-
سحور وحوش اللوجانيه
السلام عليكم ورحمة الله وبركاته
ياجماعه عايزين نتجمع في الشهر الكريم على السحور سوا في اي مكان نختاره سوا مع بعض وتبقى فرصة نقابل في الشهر الكريم وناكل عيش وملح مع بعض ونصلي الفجر حاضر سوا باذن الله
وده اقتراح اخونا المشمهندس شريف محمد ويكون سحور يوم الخميس بعد القادم علشان يبقى صابح الجمعه ان شاء الله
يعني نتجمع على السحور مساء يوم الخميس الموافق 26 / 8 /2010
وياريت يكون في تأكيد للحضور علشان اللي هنوافق على المكان اللي اقترحه يقوم بالحجز في المطعم وياريت يكون المكان فيه اكتر من مطعم ويكون فيه مسجد كبير قريب
وانا بدعوا اخونا بيشوي يشرفنا وياكل معانا عيش وملح لان رايه مهم وافكاره تحترم
ايه رايكم
-
طبعا موجود بأذن الله وانا الى اقترحت ع المهندس شريف ده لما تقابلنا وقاله السحور هيبى افضل قولتله طبعا وقولتله يبقى ف مكان واسع وكويس وبدره انا شايف التجمه ونفس المنطقه حلوه وبركن كبير وفيه هنا مطاعم واماكن لشرب العصائر حاجه جميله ومكان جميل ركنه ومطاعم وعصائر ومسجد ماشاء الله كبير
وطبعا مستنين اراء لوجان وشكرا ليك ياستاذ خالد لطرحك الفكره
-
ياباشا الشكر لله وحده ويد الله مع الجماعه وانا ان شاء الله من غير شر اول الحاضرين باذن الله
-
ياريت لو وحوش اللوجان في اسكندرية وفي اسوان وكل مجموعة في مكانها تتجمع ويتسحرو سوا ويكتبولنا نتيجة لقائهم
ولو كان في نفس اليوم يبقى حاجه جميلة وتقليد جميل نثبته في كل رمضان
وكل رمضان وانتم طيبين
-
-
ان شاء الله ياستاذ خالد
المكان ياستاذ ahfares لغايه دلوقتى
ان شاء الله التجمع الخامس الحى الثالث بجانب مسجد الحمد
-
يا جماعه السحور او تجمعنا عموما هيبقى فيه فايده كبيره يعني مثلا اخوانا في اسوان او اسكندريه تخيل انك محتاج المراية الكهرباء ازاي هتيجي تجيبها من شارع دمشق مش ممكن انا اروح احجزهالك وانتا تعمل حواله بريديه نبعتهالك dhl ونتفق مع المحلات اللي هتشترك معانا والا انا بحلم واكبر دماغي وخلاص ياريت رد صريح ونستريح ونقعد في البيت لغاية اول مشكلة لاي حد نقعد نصرخ لازم نتجمع ونقف مع بعض
اللهم بلغت اللهم فاشهد
-
انا جاي باذن الله لو السحور في المريخ بس لو ابعد مش هقدر وكل عام وانتم بخير
-
ياريت يا جماعة نتكلم مع الناس بتاعة التوكيل اننا يمعنا عنكم كذا في منتدى نايل موتورز علشان يديهم برضوا احساس ان شغلهم متراقب وبيسمع وان ده بيعملهم سمعه كويسه او وحشه اعتقد ده ممكن يفرق في الاهتمام شويه وعلى الاقل مره ورا التانيه يحسوا ان عددنا كبير طالما ان فكرة اننا نتقابل ونتفق على شكل للتعامل مع التوكيل وغيره موضوع صعب جدا وشبه مستحيل يبقى على الاقل الصيت ولا الغنى
-
ان شاء الله ياستاذ خالد وياريت نحدد ميعاد علشان يبقى معروف لكل من قبل الميعاد
Content Relevant URLs by
vBSEO 3.6.0 PL2