اشتريها منين؟؟؟-وايه الفرق؟؟

**warDaya** · 13-08-2010 03:07 PM

السلام عليكم ورحمة الله

انا الحمدلله استقريت هاجيب بيكانتو ..

بس عاوزه اعرف اجيبها منين؟؟؟

ايه الفرق بين اني اجيبها من التوكيل او من اي موزع عادي برا التوكيل؟؟
هو مش اي معرض عربيات بتبقى بردو العربيه اللي طالعه منه تبع ضمان ماركتها؟

يعني لو كيا جبتها من اي معرض تاني مش هاتبقى تبع ضمان ال5 سنين بردو؟؟

حاجه تانيه ياريت يا جماعه حد يقولي اقرب فرع من مدينة نصر لتوكيل كيا يقولي..
ولو حد عارف مواعيد رمضان ايه بردو ياريت

ويبقى جزاكم الله الف الف خير يارب

**M.ABDEEN** · 13-08-2010 03:13 PM

اهلا بيك يا باشا معانا ومبروك مقدما
يفضل انك تجيب وكيل طبعا واللي اعرفه هو في المعادي قريب من مستشفى النخيل
وفي تقريبا في مدينة نصر بس مش عارف ده معرض ولا موزع
وفيه طبعا التوكيل في روكسي جنب بنزينة التعاون
وعندك محمد زكي موزع معتمد لكيا في القطامية نهاية محور الشهيد مع الدائري وطبعا الموزع لازم يكون معتمد والمواعيد في رمضان غالبا من 8 ونص كده تقريبا

**warDaya** · 13-08-2010 03:23 PM

المشاركة الأصلية كتبت بواسطة m.abdeen

اهلا بيك يا باشا معانا ومبروك مقدما
يفضل انك تجيب وكيل طبعا واللي اعرفه هو في المعادي قريب من مستشفى النخيل
وفي تقريبا في مدينة نصر بس مش عارف ده معرض ولا موزع
وفيه طبعا التوكيل في روكسي جنب بنزينة التعاون
وعندك محمد زكي موزع معتمد لكيا في القطامية نهاية محور الشهيد مع الدائري وطبعا الموزع لازم يكون معتمد والمواعيد في رمضان غالبا من 8 ونص كده تقريبا

شكرا جدا على ردك...انا كنت خايفه ماحدش يرد عليا

بس بردو ماقولتليش ليه يفضل من التوكيل؟؟؟

وايه الفرق بين المعرض والموزع؟

**ابو ليلى** · 13-08-2010 04:45 PM

المشاركة الأصلية كتبت بواسطة wardaya

شكرا جدا على ردك...انا كنت خايفه ماحدش يرد عليا

بس بردو ماقولتليش ليه يفضل من التوكيل؟؟؟

وايه الفرق بين المعرض والموزع؟

التوكيل علشان طبعا الضمان 5 سنوات ودى ميزة كبيرة جدا لو عملوها صح

المعرض بياخد من الموزع والموزع بياخد من التوكيل

يبقى مين ارخص واحد فيهم .التوكيل - الموزع - المعرض .

**A.Saad** · 13-08-2010 06:17 PM

[color="indigo"]الموزع بيقدر يدى خصم احسن من التوكيل

ومحمد زكى معرض محترم
ليه فرع فى المعادى وفرع فى فم الخليج
/color]

**warDaya** · 14-08-2010 01:37 AM

بجد شكرا ليكم كلكم يا جماعه جزاكم الله الف خير والله

انا النهارده اتفحت وطلعت عيني
انا كنت مقرره اشتري زيرو عشان اترحم من اللف والدوشه بتاعة المستعمل
اتفاجئت النهارده اني عشان اشتري عربيه لازم اتطحن

الوكيل لازم احجز وتيجي في خلال شهرين(انا شايفه ان دي حاجه مش عمليه نهائي...يعني لما الواحد بياخد قرار ويجهز فلوسه ..اموره كلها بتتظبط ان العربيه تبقى معاه في هلال 3 ايام بالكتير...مش شهرين!!!!) ماااا علينا
المشكله كمان ايه ان البيكانتو غليت...بتاعة 2011...بس قولت يلا عادي ماعلينا...اللي دايقني هو عدم توفرها في الوكيل

قولت خلاص كلمت كذا معرض قالولي اه متوفره وشرفي يا فندم والكلام ده
اروح
مالاقيش حاجه
وايه يا جماعه ازاي اللي ردو عليا في التليفون قالوا في..ازاي اجي تقولولي مافيش؟؟
قعدت 4 ساعات ونص بلف
على كل انواع معارض السيارات
اللي غاظني اكتر
مافيش ولا معرض عنده بيكانتو بضمان الوكيل
لو في...بيبقى خليجي..
ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!
يالهوي!! يعني هو عاوز يبيعهالي بنفس سعر الوكيل وكمان يزود 2000 جنيه توكيل وسنه!!!

