الموضوع: في تسجيل صوتي.."كاميليا" تطلب الصلاة عليها لو لم تعد

[

المشاركة الأصلية كتبت بواسطة ahmed hassan

انا شخصيا معنديش مشكله في اي مناقشه موضوعيه... بس هل احنا نعرف حقيقة الموضوع ايه علشان نناقشه؟
ثانيا واقع حياتنا بيقول ان احنا -معظمنا- مش بتوع مناقشه منطقيه... و ده شيء ممكن نتعايش معاه في مواضيع عاديه زي السيارات مثلا ... لكن المواضيع الحساسه لازم نتفادى النتائج السلبيه اللي ممكن تنتج عن مناقشتها... لان حتى لو ١٠٠ عضو تناقشوا بتعقل و موضوعيه ممكن واحد بس يدخل يضرب "كرسي في الكلوب" و يبوظ الدنيا.. و اظن الكلام ده مش جديد و كلنا شفناه في حياتنا.

اقرا الرد ده براحة

المشاركة الأصلية كتبت بواسطة بحري

- لا أعلم في الحقيقة ما هي طبيعة التوثيق المطلوب لخبر مثل هذا..مظاهرات أمام الكاميرات وخبر تسليم كاميليا ومن قبلها للكنيسة وتصريحات من مسؤولي الكنيسة بأنها حاليا تخضع لغسيل دماغها المغسولة في مكان مجهول..مش فاهم إيه المطلوب أكثر من كده عشان نعرف نفهم الأخبار ونحللها

وبعدين الناس اللي اعترضت جابت خبر من اليوم السابع منقول فيه الكلام ده بالنص..والتوبيك ده مبنى على خبر من جريدة المصريون والكل يعلم مصدر أخبار المصريون وأنها قريبة الصلة جدا بدوائر نافذة في سياسة البلد...الموضوع واضح وضوح الشمس..وأرى أن الاستناد إلى فكرة عدم توثيق الخبر هو ضرب على وتر غاية في الضعف...الخبر أوثق من أن يوثق

- ممكن أقول إيه المطلوب ببساطة...نطلب إن كاميليا تظهر على شاشة التليفزيون تقول إنها مش مجبرة على شئ ولا مسجونة ومش عاوزة تدخل الإسلام..مش ده برضه حل كويس؟!.. يبقى ليه مناخدش بيه...النتيجة معروفة طبعا

- ومنذ متى وكل الناس تستطيع إجراء أي مناقشة بهدوء..يوجد دائما منفلتو الأعصاب ومن ليست عندهم قدرة على ضبط انفعالاتهم..إذا فالحل بهذه الطريقة هو غلق باب المناقشة حول أي شئ بدءا من هذا الموضوع وانتهاء بالنقاش حول أفضل أنواع الآيس كريم مرورا بالسيارات الكوري والصيني بحسب تخصص المنتدى

- أعيد التذكير مرة أخرى حتى لا تجرفنا الكلمات....
--- الواقع هو ما يحدد وجود مفاسد وخسائر من عدمه وهذا الموضوع ما هو إلا انعكاس للواقع وليس هو البادئ بالمشكلة..ولو أغلق الموضوع أو تم حذفه ونام من طالب بذلك هنيئا قرير العين أن (نايل موتورز منطقة خالية من الحساسية) فسيظل الواقع المؤلم المرير كما هو..يضغط على أعصاب الناس يوميا ويسكب في جراحهم المفتوحة أطنانا من الملح
--- والحل أن نتكلم مع بعضنا بهدوء وتعقل بقلوب مفتوحة وعقول واعية

