ناوى أشترى جديد و محتار جيب رانجلر ولا bmw

يا جماعة أنا عضو جديد في المنتدى و كان عندى عربية نيسان و أخويا الصغير دمرها فى حادثة :fdsa:

دلوقتى ناوى أشترى عربية جديدة و عايز أطلع للألمانى بس لما فكرت فى جيتا هاي لاين لقيت أن شكلها هيتغير و الشكل الجديد أحسن كتير و لقيت فرق السعر معقول لشراء bmw بس لما سمعت عن الجيب لقيت أنها نفس السعر بالظبط بس مع فارق الإختلاف التام في بين الأتنين من كل النواحي ..

أنا عارف أن مفيش مقارنة بس عايز أعرف رأيكم في بعض النقاط ..

1- تكلفة الترخيص للجيب
2- أسعار الصيانة و قطع الغيار
3- الثبات
4- أسعار إعادة البيع
5- معدل إستهلاك البنزبن الفعلي للجيب

جزاكم الله كل خير .و رمضان كريم

مش ها اقدر افيدك في اسئلتك لكن حاجه واحده
الرانجلر الجديده جامده جدا

انت ما حددتش انهي بي ام اللي بتقارن بيها بس أنا افترضت انك بتتكلم عن 316

1- تكلفة الترخيص للجيب
كتير جدا تقريبا 3% من تمن العربية

2- أسعار الصيانة و قطع الغيار
مش عارف بصراحة

3- الثبات
'بالتأكيد بي ام أحسن بكتير جدا من الجيب

4- أسعار إعادة البيع
سعر اعادة البيع في صالح البي ام

5- معدل إستهلاك البنزبن الفعلي للجيب
الجيب استهلاكها اعلى من البي ام عشان الدفع الرباعي و وزن العربية أكبر

أنا بتكلم فعلاً عن ال 316

و لكن أنا نفسى حد يكون أشترى الجيب الجديدة أو جربها يقدر يدينى تقييم

بص يا معلم انا معاك اهو و لو عايز اي حاجة تعرفها عن العربيتين انا معاك انتا حظك حلو عشان انتا كده جيت عندي بالظبط لاني كان معايا بي ام 330 الجديدة و بعتها لني لقيت ان شوارعنا المحروسه مش عايزة الا ال رانجلر و فعلاً بعتها و جيبت الرانجلر و عايز اقولك انها فعلا العربيه اللي تنفع مع شوارعنا و مع بلطجة السواقين اللي حواليك بجد و لو عايز تفاصيل ممكن تبعتلي على الخاص وانا ابعتلك نمرتي

[QUOTE=yasserit;3872952894]بص يا معلم انا معاك اهو و لو عايز اي حاجة تعرفها عن العربيتين انا معاك انتا حظك حلو عشان انتا كده جيت عندي بالظبط لاني كان معايا بي ام 330 الجديدة و بعتها لني لقيت ان شوارعنا المحروسه مش عايزة الا ال رانجلر و فعلاً بعتها و جيبت الرانجلر و عايز اقولك انها فعلا العربيه اللي تنفع مع شوارعنا و مع بلطجة السواقين اللي حواليك بجد و لو عايز تفاصيل ممكن تبعتلي على الخاص وانا ابعتلك نمرتي[/QU

و انا نويت اقلد ياسر و هبيع ال320 الجديدة و هجيب الرانجلر المخروبة (المحروسة سابقا) مع السواقين المصريين (المحترمين سابقا) ماينفعش معاهم غير الرانجلر و تركبلها الاكصدمات صلب و الي عايز يبلطج يبلطج و عموما انا مستمتعتش بالبى ام دبليو لان شوارعنا و الزحمة مسمحتليش استخدمها

هيه الجيب الجديده عفشتها ناعمه و لا خشنة ؟

اقتباس:

---

المشاركة الأصلية كتبت بواسطة mazagangee

هيه الجيب الجديده عفشتها ناعمه و لا خشنة ؟

---

بص هيا بين البنين و هيا دي حلاوتها يعني مش ناشفة زي الليبرتي ولا ناعمة زي الكيه كيه

طيب والشيروكي الجديدة ايه اخبارها يا استاذ مينا انا شايف انها اتغيرت كتير ...وبقت شكل الجيب كوماندر

http://www.contactcars.com/images/Ne...l/big/69_1.jpg

اقتباس:

---

المشاركة الأصلية كتبت بواسطة yasserit

بص هيا بين البنين و هيا دي حلاوتها يعني مش ناشفة زي الليبرتي ولا ناعمة زي الكيه كيه

---

فين تقريرك يا استاذ ياسر عن العربية ..منتظرينة بفارغ الصبر....لكن لو ممكن حضرتك تكلما شوية عن ثبات العربية على السرعات العالية ..وقطع الغيار ومدى توافرها بره التوكيل..يعني بعد الضمان ميخلص.
مع خالص الشكر

أنا معايا شيروكي ٢٠٠٩

1- تكلفة الترخيص للجيب 3 سينين + تظبيط...و ورق .....حوالي 20000 جنيه

2- أسعار الصيانة و قطع الغيار..... أنا عامل 21000 ... مرتين صيانه .. تكلفة اجماليه حوالي 2250 جنيه

3- الثبات............فوق ال-١٤٠ لزم تاخد بالك هي مش عربية سيدان أنا علي طريق القاهره - الأسكندرية بكون ماشي ١٥٠-١٦٠

4- أسعار إعادة البيع....... معنديش علم

5- معدل إستهلاك البنزبن الفعلي للجيب..........
طريق سريع ٩٠ كم /ساعة حوالي ٩٫٥ - ١٠ لتر / ١٠٠ كم
طريق سريع ١٢٠ كم / ساعة حوالي ١١- ١٢ لتر / ١٠٠ كم
وسط البلد ١٦-١٨ لتر / ١٠٠ كم ( زحمة)

هو مش مفروض العربية في الضمان يعني الصيانة مجانا ...

دة أسعار الفلاتر و الزيوت + مصنعية

اقتباس:

---

المشاركة الأصلية كتبت بواسطة mummy_47

فين تقريرك يا استاذ ياسر عن العربية ..منتظرينة بفارغ الصبر....لكن لو ممكن حضرتك تكلما شوية عن ثبات العربية على السرعات العالية ..وقطع الغيار ومدى توافرها بره التوكيل..يعني بعد الضمان ميخلص.
مع خالص الشكر

---

انا حجهزه ان شاء الله في اقرب وقت معلش سامحوني على التأخير لان رمضان بس الوقت ضيق قوي والواحد مش ملاحق يعمل اي حاجه
بالنسبة للشيروكي الجديدة هيا كانت معايا فترة و منصحكش بيها لان عفشها ناعمه زيادة و دة مخليها بعد ال 120 مش ثابتة خالص ،،،
اما بالنسبة للرانجلر فا ثباتها احسن بكتير منها و انا بمشي بيها على الطريق 170-180 و ما شاء الله كويسة

طمنتني يا استاذ ياسر ...وفي انتظار التقرير

هل فى منها 4x2 , 4x4

ولا ايه و ايه الكماليات الموجوده فيها والاوبشنز وعز العرب عامل ايه