عرض للطباعة
الى كل خبراء المنتدى سؤال ليه عفشة اللانوس مش ناعمة زى الانسر من كام يوم ركبت عربيت واحد صحبى لانسر 2003 لاحظت ان العربية ناعمة فى المشى بكتير جدا عن عربيتى اللانوس 2003 يا ترى فى اختلاف جوهرى بين عفشة اللانوس وعفشة الانسر ويا ريت لو حد عنده راى فى تعديل او تغيير جزء فى عفشة الانوس يا ريت يقولى علشان الكل يستفيد وشكرا
مع اني بسمع دايما ان عفشه اللانسر ناشفه عن اللانوس :-)
عالعموم المساعدين المونرو بتريح العربيه اوي وبتشدها شده حلوه , وكمان لو حاسس ان عندك خشونه في المشي ممكن تغير بلي العجل لنوع كويس وليكن skf , مع إستخدام كاوتش من نوع كويس زي الكومهو والجوديير والبريدجستون والجي تي
اعتقد التركيبه دي هتفرق معاك في الشعور بالراحه في اللانوس
الاستاذ محمد الشامي جاب الخلاصة ولكن البلي اختلف معه في النوع لان skfاليومين دول في مصر اصبح من الصعب جداً معرفة الاصلي من التقليد
وانا ابحث علي م\قاس ورقم البلية لمحاولة توفيقها من جداول شركة فاج حيث ان الفاج هو الوحيد الذي لم يقلد حتي الان
والله يا استاذ طارق كل حاجه دلوقتي في منها المضروب اكتر من الاصلي , للاسف :-)اقتباس:
المشاركة الأصلية كتبت بواسطة tarek_2005
لكن ان شخصيا واثق في موضوع الـ skf ده لاني برشح دايما شركه اتعاملت معاها في شارع رمسيس , والشركه دي هي وكيل skf وحسب كلام المدير هناك انهم كانوا في فتره معينه مسئولين عن توريد بلي العجل بشكل عام لدايو مصر , وبصراحه الناس هناك بيبيعوا الحاجه بسعرها الحقيقي وبصناعتها الحقيقيه
لكن على النقيض تماما لما سألت عن البلي الـ skf في شارع شامبليون و وسط البلد , سمعت مليون سعر ومليون بلد مصنعه , الخ
المساعدين المومرو هتدي العربية ثبات اكتر لاكن هيحس بنشوفة عن المساعدين الاصلي وهو بيشتكي ان العفشة ناشفةاقتباس:
المشاركة الأصلية كتبت بواسطة محمد الشامي
مهو حضرتك لو حسبتها بشكل اخر هتلاقي ان المساعدين الاصلي خفيفه واثناء الاداء بيكون في حمل على السوست كمان , وعشان كده يمكن بيحس ان العربيه بترزع معاه في المطبات او الحفر , لكن المونرو بتمتص الصدمات حلو , ولو باقي الصدمه اتحمل على السوست فـ عالاقل الشعور بالراحه هيكون اعلى من احساسه مع المساعدين التانيه , وطبعا نوع مطاط الكاوتش بيفرق مع الموضوع دهاقتباس:
المشاركة الأصلية كتبت بواسطة mahmoudysf
لكن انا شخصيا من رأيي ان عفشه اللانوس الاصليه (سوست ومساعدين) مش ناشفه ابدا
المشكله مش مشكلة مساعدين خالص
الفكره ان نظام عفشة الانوس الخلفى عفشه متصله زى عربيات كتير ( كروز , كيا سيراتو , رينو فويلانس ) وكل العربيات دى ناشفه لان النظام ده متعب اصلاٌ ولاكن رخيص وسهل الصيانه
اما الانسر فعفشه منفصله وده نظام مريح وعملى بس مكلف فى تصنيعه وصعب الصيانه لتعدد اجزائه
بالنسبه للسؤال حول التعديل من ( متصل ) الى ( منفصل )
فده امر شبه مستحيل فى مصر ومكلف اوى وبدون جدوى
لان الموضوع بنيوى فى اساسات العربيه
وكل ما سبق بالرغم من صحته
الا انه
رأى شخصى
ياريت ياباشا تقولنا مكانه فين بالظبط في شارع رمسيس او نمرة تليفونهاقتباس:
المشاركة الأصلية كتبت بواسطة محمد الشامي
و البلي الاصلي جابته بكام
وكل سنه و انت طيب
اقتباس:
المشاركة الأصلية كتبت بواسطة عصام غنايم
:verygood:
اقتباس:
المشاركة الأصلية كتبت بواسطة maka
كل سنه وانت طيب يا باشا :-)
هي الشركه اسمها (شركه العنتيبي) في شارع رمسيس جنب جريده الجمهوريه , واشتريت منهم البليه الـ skf الاسباني الاصلي بـ 110 جنيه , وهما عارفين كل المقاسات اللي العربيه محتاجاها (امامي وخلفي) , مش زي الناس اللي بتقعد تدور الاول في الكتالوج على مقاس بليه اللانوس
والحمد لله من ساعه لما ركبت البليه لغايه دلوقتي وانا مرتاااح جداااا , والكلام ده من 5 شهور تقريبا او يمكن اكتر
