اطلع على اللينك دىContactCars | Fiat فيات - Punto بونتو - 1.3 M/T - 65,900 - 2010 وادعيلى
عرض للطباعة
اطلع على اللينك دىContactCars | Fiat فيات - Punto بونتو - 1.3 M/T - 65,900 - 2010 وادعيلى
شكرا يا باشا ربنا يكرمك، بس فيه استفسار بقى اولا اللي انا شفتها عند الطارق سبابيكها اللي ورا يدوي مش كهربا و مكنتش بجنوط ولا كاسيتو قاللي 66000 يعني نفس السعر اللي مكتوب في كونتاكت كارز بس بامكانيات مختلفة، وزي ما وضحت قبل كده ملحق السيارات بتاع اخبار اليوم كان كاتب 73000 مش 66000، يا ريت لو حد يقدر يوضحلنا الفرق ده ايه و ليه.
شكرا لتعاونكم الجميل:satelite:
لو تقدر تسأل عنها في صالة عرض اوماترا اللي في يوسف عباس تبقى حسمت الكلام
اوماترا اسكندرية : الطابية ناصية الطفولة السعيدة برج بانوراما السرايا
ت : 3572603-----3572602
باشا ألف شكر على التليفون و العنوان، انا كلمتهم و قالولي ان السعر الرسمي 65900 و هي موديل 2011 الاوبشنز المتاحة Air Bags مش عارف اذا كانت واحدة و لا اتنين، زجاج كهربائي امامي فقط، باور ، تكييف بكر ، مش عارف اذا كان في كاسيت ولا لا ، طاسات مش جنوط، هي متوفرة حسب الألوان، ان شاء الله هروح في اقرب فرصة اشوفها على الطبيعة هيكون احسن من السمع و ربنا يقدم اللي فيه الخير.
برضو باب النصيحة لسه متقفلش يا ريت اللي عنده اي اختيارات اخرى و أحسن يا ريت ميبخلش عليا بيها و شاكر مساعدتكم جدا جدا :satelite:
يا جماعة انا في حيرة وحشة اوي، انا شفت العربية هي حلوة بس كل ما اقول لحد عليها يقوللي تمنها كتير اوي عليها كعربية 1300 سي سي مفيهاش كل الاوبشنز المتاحة في اسعار فئتها، بيقولولي انت كده بتشتري اسم بس لكن عربية مفيش، دبرني يا وزير قولولي اعمل ايه ؟؟