اتغاظت جدا جدا جدا
وغالبا مش هاعرف اجيب بيكانتو
مش لاقياها في البلد دي اصلا!!!

حاجه تغم النفس والله

وربنا يكتب اللي فيه الخير :(

**som3aa** · 14-08-2010 02:53 AM

ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!

لو حضرتك دفعتى الزيادة دى مش بتاخد ضمان وكيل, بتاخد ضمان تبعهم كدا اى كلام غالبا لما بيحصل مشاكل كبيرة بيحاولوا يتهربوا و مش مضمونين زى التوكيل.
حضرتك عندك
.:: KIA MOTORS ::.
ادخلى هنا و اختارى dealers showrooms و كلميهم كلهم فى القاهرة و الجيرة و اسالى عن العربية ,لو موجودة عندهم حضرتك هتستلميها علطول لو مش موجودة يبقى حضرتك لازم تستنى الشهرين و متشتريش خليجى بنفس سعر الوكيل ابدا
دول موزعين معتمدين و بيبقوا غالبا محترمين.

**A.Saad** · 14-08-2010 05:19 PM

المشاركة الأصلية كتبت بواسطة wardaya

بجد شكرا ليكم كلكم يا جماعه جزاكم الله الف خير والله

انا النهارده اتفحت وطلعت عيني
انا كنت مقرره اشتري زيرو عشان اترحم من اللف والدوشه بتاعة المستعمل
اتفاجئت النهارده اني عشان اشتري عربيه لازم اتطحن

الوكيل لازم احجز وتيجي في خلال شهرين(انا شايفه ان دي حاجه مش عمليه نهائي...يعني لما الواحد بياخد قرار ويجهز فلوسه ..اموره كلها بتتظبط ان العربيه تبقى معاه في هلال 3 ايام بالكتير...مش شهرين!!!!) ماااا علينا
المشكله كمان ايه ان البيكانتو غليت...بتاعة 2011...بس قولت يلا عادي ماعلينا...اللي دايقني هو عدم توفرها في الوكيل

قولت خلاص كلمت كذا معرض قالولي اه متوفره وشرفي يا فندم والكلام ده
اروح
مالاقيش حاجه
وايه يا جماعه ازاي اللي ردو عليا في التليفون قالوا في..ازاي اجي تقولولي مافيش؟؟
قعدت 4 ساعات ونص بلف
على كل انواع معارض السيارات
اللي غاظني اكتر
مافيش ولا معرض عنده بيكانتو بضمان الوكيل
لو في...بيبقى خليجي..
ويقولي لو عاوز ضمان وكيل..يبقى ندفع 1500 او 2000 وتاخد ضمان وكيل سنه!!!
يالهوي!! يعني هو عاوز يبيعهالي بنفس سعر الوكيل وكمان يزود 2000 جنيه توكيل وسنه!!!

اتغاظت جدا جدا جدا
وغالبا مش هاعرف اجيب بيكانتو
مش لاقياها في البلد دي اصلا!!!

حاجه تغم النفس والله

وربنا يكتب اللي فيه الخير :(

ده مش توكيل
ده خليجى وبيدوكى عليه ضمان وفيه ناس اشتكت من الشركات والمراكز اللى بتدى الضمان ده
انتى عايزة لون ايه
مانيوال ولا اوتو
كاش ولا قسط

-

-

الموضوع: اشتريها منين؟؟؟-وايه الفرق؟؟

LinkBack

أدوات الموضوع

عرض

اشتريها منين؟؟؟-وايه الفرق؟؟ - انشر الموضوع فى :

-

-

-

-

-

المواضيع المتشابهه

كم سعر كيا سول خليجي اعلي فئه و اشتريها منين

gen 2 or persona ? وايه الفرق

beans bag اشتريها منين أرخص

طلمبه بنزين الانوس منين اشتريها

نواكل الماتركس اشتريها منين؟

الكلمات الدلالية لهذا الموضوع

المفضلات

المفضلات

ضوابط المشاركة