مشكله ماس كهربائى فى العربيه

**m4th** · 13-08-2010 09:14 PM

السلام عليكم
كل سنه و انتوا طيبين بمنسابه الشهر الكريم و ربنا يعيده علينا باليمن و البركات ان شاء الله

حصلى النهارده موقف مش لطيف خالص

و انا طالع الصبح بعد ما فتحت الازاز لفيت الجو حر اوى , قلت افتح التكييف

الازاز مش عايز يطلع , ولا اى ازاز بيستجيل خالص , قلت ما علينا مشيت رحت المحل

ركنتها ادامه لانها مفتوحه , جاى اقفل الانذار برده مفيش اى حاجهخ مش راضى يقفل ولا يفتح ولا بيعمل اى رد فعل

رحت للكهربائى اللى مركب الانذار عنده , قالى الفيوز ضرب و غيره , كله اشتغل تمام

مشيت شارع واحد و فى اخره جاى افتح الازاز , نفس الموضوع اتكرر تانى مع الازاز و الانذار

رجعت قالى فى حاجه بتضرب الفيوز و طلع الازاز الخلفى اللى على اليمين

كل ما تفتحه او تفقله الفيوز يضرب , جرب واحد تانى الفيوز ضرب و طلع دخان , فجأه لقيت الراجل بيصوت و بيقولى المروحه فاصله من امتى ؟؟؟؟؟

قلت له مروحه ايه يا عم الحج

قالى العربيه سخنه جدا , فتح قربه الميه فتحه صغيره اوى , نزلت كميه ميه رهيبه
و دخان طالع و حاجه ما يعلم بيها الا ربنا
قلت خلاص العربيه بتودع

المهم قالى هيشوف الموضوع ده , قالى العربيه فيها ماس و لازم يمشى على الضفيره كلها عشان يحدد مكانه منين
و انه احتمال يغير ضفيره الباب

السؤال بقى هل فعلا فى حاجه اسمها كده و ايه علاجها

ايه ممكن اعمله عشان اتأكد ان كهربه العربيه سليمه , يعنى لما بنشترى عربيه فى حبه حاجات بتغغير سير كاتنه و سيور و زيوت و بتاع

فى حاله الكهربا بقى نعمل ايه ؟ ايه اللى اغيره
عشان الحمد لله انها عملت كده عنده , كان زمانها ولعت بيا

و شكرا

**samirayad** · 13-08-2010 10:20 PM

هو مش فيه عندك عداد حراره ولا مفيش

**محمد الشامي** · 13-08-2010 10:59 PM

نصيحه متخليش اي كهربائي يمد ايده في العربيه , و روح لحد فاااااااهم

لو حضرتك تقدر تروح لمحمد السيد في الدقي روحله , وعن تجربه والله الراجل ده فاهم كوري صح وشغله نضيف

**tarek_2005** · 13-08-2010 11:13 PM

ضفيرة الباب شيء بسيط جداً ولكن قبل تغيرها يجب عمل عدة اختبارات هل
1 - موتور رفع الزجاج سليم
2 - زراير رفع الزجاج الي في الباب والعمومية بباب السائق سليمة
3 - الكابلات عادتاً الي بين الباب والقائم سليمة ومارة في الكفر الخاص بها

كل هذا قبل تغيير اي شيئ لان هناك اسباب عدجيدة كما تري ولا يمكن الجزم باي شيئ تالف منها الا بعد اجراء اختبارات وعدم تغيير شيئ الا بعد التناكد من تلفه

**احمد المصرى** · 14-08-2010 12:36 AM

المشاركة الأصلية كتبت بواسطة محمد الشامي

نصيحه متخليش اي كهربائي يمد ايده في العربيه , و روح لحد فاااااااهم

لو حضرتك تقدر تروح لمحمد السيد في الدقي روحله , وعن تجربه والله الراجل ده فاهم كوري صح وشغله نضيف

+1111111111111111111111

**popahly** · 14-08-2010 03:50 AM

الحمد لله انك حليت المشكلة علشان مشاكل الكهرباء دى بتضايقنى وبترعبنى لإنى اتشكيت من نفس العملية دى قبل كدا وربنا يعوض عليك ويسترها معاك ومعانا

بس سؤال كاربراتير ايه اللى حضرتك بتقول عاوز يتنضف ؟

**tarek_2005** · 14-08-2010 11:30 AM

المشاركة الأصلية كتبت بواسطة m4th

قالى ملحوظه ان دوره [gdwl]الكابرتير[/gdwl] عايزه تتنضف عشان فيها صدأ
دى تحتاج ايه و تتعمل عند ميكانيكى ولا مين بالظبط ؟
و تتكلف فى حدود كام

و شكرا لكل اللى ردوا و شرفونى

تاكد من اللفظ هو الردياتير وليس الكابرتير

الردياتير هو خاص بدورة التبريد بالماء
ويتم تنظيفه اما عند بتاع الرداتيرات او في محطة بنزين محترمة لديها جهاز غسل دورة التبريد

**محمد الشامي** · 14-08-2010 11:03 PM

المشاركة الأصلية كتبت بواسطة m4th

انا اسف انا قصدى كان على دوره مياه التبريد فعلا الرايدياتير , معلش عندى دى

طب تتكلف كام دى , و احط فيها بعد كده ميه عاديه ولا ميه خضرا ؟

اعتقد التنضيف هيكون في حدود 20 او 30 جنيه (مش متأكد) ده لو تنضيف بجد , يعني يفك الردياتير والعلب بتاعته ويغسل ويسلك وينضف ,,,,, الخ

لكن لو هتكتفي بإنك تغيير الميا وتحط اي مزيل املاح وصدأ يبقا اعملها بنفسك احسن

وبعد عمليه التنضيف حط ميا خضرا من نوع iada الأسباني , سعر العبوه 25 جنيه للـ 5 لتر

الموضوع: مشكله ماس كهربائى فى العربيه

LinkBack

أدوات الموضوع

عرض

-

-

-

-

-

-

المواضيع المتشابهه

عاوز ميكانيكى و كهربائى و عفشجى كويسين فى المنصوره عشان اعمل صيانة العربيه الماروتى

مشكله في سحب العربيه

مشكله في العربيه في الدواره و صوت العربيه عالي !!!!!!

مشكله في سحب العربيه

اللي يعرف ميكانيكي و كهربائى شاطر وامين وسعره معقول ويكون هوه بيشتغل بأيده في العربيه

الكلمات الدلالية لهذا الموضوع

المفضلات

المفضلات

ضوابط المشاركة