اللي بتنزل مصر فرزة؟

اريح نفسي من ده كله وانفذ ف سيراتو؟ مع انها اضيق من جوة وعلى الرغم برضه من مشاكلها؟ انا قريت هنا ف منتدى الكيا انه السيراتو صوتها عالى ع السرعات، والهوا بيصفر فيها، وبتدبدب من ورا... الكلام ده صح؟ واحد ف معرض في المهندسين قاللي ده الجنط الـ17 بس، والباقي طيب ايه؟

أمشي جنب الحيط واخد أول الانترا 2011 اوتوماتيك بـ 96 ألف؟ العربية والله ما عاجبني صالونها خالص ومستخسر فيها الفلوس، مع ان هيونداي وغبور لا غبار عليهم. والله بدأت أفكر اشتري أوروبي، فيات لينيا ولا بونتو مع انهم عربيات صغيرة، البرافو بعيدة عليا شوية.

انا متأسف على التطويل، بس مش كل يوم هصرف 100 ألف على عربية.