شقة 26 متر!!!!!!!!!!!!!!!!

**elassar2010** · 13-08-2010 05:07 PM

اقتحم اليوم الخميس 90 أسرة من أهالى الدويقة المقيمين بمساكن أوراسكوم بـ6 أكتوبر مساكن الشركة الخالية والتى تقدر مساحتها 63 متراً، وذلك اعتراضاً على مساحة الشقق التى سلمتها لهم محافظة القاهرة والتى تقدر بـ26 متراً، كما قام الأهالى بفتح أسطوانات الغاز على أفراد الأمن التابعين للشركة.

الجدير بالذكر أن 90 أسرة من مضارى الدويقة الذين تم نقلهم من إلى مساكن أوراسكوم بالسادس من أكتوبر بعد إزالة منازلهم طبقاً لقرار اللجنة الفنية الجيولوجية التى شكلها الدكتور عبد العظيم وزير محافظ القاهرة لفحص صخور هضبة المقطم والتى أوصت فى تقريرها بإزالة 13 نقطة بالدويقة ضمن مواطن الخطورة الداهمة وتمت إزالة هذه المساكن ونقل بعضهم إلى مدينة النهضة والبعض الآخر إلى مساكن أوراسكوم فى وحدات سكنية لا تتعدى مساحتها 26 متراً بالمخالفة لما هو منصوص عليه فى عقود التسكين والتى نصت على أن المساكن البديلة مساحتها 63 متراً.

وحرر أحد أفرد الأمن بالشركة محضراً ضد الأهالى يحمل رقم 5543 إدارى أكتوبر، ومازال التوتر قائماً بين الشركة والأهالى.

**Adham** · 13-08-2010 05:25 PM

ازاي شقة 26 متر

رسيبشن صغير 4 *4 = 16 متر
اوضة صغيرة 3*3 = 9 متر
ّاوضة تانية = 9 متر

حمام و مطبخ و ليكن 4 متر عالاقل

اجمالي 38 متر صافي

اعتقد دة اقل شقة ممكن يتقال عليها شقة

حتى و لو شقة ايواء

**hon** · 13-08-2010 06:06 PM

ناس فى 26 متر وناس فى 26 ألف متر
حسبنا الله ونعم الوكيل فى الفساد

**blazer** · 13-08-2010 06:33 PM

كويس انهم عملوا كدا
يعنى يدوا ملايين الفدادين ببلاش للمليرديرات ويسيبوا الغلاه فى الجحور

**msfahim** · 13-08-2010 11:02 PM

للأسف الشديد ممكن يكون منصوص بالعقد المساحه الصافى 63 متر قابله للنقص و الزياده وبذلك يكونوا أمنوا نفسهم قانونيا وابقى سلملى على المحاكم -انا تعرضت لموقف مشابه و مش عارف اعمل ايه.

**hon** · 14-08-2010 12:05 AM

مع أحترامى لحضراتكم 26 متر دى مش شقة
بالمقاسات دى تبقى جحر
أعتقد فى مدافن أكبر من كدا بكتير

**Khaled_Nowaihy** · 14-08-2010 12:19 AM

المشاركة الأصلية كتبت بواسطة Adham

ازاي شقة 26 متر

أقول لك
1- رسيبشن صغير 4 *4 = 16 متر مساحة مفتوحة تشتمل على الحمام والمطبخ !!!
2- اوضة صغيرة 3*3 = 9 متر ماشى
---- ّاوضة تانية = 9 متر ما فيش

---- حمام و مطبخ و ليكن 4 متر عالاقل مافيش

اجمالي 38 متر صافي يبقو 25