قبل ما اشتري منهم كنت في شارع شامبليون والتوفيقيه وكان سعر البليه واصل هناك لـ 135 جنيه لغايه 195 جنيه والله العظيم , واللي يقول دي اسباني واللي يقول ايطالى واللي يقول كله مضروب , وفضلت اسأل والف لغايه لما من كتر السؤال عرفت من تجار وبالإجماع ان الاصلي عند الشركه دي , والحمد لله وصلتلها وانا حاليا راضي عن البليه تماماً
ببساطة مع احترامي طبعا للانوس
واعتباري احد مالكيها
بس انت ماينفعش تقارن بين ياباني و كوري
علشان تبقي المقارنة عادلة
تقارن بين الهونداي و اللانوس
و اللانسر و التيوتا مثلا
والله كلام حضرتك صح , لكن ده لما بيكون بيقارن حاله عامه مع حاله عامه :-)اقتباس:
المشاركة الأصلية كتبت بواسطة abdo_general
لكن هو بيتكلم عن جزئيه معينه , ولتكن المساعدين مثلا او العفشه ,, زي ما احنا مثلا بنقول موتور الفيرنا اقوي من موتور اللانوس :-) لكن لو اتكلمنا عن الفيرنا بشكل عام واللانوس بشكل عام هنقول اللانوس احسن , صح ولا ايه ؟ :-)
ده كلام سليماقتباس:
بس انت ماينفعش تقارن بين ياباني و كوري
علشان تبقي المقارنة عادلة
تقارن بين الهونداي و اللانوس
و اللانسر و التيوتا مثلا
فالمقارنه لاتكون إلا بين ندين لهما نفس المكونات
فعلا مينفعش تقارن عربية يابانى بعربية عفشتها المانىاقتباس:
المشاركة الأصلية كتبت بواسطة abdo_general
MMamdouh
شكرا الى كل من قام بالمشاركة لكن انا محتار الموضوع محير هل هو مساعدين وسوست ولا نوع عفشة واكون شاكر الافضال
على فكرة الموضوع ده ما بيبنش الا فى الطريق الغير ممهده يعنى اسفلت مش كويس ارجوا الافاده ولوفيه اى تجربةلتعديل العفشة او حتى تغير قطعة معنيه باخرى من نوع اخرياريت
:Ta_clap[1]::Ta_clap[1]::Ta_clap[1]:اقتباس:
المشاركة الأصلية كتبت بواسطة mmamdouh
طبعا انا قدام محمد ممدوح قال حاجةاقتباس:
المشاركة الأصلية كتبت بواسطة MMamdouh
ما اقدرش اتكلم:N_no[1]:
يا استاذ محمد انا عارف ان الدايو تبع جينرال موتورز وهي نفس تصميم الاسترا تقريبا
بس اصلي ركبت الماني برضه موديل 95
وبرضه فيه فرق
فا اعتقد ومش عارف كده هبقي بفتي ولا لاء
انها نفس تصميم عفشة الاوبل بس مش نفس الخامات ولا المكونات
http://www.facebook.com/group.php?gid=24218887020&v=app_2373072738#!/photo.php?pid=31319077&o=all&op=1&view=all&subj=24 218887020&aid=-1&id=1513280355&fbid=1527439035262
الحمد لله راضى عن عفشة اللانوس وربنا يديمها نعمة ويحفظها من الزوال
http://www.facebook.com/photo.php?pi...=1527438315244
كلامك مضبوط... طبعا المكونات مش زى الالمانى لكن التصميم هو هو... و بما ان فيه فرق فى الخامات و التكنولوجيا قديمة شوية فا سعر العربية اللانوس بيبقى رخيص نسبيا مقارنة بالعربيات التانيةاقتباس:
المشاركة الأصلية كتبت بواسطة abdo_general
MMamdouh
السلام عليكم
كل سنه وانتم طيبين
انا من سنه ونص تقريبا غيرت بلية العجله الاماميه يمين وجبتها بـــ 75 جنيه المانى بتاعت الجولف وراكبه الحمد لله زى الفل
الاول رحت جبت بليه صينى الميكانيكى قالى مش هركبها دى هتفرك بسرعه
وقالى روح هات المانى او ايطالى
لحت لبتاع قطع الغيار قالى فى المانى بالشحم بتاعها ودى بتاعة الجولف وبتركب على اللانوس وبـــ 75 جنيه ورجعت الصينى
والميكانيكى قالى على البليه الالمانى انها كويسه
اما بالنسبه للمساعدين فانا غيرتها من سنتين وجبت مساعدين يابانى تركب على اللانوس وكانت اغلى من المساعدين الكورى الاصلى
بس بصراحه محستش بفرق ( نفس الترزيع والدب )
ان شاء الله المره الجيه هجيب مونرو وانا وحظى عشان عفشه اللانوس فى المطبات بترزع لو على سرعه عاليه انما على السرعات الهاديه بتكون ناعمه
ورمضان كريم عليكم كلكم