نسأل الله أن يهدينا لما اختلف فيه من الحق بإذنه إنه يهدي من يشاء إلى صراط مستقيم

فادي بيكاتشو...
- أولا لا أعلم ماهو مصدرك لفيديوهات الدهس هذه لاسيما وإنك غير متأكد من كونها في الأقصر أو أسوان...أظن ده لا يتسق مع منهجيتك وأسلوبك منذ بداية الموضوع والمطالبة بالتحقق من صحة الأخبار...ممكن نعرف فين الخبر ده وكيف تم التعامل معه حكوميا وأهليا
- لا أدري لماذا تريد تصوير الواقع في مصر على أن هناك الآلف واقفة منتظرة دورها في إنهاء أوراق تنصرها والمانع الوحيد هو فقط أخبار الدهس التي تتكلم عنها
- على سبيل التنزل والفرض الجدلي في المناقشة..هل تقصد أن هذه بتلك..يعني اللي عملته الكنيسة في موضوع وفاء قسطنطين وكاميليا هو نوع من المعاملة بالمثل..أو أن حادثة الأقصر المزعومة هذه تعتبر مسوغا لاختطاف كاميليا مثلا
- لا أعلم ماذا يعني أن قريبك هذا حبس أسبوعا..وبعد ذلك صدر صده حكم بالحبس لمدة شهر...ما هو الأسبوع الأول..وهل تم تنفيذ الشهر الثاني..وماهي ملابسات هذه القضية وبماذا كان يدافع هذا الأب الكاهن عن نفسه..كان بالسلاح الناري مش كده ولا أنا غلطان

المشاركة الأصلية كتبت بواسطة fadod

هي مش الادارة كان من أهم بنودها عدم التطرق للمواضيع الدينية والسياسه ،،،،طيب فيه إيه حصل
..طيب حتي لو الموضوع مافيهوش خروج عن النص وكل الأعضاء بيتكلمو في حدود ..هيسيب حزازيات في النفوس بين الناس بعد كده ..واحنا عايزين المنتدي يكون منتدي محترم وفيه حب بين اعضاؤه
هتتكلم امتى ازاي نشيل البلد من اللي فيها ونخليها بلد محترمه ومتقدمه ..متبصو لكل الدول اللي حوالينا..
هنحب بعض امتى ...دينين اتنين ومش عارفين نعيش في سلام ، امال البلاد اللي فيها مئات الاديان يعملو إيه ..مكل واحد يخليه في نفسه ويتبع الدين اللي شايفه صح ويسيب الناس اللي حوله









طيب أنا عايز أفتح دلوقتي موضوع عن البرادعي وازاي أنا شايف إنه أحسن رئيس مترشح وعايزين بردو وفي حدود الأدب ...وعدم الخروج عن النص .. نتكلم عن الموضوع داه ، ياريت رأي الإدارة لو سمحتم

دينين أصعب من مية دين

المصريين متدينين بطبعهم سواء مسلمين أومسيحيين عكس غالبية الأمريكان

عايز تفتح موضوع عن البرادعي ...تعالى افتحه من هنا يا بطل :)

انما تفتحه و انت هناك ومعاك الزمابورت الأزرق و تسيبنا هنا بالأخضراني الحلو لا
لااااااااا يا فادي

الاخوة الافاضل

اولا المسيحيين
هي الست كانت زعلانة مع جوزها؟
طيب الراجل قوم البلد كلها ليه
و الكنيسة مقالتلوش ساعتها روح على بيتكم يا راجل ياللي جايب الناس دي كلها لييييييييييييييه
لا سابتهم عادي

طيب الست زعلانة مع جوزها
طيب جوزها جايب الناس و بيقولو انه هو و هي كانو زي السمن على العسل
يبقى مخطوفة
حلو
مين اللي خطفها
الاشكيف المخيف
و ما اتجابش من قفاه ليه

لا لا
يا جماعة دي طلعت زعلانة مع جوزها
حلو
يعملولها غسيل دماغ بقى ليه
و يخفوها لييييييييييييه
ميسيبوها تطلع تحكيلنا هو مزعلها في ايييييييييييييييييييييييي ه

لا لا
ده ده ده
ده الظاهر كده و الله اعلم ان الموضوع في عفريت
و علشان كده هم بيطلعو العفريت

اديييييييييييييني عقلك

ثانيا المسلمين

هو كلامكم ده هيجيب الست
و لو الست طلعت منشكحة و قالت المسيحية ديني و مذهبي هنرتاح كلنا
هنمسك في الكاهن صح

