الموضوع: جبت السووووووول الحمدلله :)

ربنا يبارك فيكم كلكم يا أحلى شباب و أخوات بجد (( بدون أى مصالح أو محسوبيات :) ))

ألف مبروك ،ربنا يباركلك فيها ،بس مال الوكيل منفض العربية كدة ليه ؟

حاجة قحط يابنى والله مش عارف ليه كده .. مع ان الخليجى مش كده .. بس تصدق بردو أن الخليجى فيه حاجات مش فيها ؟؟

مبرووك يا باشاااااا ربنا يديك خيرها ان شاء الله
بس انا عايز لفففففففة من زمان عايز اركب سول

انا عنيا ليك يا باشا انت تؤمر :)

مليون مبروك ربنا يديلك خيرها ويكفيك شرها انا ليا استفسار بسيط اكيد انت قارنت بينها وبين الخليجى يا ترى اية الفرق

ربنا يبارك فيك يارب .. فعلا قارنت كتير بينها و بين الخليجى .. بس انا اخترت الوكيل عشان انا فضلت انى اريح دماغى من قلق الخليجى او عيوب الصناعة ..

مواصفات العربية معروفة .. بس انا هكلمك عن الفرق بين الأتنين ..

الزيادة فى الخليجى : سيستم لايت - فرامل اى بى ايس - جنط 18

الزيادة فى الوكيل : 8 سماعات + صب ووفر - جنط 16 (بالنسبالى أفضل) - طارة مالتى - سبويلر خلفى - سماعات مضيئة - فوجات - وشوية حاجات بسيطة

طبعا الفرق لصالح الخليجى فى الفرامل , بس احنا طول عمرنا بنسوق بفرامل عادية و ربنا بيسطرها معانا , لكن أدفع 5000 جنيه أكتر و بدون ضمان و قلق و وجع دماغ و جنط أكبر بيدبدب جامد ( على حسب كلام الناس) عشان أجيب خليجى ؟؟!! أعتقد أن الوكيل أريح ..

و أى إستفسارات او ملاحظات انا أن شاء الله معاااكم ..

دعاوتكم بالخير يا شباب :)

ألف مبروك
احسنت الإختيار :)
يا ريت تقييمك و انطباعك :)