جبت السووووووول الحمدلله :)
بعد 7 شهور بحث عن عربية تلبى متطلباتى .. أخيرا أرتحت و أخترت سوول .. عشان أكون معاكو يا كياوية :):verygood:
أنا أستلمتها أنهارده و لفيت بيها شوية .. بسم الله ما شاء الله
الأنطياع الأول :
العربية جميلة أوى - هادية - الباور الكهرباء لطيف اوى - أرتفاعها عن الأرض عاجبنى اوى - سحبها لطيف - تكيف حلو ماشاء الله - الصالون مريح..
العيوب بشكل مبدئى:
العفشة ناشفة شويتين مش شوية واحدة :T_thum1[1]:
الوكيل شايل الكونسول بين الكرسيين الأماميين فا اللى جنب السائق مالوش مكان لمسند الأيد :S و المفتاح من غير ريموت و حاجة قحط ..
الشنطة تعتبر مش واسعة بس بالنسبالى معقولة
مواصفات العربية وكيل:
جنط 16 - تكيف - باور كهرباء - 8 سماعات + صب ووفر - تابلوه لونين شيك - فرش لونين و بصراحة شيك - زجاج خلفى و جانبى خلفى فاميه
أى إستفسارات انا موجود ... و مبدئيا العربية عاجبانى الحمدلله رب العالمين ..
دعواتكم بأه يا شباب :)