و ليه و ليه
حد هيعبرنا

لا طبعا
و لو مجابوهاش
في التليفزيون او الراديو او البوتاجاز

هنعمل ايييييييييييييييييه

و لا حاجة

قومو ناموا مفيش فايدة

فادي تاني..ومعلش مشوفتش المشاركة دي إلا دلوقتي عشان النت عندي ضعيف

ومعلش حضرتك كنت هترضى وتسكت لو كان القضاء اد الحق لواحد انة يتزوج واحدة خمسة ؟
ولا ساعتها هتقول عادى ما القضاء ادالة الحق

لأ طبعا ..مش ممكن القضاء يعمل كده..عشان في حاجة اسمها دستور وماشي على الكل..لكن أن أطالب بتطبيق القانون على الكل واستثنائي منه فهذا أمر غير مقبول...ده الكلام النظري
كلامي أنا بقى..اتفقوا الأول على قانون الأحوال الشخصية الخاص بكم وبعد ذلك نتناقش
والقضية هنا كما ذكر أحد الإخوة ليست في إرغام الكنيسة الأرثوذوكسية على مخالفة ما يقولون أنه تعاليم الإنجيل..القضية كانت أنه طالما الكنيسة أعطت حق الطلاق والزواج الثاني بدون علة الزنا فلماذا لم يحدث نفس الأمر مع طليقها
وأذكرك وأذكر القراء أن من رفع القضية على الكنيسة هو أرثوذوكسي وليس أي أحد آخر

بص انا مش هقولك غير ان برضوا الاخبار نشرت تفاصيل عرض ملف الاب الكاهن على البابا شنودة

يعني إيه الأخبار نشرت عرض تفاصيل...إلخ..مش فاهم الجملة دي إطلاقا..يعني دلوقتي إحنا ممكن نعرف التفاصيل وللا لأ؟ ..لو عندك ياريت تقولهالنا

الى حضرتك مش متخيلة حصل بقى نعمل اية ؟

هل إنت راضي عن ردك ده..لو إنت راضيه فأنا لا أرضاه لك في وسط هذه المناقشة الجادة
كاهن من الصعيد ينظم مظاهرة بالمئات في الكاتدرائية ومقر إقامة البابا بدون رضاه...مش فاهم إزاي وكيف أتته الجرأة لفعل ذلك..لو معندكش رد مقنع مفيش مشكلة الموضوع بسيط

معلش مش فاهم نقطة اسباب اقمتها وسيناريوهاتها دى؟

حاول تفكر فيها وإنت هتفهمها لوحدك وممكن تراجع النقطة السابقة توضحهالك أكتر

وحضرتك انا مش عندى كلام على النقطة دى لانها ببساطة عاشت حياة الرهبنة واسال على حياة الرهبنة وانت تعرف الاسباب

طيب عشان المشاكل بس والقيل والقال والاتهامات المتوالية على الكنيسة بالليل والنهار بأنها قتلتها كان يمكن قبل أن تدخل حياة الرهبنة أن تقوم بالإعلان عن ذلك..فقط حتى يسكت المشككون

الرقم ولا صعب ولا حاجة بس مافيش احصائيات سليمة فى هذا الموضوع

واحب اقولك ان عدد المتنصرين حول العالم فى ازدياد كبير وبارقام فلكية ودا مثبت بالابحاث

ولكن فى مصر الكل يخاف من القتل

أنا عارف إن مفيش إحصائيات سليمة ولا حتى غير سليمة..الموضوع مش محتاج إحصائيات وأكيد إنت وكتير جدا عارفين ده كويس
وحكاية المتنصرين حول العالم بأرقام فلكية دي أنا مش عارف برضه مصدرك لها إيه...العالم غيرنا بقى وعنده إحصائيات دقيقة..فياريت لو تدلنا على إحصائية من دول حتى لو تقريبية

وموضوع القتل في مصر ده بيتقال في وسائل الإعلام المهجرية فقط...لكن لو تعرف برضه تقولنا وقائع محددة غير مرسلة وبأسماء معينة نكون لك من الشاكرين