يا جماعة أرجو النصيحة لوجه الله.. كروز؟

**kamalsalem** · 15-08-2010 03:47 PM

المشاركة الأصلية كتبت بواسطة gabrial

حدوث مشاكل في أي عربية وارد يا أستاذ كمال ،منصور مقدور عليه في الصيانة بس لو ظهرت مشاكل صراحة هتتعب , لو حضرتك هتكون قلقان يبقى مش هتستمتع أبداً ،مش معك في موضوع إلنترا الشكل القديم ،الجديد خلاص قرب ،لو تستحمل شوية و تشوف إيه نظامه .
موضوع انك تجيب الشكل الجديد من برة أنا لسة بقول فيه مخاطرة و حضرتك واضح انك قلقان ،طيب خدت فكرة عن سيراتو ؟

والله يا باشا فتحت موضوع هناك ف كيا والناس مطمئنة أكتر، بس من ناحية تانية 90% من اللي راكبين مقضينها خليجي. ف أتا مش عارف سر الهجوم الشرس على الكروز، امبارح واحد في المهندسين بيقوللي وحشة، ليه يا عم، مفيهاش فتحة سقف... طب ده كلام؟

ظهور العيوب وارد انشالله ف بي ام دبليو مدام مصر بتقبل دخول عربيات فرز تاني وكدة وكله بيتباع زيرو، ومدام الوكيل مقدور عليه هستخير تاني وأشوف

**Gabrial** · 15-08-2010 03:54 PM

المشاركة الأصلية كتبت بواسطة kamalsalem

والله يا باشا فتحت موضوع هناك ف كيا والناس مطمئنة أكتر، بس من ناحية تانية 90% من اللي راكبين مقضينها خليجي. ف أتا مش عارف سر الهجوم الشرس على الكروز، امبارح واحد في المهندسين بيقوللي وحشة، ليه يا عم، مفيهاش فتحة سقف... طب ده كلام؟

ظهور العيوب وارد انشالله ف بي ام دبليو مدام مصر بتقبل دخول عربيات فرز تاني وكدة وكله بيتباع زيرو، ومدام الوكيل مقدور عليه هستخير تاني وأشوف

ربنا يوفقك يا أستاذ كريم و أي إستفسار تحت أمرك ،خليها على ربنا و إن شاء الله كل خير .
أنا برضه بخاف من موضوع الخليجي دة ،أنا لما بجيب موبايل ولا حاجة للكمبيوتر أول حاجة بهتم بها الضمان ،فصعب أجب عربية فوق 100 ألف منغير ضمان .
لو هتجيب كيا خليك في الوكيل ،بس افتكر كلامي و إفحص العربية ذي ما تكون بتشتري مستعمل .

**salome** · 15-08-2010 10:52 PM

النصيحه دي فعلا لوجه الله
كروز دي عربيه فاشله وكلها عيوب انا اشترتها وندمت اشد الندم بعد كده وعملتلها جروب علي الفيس بوك بحاول اعرف من ناس تانيه هل هما كمان بيعانو من نفس العيوب دي ولا لا وعلي فكره اي حد بيروح مراكز الصيانه مبيسجلوش اي حاجه فكتيب الصيانه بتاع العميل علشان ميبئاش دليل اثبات عليهم لو حب العميل يا خد حقه باي وسيله
علي العموم الجروب اسمه لكل ضحايا الكروز واهلا باي حد ينضم لينا

**chap** · 29-08-2010 03:30 PM

فعلا يا اخى انا محتار زيك وبفضل بين 3 عربيات
1- الكروز
2-بيرسونا
3- دوستار رينو

كان نيتى على الكروز مانيوال بس طبعا بعد العيب ده قلقت منها
حاجة تحير ياريت لو لاقيت حل قلنا

**kamalsalem** · 29-08-2010 09:25 PM

المشاركة الأصلية كتبت بواسطة chap

فعلا يا اخى انا محتار زيك وبفضل بين 3 عربيات
1- الكروز
2-بيرسو
3- دوستار رينو

كان نيتى على الكروز مانيوال بس طبعا بعد العيب ده قلقت منها
حاجة تحير ياريت لو لاقيت حل قلنا

والله يا باشا بعد مداولات عديدة انا رسيت ع الكروز وهتلاقي في القسم صور عربيتي بره وجوة، والعربية تحفة والله العظيم بس عايزة فهم وتعود

الرينو داستر شكلها من بره جميل بس اللي مش عاجبني انه صالونها عامل زي اللوجان شويه على كبير، واسعار قطع الغيار وسعر اعادة البيع في الرينو مش قد كده (مع انه فيه ناس كتير مش متفقة معايا ع النقطة دي)

البيرسونا واحد صاحبي باهعا قال ايه بتاكل بنزين مع ان الكروز حراقة جداً في البنزين، بس انا كنت ف ماليزيا وبقولك ابعد عم البروتون، اللي بيجيلنا مصر الموديلات اللي مش حلوة عندهم